Connect with us

تازه خبرونه

په ننګرهار کې چاودنې د واده د مراسمو ۲۰ ګډونوالو ته مرګ و ژوبله اړولې

خپور شوی

د

(Last Updated On: لړم ۳, ۱۴۰۱)

د ننګرهار په پچیراګام ولسوالۍ کې د ځايي پاڅونوالو د یوه مشر ملک تور د وراره د واده په مراسمو کې ځانمرګی برید شوی دی.

په ننګرهارکې د جمعې پر ورځ ( د چنګاښ) د سهار نهه بجې د لاندې پچیر په سیمه کې یو ځانمرګي د ځايي پاڅونوالو د مشر ملک تور  د وراره، د واده په مراسیمو کې ځانته چاودنه ورکړې ده.

 د پچیراګام ولسوال حضرت خان خاکسار وايي، په پېښه کې ملک تور سره د دوه ځامنو او درې کلیوالو وژل شوی او ۱۴کسان ټپيان دي.

د پېښې ټپي ادم خان وايي، یوځوان، چې سپين څادریې اغوستی و؛ د واده مراسیمو ته راغی او د ملک تور تر څنګ کیناست.

د ننګرهار د سیمه ییز روغتون عمومي نوکریوال داکترخاموش احمدزی وايي، له ملک تور پرته نور د دې برید ټول قربانیان ملکي وګړي دي.

د نوموړي د څرګندونو له مخې؛ ټپیان ټول د جلال آباد مرکزي رواغتون ته رالیږدول شوي، چې د ځينو روغتیایي حالت د اندېښنې وړ دی.

سیمه ییزو چارواکو او د بشري حقونو فعالانو دا برید په کلکه غندلی او ویلي یې دي، چې د واده پر مراسیمو برید لوی جنایت دی.

په برید کې د واده زلمی بچ دی؛ خو د کورنۍ غړي یې قرباني شوي.

د یادونې ده، چې ملک تور دوه کاله وړاندې په پچیراګام کې د داعش پر ضد وسله راپورته کړه او داعش يې پخپله سیمه کې مات کړ.

طالبانو په دې برید کې لاس لرل رد کړي؛ خو د داعش جنګیالو ځينو سرچینو د برید مسوولیت منلی دی.

خبریال: رحمت الله زیارمل

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!