تازه خبرونه
په ټاکنو کې عادلانه قضاوت به، د هېواد راتلوونکې تضمین کړي- اشرف غني
د دولت جوړوونکې ټاکنیزې ډلې مشر اشرف غني د خپل دوه یم کمپاین په یوه جوړه شوې ناسته کې له دیني عالمانو وغوښتل، چې خلک په ټاکنو کې عادلانه قضاوت او ګډون ته وهڅوي.
دیني عالمان د ولسمشر غني ملا تړکوي، چې یو ځل بیا واک ته ورسیږي؛ خو له دغې ډلې څخه بریا ته له رسیدو مخکې ځینې غوښتنې هم لري.
سلګونه دیني عالمانو په یوه غونډه کې له دولت جوړوونکې ټاکنیزې ډلې ملاتړ اعلان کړ؛ د زورواکۍ د پای ته رسیدو او د خپلواکۍ د بېرته اخیستو د سلمې کلیزې په درشل کې یې د بندیانو د خلاصون غوښتنه هم وکړه.
د کابل د عالمانو شورا رییس عطاالله فیضاني ویلي، چې زورواکي دې پای ته ورسیږي؛ ځکه خلک ترې پوزې ته راغلی او بې ګناه خلک وژل کیږي. دغه راز باید د خپلواکۍ د بیا ترلاسه کولو په ویاړ باید بندیان په ځانګړي توګه دیني عالمان دې خوشې شي.
دیني عالم رحیم الله عزیزی ویلي، چې د حکومت او عالمانو اړیکې باید نورې هم ښې شي؛ د مدارسو او جوماتونو امنیت باید خوندي شي او د عالمانو علمي درجه دې پورته شي.
د ولسمشریزو ټاکنو نوماند اشرف غني ژمنه کوي، چې د دیني عالمانو غوښتنو ته به جدي پاملرنه وشي؛ له هغو غواړي، چې په راتلونکې کې د عدالت د پلي کیدو لپاره خلک په ټاکنو کې ګډون او عادلانه قضاوت ته وهڅوي.
د ولسمشریزو ټاکنو نوماند اشرف غني دا هم ویلي؛ تاسې خلک وهڅوئ، چې ټاکنه د دیني وجیبې په توګه اړینه وګڼي؛ ځکه، چې همدا د قضاوت وخت دی. د رای ورکولو مقام د عدالت مقام دی او پر هغه ورځ یوازنی شی، چې خلک غواړي هغه عادلانه قضاوت دی.
د ولسمشریزو ټاکنو دغه نوماند زیاته کړې، چې که په ټاکنو کې بریالی شو؛ د افغانستان د دفاع په لار کې به کار وکړي.
د ولسمشریزو ټاکنو نوماند غني ټینګار وکړ، چې شهید مسعود ویلي: که د افغانستان یوه لویشت خاوره هم پاتې وي، له لاسهیې ورکولی نشم. مونږ یې نه یوازې جوړوو، بلکې له نورو هېوادونو سره یې سیال کوو هم. ان سر ترې قربانوو.
د هېواد په ټولو ولسوالیو کې د جامع جوماتونو جوړول، پر دیني مدرسو پانګونه، په کلیدي وزارت د ارشاد، حج او اوقافو وزارت بدلول، د اسلامي پوهنتون او اسلامي څېړنو د مرکز جوړول د دولت جوړونکې ټاکنیزې ډلې له سترو پروګرامونو دي، چې له دیني عالمانو سره یې پرې ژمنه وشوه.
د یادونې ده، چې د دولت جوړوونکې ټاکنیزې ډلې مشر اشرف غني په خپل لومړي ټاکنیز کمپاین کې خلکو ته د عمري او حضرت علي رض د عدالت رامنځته کولو ژمنه وړاندې کړې ده.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل