تازه خبرونه
په ننګرهار کې موتربم د لس اهل هنودو په ګډون ۴۴ کسانو ته مرګ وړ ژوبله اړولې
سیمه ییزو چارواکو په ډاګه کړې، چې د اهل هنودو پر هغې ډلې ځانمرګی برید شوی، چې غوښتل یې د ننګرهار په شاهي ماڼۍ کې له ولسمشرمحمد اشرف غني سره وګوري.
د جلال آباد چارواکي او عام خلک د ولسمشر راتګ ته له یوې اوونۍ راپدیخوا په تمه ول؛ سرتېرو د ښار ډېر واټونه تړلي وه او په ښار کې کلک امنیتي تدابېرنیول شوي وه؛ خو بیا هم یوه ځانمرګي د ښار تر زړه ځان رسولی دی.
د ننګرهار امنیه قومندان غلام سنايي ستانکزی وايي، د برید موخه هغه هندوان او سِکان ول، چې غوښتل یې د ننګرهار په شاهي ماڼۍ کې له ولسمشر سره د خپلو ستونزو د حل لپاره وګوري.
مسوولین وايي، په پېښه کې شل تنه وژل شوي او درویشت ټپيان دي.
په وژل شویو کې لس تنه اهل هنود او پاتې یې نور خلک دي.
د ننګرهار د عامې روغتیا رييس داکترنجیب الله کاموال وايي، د پېښې له ځای څخه د جلال آباد مرکزي روغتون ته نولس جسدونه او شل ټپيان وروړل شوي، چې د ځينو یې په کې روغتیایي حالت خراب دی.
هغه زیاتوي ډېري قربانیان ملکیان دي.
د امنیتي مسوولینو د وروستیو څرګندونو له مخې؛ ځانمرګي له چاویدونکیو توکیو ډک موټر، سرتېرو ته نږدې د اهل هنودو او خلکو په هغه ډله کې چولی، چې ولسمشرته ورروان ول.
دوی وايي، ټول یویشت تنه وژل شوي او درویشت ټپیان دي.
تراوسه د دې پېښې مسوولیت چا پرغاړه نه دی اخیستی.
دا په داسې حال کې ده، چې د یکشنبې په شپه د خوږیاڼیو په ولسوالۍ کې د ملکیارهوتک د لیسې له درې بې وسلې ساتوونکیو وسلوالو سرونه پرې کړې او د لیسې ودانۍ یې سوځولې ده. د دواړو پېښو مسوولیت حکومت پر داعش اچولی؛ خو داعش تر دې دمه په دې اړه رسنیو ته څه نه دي ویلي.
خبریال: رحمت الله زیارمل
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه