تازه خبرونه
له چینایي شرکت سره د عینکو مسو کان تړون ناکام دی- همایون قیومي
د ولسمشر اقتصادي سلاکار له چینایي شرکت سره د عینکو مسو کان تړون ناکام بولي او وایي؛ د تخنیکي ظرفیت نشتوالی، مالي او حقوقي ستونزې د دې سبب شوي، چې د دې تړون د عملي کیدو چارې له ستونزو سره مخ شي.
د عینکو مسو کان د هېواد په کچه لویه اقتصادي پروژه ګڼل کیږي، چې تړون یې په ۲۰۰۸ کال کې له چینایي شرکت سره تر سره شوی؛ خو تر اوسه د دې تړون عملي چارې ندي پیل شوي. اوس د ولسمشر اقتصادي سلاکار همایون قیوم وایي، د تړون د پلي کیدو پر وړاندې یو لړ ستونزې شته او په خبره یې دا یې ناشونې کړې، چې تړون تطبیق شي.
د بېخبناوو( زیربناوو) او کانونو په چارو کې د ولسمشر سلاکار همایون قیومي وایي: نور هېوادونه د مسو په چارو کې له ۶ څخه تر ۸ سلنه ورکوي؛ خو کله، چې په دغه راز تړون کې ۱۸ سلنه کمپنۍ افغانستان ته ورکوي؛ نو آیا څوک نه ول، چې حقوقي، مالي او نورې خواوې یې وپوښتي؟!
د کانونو وزارت که څه هم په تړون کې ځینې ستونزې مني؛ خو وایي، په نږدې ورځو کې له چینایي شرکت سره د دې ستونزو د حل لپاره خبرې کیږي.
د کانونو او پترولیم وزارت ویاند عبدالقدیر مطفي وایي: مونږ ستونزې لرو؛ ځکه مو وغوښتل، چې زمونږ تخنیکي تیم له چینایي شرکت سره خبرې پیل کړي. له خبرو وروسته به یې پایله خلکو ته وړاندې شي.
که څه هم کانونه د اقتصادي ودې مهمه برخه ګڼل کیږي؛ خو باورونه دا دي، چې د کانونو د استخراج په برخه کې تر اوسه عملي کارونه نه دي شوي.
اقتصادي شنونکی ایمل عمري وایي: د کار په پیل کې حکومت د کانونو د کیندلو پلان او پالیسي نلرله؛ ځکه، نو تړونونه ناکامیږي.
د عینکو مسو کان د کابل په سویل ختیځ کې څلوېښت کیلومتره لیرې پروت دی. د لوګر د مسو دا کان د نړۍ دوه یم سترکان دی، چې تر اوسه نه دی سپړل شوی.
سمیرا ظفري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه23 hours ago
ترکمنستان د ټاپي پروژې بشپړولو ته ژمن دی – امانوف
-
لوبی20 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل