تازه خبرونه
په کابل کې عتیقه پلورونکي او حکاکان د بازار نشتوالي اندېښمن کړي
د کابل په نوي ښار کې د انتیک پلورنځیو د کوڅې عتیقه پلورونکي او حکاکان د خپلو تولیداتو لپاره د بازار له نشتوالي اندېښمن شوي دي.
د کابل ښار د انتیک پلورنځیو کوڅه، چې نږدی شپېته کاله وړاندې د چرګانو کوڅې په نوم یادیده؛ اوس دلته له درې زره ډېر پلورونکي له لویو او کوچنیو فابریکو سره عتیقه آثار او قیمتي زیورات جوړوي، چې دغو قیمتي زیوراتو د دغه بازار ښکلا نوره هم زیاته کړې ده.
عتیقه جوړونکی حبیب الله وایي، ما دغه غاړکۍ له سپینو زرو او لاجوردو جوړه کړې. هر څه د دیزاین له مخې وخت نیسي.
سره له دې، چې دغه کسان د قیمتي ډبرو د تنظیم او پالش ظرفیت لري؛ خو د بازارونو د خرابۍ او نشتوالي له کبله اوس دوی له ځینو ګاونډ هېوادونو( چین او پاکستان) په ټیټ قیمت اجناس واردوي.
حکاک ضیا الرحمان امرخېل وایي، د لاجورد دغه تیږې له بدخشان ولایته راوړل کیږي او موړ د هر راز ښکلیو څیزونو د جوړولو وړتیا لرو.
په دې سیمه کې، چې کوم زیورات جوړیږي قیمتونه يي له ۵ دالرو څخه تر ۱۰ زره دالرو پورې رسیږي.
دوی وايي، ډېري حکاکانو د بازار د نشتوالي له کبله خپل کارونه پریښي او ځینې کار خاني هم د سقوط له ګواښ سره مخ دي.
کاروباري محمد سلیم صدیقي وایي، پخوا بازار و اوس نشته. اوس لګیا یو په تاوان کار کوو او د میاشتې۵۰۰ دالر ګټه نه لرو.
سربېره پر دې دغه زیورات ډېرو خلکو ته لوړه بیه لري.
پېرېدونکی نادر وایي، که څه هم دغه زیورات مو په هېواد کې جوړیږي؛ خو مونږ ته د بهرني جنس په پرتله لوړه بیه لري.
نه یوا زې د انتیک پلورنځیو په کوڅه کي، بلکي د کابل ښار په نورو برخو کې هم د لاسي صنایعو کار کوونکیو خپل بازارونه د ناامنیو، اقتصادي بېوسیو او نورو بېلا بېلو لاملونو له کبله له لاسه ورکړی دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه