Balkh
په کندوز ښار کې چاودنې مرګ و ژوبله رامنځته کړې
د کورنیو چارو وزارت د څرګندونو له مخې؛ په دې چاودنه کې لس کسان وژل شوي او د امنیه قومندان په ګډون پېنځه کسان ټپیان شوي دي.
یاد وزارت دا هم په ډاګه کړې، چې د چاودنې د بڼې او د زیانمنو کسانو د هویت په اړه به وروسته څرګندونې وشي.
د کندوز سیمه ییزو خبریالانو ویلي، چې په دې پېښه کې یو شمېر خبریالانو او د پولیسو مسوولینو ته مرګ و ژوبله اوښتې ده.
د ناتائید شويو څرګندونو له مخې؛ د ولایتي پولیسو ویاند سید سرور حسیني، یو خبریال او د پولیسو څو نور غړي په وژل شویو کې شامل دي.
دا په داسې حال کې ده، چې طالبانو نن سهار وختي د کندوز ښار له څو لوریو څخه پر دغه ښار برید وکړی او دوی د دغې چاودنې مسوولیت هم پر غاړه اخیستی دی.
بشپړې څرګندونې لږ وروسته.