تازه خبرونه
په هېواد کې پر کرونا ویروس د اخته کسانو شمېر نږدې یوولس سوه ته پورته شو
د عامې روغتیا وزارت وايي، چې په افغانستان کې د کورونا ویروس د ۶۶ مثبتو پېښو له موندل کیدو سره د اخته کسانو شمېر ۱۰۹۲ ته پورته شو.
په پلازمېنه کابل کې کورونا ویروس په چټکۍ مخ پر خوریدو دی او د هرې ورځې له تېریدو سره یې شمېر لوړیږي او له هرات څخه اوس په کابل کې د کورونا ویروس ډېرې پېښې ثبتیږي.
د عامې روغتیا وزارت ويلي، چې له تېرو څلیریشت ګړیو څخه د کورونا ویروس شپږ شپېته مثبتې پېښې ثبت شوي دي، چې دوه پنځوس یې په کابل کې، پېنځه په لغمان او څلور – څلور په ننګرهار او پکتیا ولایتونو کې ثبت شوي دي.
د نوموړي د څرګندونو له مخې؛ په تېرو ۲۴ ګړیو کې ۱۵ کسان له دې مرګونې ناروغې رغیدلي، چې له دې سره د رغیدلیو کسانو شمېر ۱۵۰ ته ورسیده.
په هرات کې د کورونا ویروس ټولې مثبتې پېښې درې سوه څلوېښت دي؛ خو د تازه پېښو له موندل کیدو سره په کابل کې له هرات ډېر کسان پر کورونا ویروس اخته شوي دي.
اوس په کابل کې درې سوه پېنځه اتیا کسان پر کورونا اخته دي.
ولسمشر غني هم زیاتره چارې او لیدنې د تلویزیون او ویډیو کنفرانس له لارې تنظیموي.
کله، چې په ارګ کې پر کورونا ویروس د لسګونه کسانو د اخته کیدو راپورونه خپاره شول؛ ولسمشر غني او لومړۍ میرمنې هم د دغې ناروغۍ طبي آزموینه وکړه، چې د چارواکو په ونیا پایلې یې منفي راوتي دي.
د ولسمشر ویاند په ډاګه کړې، چې ولسمشر غني جوړ تیار دی او ټولې دولتي چارې په منظمه توګه اداره کوي او د سالم کاري چاپېریال لپاره ورته ټول تدابیر نیول شوي دي.
تازه خبرونه
له افغانستان سره پولې ته نږدې د تاجکستان دوه سرتېري ووژل شول
د تاجکستان ملي امنیت کمیټه زیاتوي؛ په نښته کې درې وسلوال او د دوی دوه سرتېري وژل شوي دي.
تازه خبرونه
ملا برادر په هرات ولایت کې د المونیمي ډبیو د تولیدي شرکت د بنسټ ډبره کېښوده
د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.
د ریاستالوزراء اقتصادي مرستیال ملا عبدالغني برادر آخوند نن پنجشنبه( د مرغومي څلورمه ) د هرات ولایت په صنعتي پارک کې د المونیمي ډبیو د یوه تولیدي شرکت د بنسټ ډبره کېښوده.
د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.
ویل کیږي، چې دغه شرکت په ۱۶ جریبه ځمکه کې جوړېږي او ۱۷۰۰ هېوادوالو ته به کاري فرصتونه رامنځته کړي.
تازه خبرونه
د امریکا پر ملي ګارډ شکمن ډزې کوونکي ته ممکن د مرګ سزا ورکړ شي
فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمانالله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.
امریکايي سرچینو ویلي: هغه افغان، چې په واشنګټن ډي سي کې د امریکا ملي ګارډ پر دوه غړیو د ډزو پر تور نیول شوی؛ اوس له داسې نویو تورونو سره مخ دی، چې ورته د مرګ سزا هم غوښتل کېدی شي.
فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمانالله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.
د ملي ګارد یوه غړې ۲۰ کلنه سارا بیکسټروم د نومبر د شپږویشتمې په برید کې ووژل شوه او انډریو وولف سخت ټپي شوی دی.
امریکایي څارنوال جینین پیرو ویلي؛ د لکنوال د دوسیې لېږد به له سترې محکمې څخه فډرالي محکمې ته د بیاکتنې او ارزونې داسې اجازه ورکړي، چې ووایي: آیا نوموړي ته د مجازاتو که د مرګ سزا ورکړ شي.
لکنوال د واشنګټن ډي سي د قانون له مخې د وسلې د لېږدولو، د لومړۍ درجې وژنې، د وژنې پر نیت برید او د وسلو د غلا پر څو جرمونو تورن دی.
د افبيای په یوه څرګندونه کې راغلي: هغه تومانچه، چې په ډزو کې کارول شوی؛ د ۲۰۲۳ کال په می کې د سیاټل ښار له یوه کور څخه غلا او بیا وروسته په واشنګټن ایالت کې لکڼوال ته ورکړ شوې او هغه هلته اضافي مهمات هم پېرودلي وه.
-
تازه خبرونه4 days agoافغانان باید د یو کس د جرم بیه پرې نکړي – د بوش بنسټ
-
تازه خبرونه3 days agoد ترکیې استخباراتو ډیورنډ فرضي کرښې ته نږدې د داعش یو غړی نیولی
-
تازه خبرونه4 days agoایران ته د ناقانونه تېرېدا پر مهال درې افغان کډوال له سختې یخنۍ مړه شول
-
تازه خبرونه2 days agoد ټول عمر لپاره د عاصم منیر بښل د اسلام خلاف عمل دی
-
تحول5 days agoتحول: له افغانستان سره د سوداګرۍ د آسانتیا لپاره د ایران هڅې
-
لوبی3 days agoد افغانستان هندبال فډراسیون رییس د دې څانګې په نړیوال کانګرس کې ګډون وکړ
-
تازه خبرونه3 days agoکابل ښاروالۍ د شهرنو پارک د بیارغونې بنسټیزې چارې پیل کړې
-
تازه خبرونه2 days agoپر کابل برید د هیڅ پلمې له مخې د منلو وړ ندی

