Connect with us

تازه خبرونه

په مشورتي لویه جرګه کې د طالبانو پر غوښتنو هم مشورې کیږي

خپور شوی

د

(Last Updated On: لړم ۳, ۱۴۰۱)

د سولې مشورتي جرګې د چمتووالي کمیسیون وایي، چې د سولې په جوړیدونکې مشورتي لویه جرګه کې به د طالبانو پر غوښتنو مشورې وشي.

نهه ورځې وروسته په کابل کې مشورتي لویه جرګه جوړیدونکې ده.

د جرګې د تر سره کیدو لپاره چمتووالی وروستی شوی؛ خو آیا په دې جرګه کې به د طالبانو غوښتنې تر بحث لاندې راشي او که نه؟

د  مشورتي لویې جرګې د چمتووالي کمیسیون تمه لري، چې د طالبانو غوښتنې په جرګه کې انعکاس وکړي؛ خو مخکې له هغې دا کمیسیون له حکومت او طالبانو غواړي، چې د سولې لپاره تعریف شوې کړنلاره جوړه کړي.

د سولې جوړیدونکې مشورتي جرګې د چمتوالي کمیسیون غړی سید علی کاظمي وایي، چې مونږ د سولې په اړه تعریف شوې تګلارې ته اړتیا لرو. هیله من یو، چې د سولې مشورتي جرګې تر جوړیدو یوې منل شوې پایلې ته ورسیږو او په دې اړه ډاډه شو.           

د اجرائیه رییس په ګډون د ولسمشرۍ ځینو نوماندانو له جرګې سره پرېکون کړی او ځینې بیا باوري دي، چې دا جرګه د ولسمشر د ټاکنیز کمپاین یوه برخه ده.

په کابل کې د اروپایي ټولنې سفیر له افغان سیاستوالو غواړي، چې لدې جرګې څخه سولې ته د رسیدو لپاره کار واخلي، نه د بېلتون او لریوالي لپاره.

په کابل کې د اروپایي ټولنې سفیر پیري مایدون څرګنده کړې، چې ځینې ګوندونه د دې جرګې په اړه  یو لړ نیوکې لري؛ خو د افغانستان په تاریخ کې دا ستونزمنه شېبه ده او باید لدې فرصته د همپالنې لپاره کار واخیستل شي، نه د بېلتون لپاره. مونږ تمه لرو، چې ټول یوې هوکړې ته ورسیږي او له لویې جرګې څخه سولې ته د رسیدو لپاره کار واخلي.

د جرګې لپاره دوه اجنډاوې له وړاندې ټاکل شوي، لومړی له طالبانو سره د سولې په خبرو کې د تعامل حدود او دوه یم د خبرو اترو اډانه؛ خو دا اجنډا ځینو ته مبهمه ښکاري.

پخوانی پوځي ظاهر عظیمي وایي، چې لومړی د دې لپاره، چې جرګې ته به څه وړاندې کیږي؛ کومه اجندا نشته او دا، چې څه به پوښتي او څه ځواب به وړاندې کوي هم بې برخلیکه پاتې ده. د جرګې غړي هم داسې ندي غوره شوي، چې ټولو ته د قناعت وړ وي.        

داسې ښکاري، چې حکومت ندی توانیدلی د مشورتي لویې جرګې د جوړیدو لپاره د ټولو سیاستوالو هوکړه واخلي. که څه هم د جرګې لپاره ۳۷۵ میلیون افغانۍ ځانګړې شوي؛ خو روښانه نده، چې پایلې به یې ټولو ته د منلو وي او که نه.

دا په داسې حال کې ده، چې په دوحه کې د افغانانو خپلمنځي ناسته د افغان حکومت د ۲۵۰ کسیز نوملړ پر لامل د قطر حکومت لخوا لغو شوې او هغو کسانو، چې د قطر لخوا د دوحې ناستې ته بلل شوي؛ د ناستې له لغو کولو وروسته یې مشورتي لویه جرګه او ولسمشریزې ټاکنې دواړه تحریم کړې دي.

خبریال: باعث حیات

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!