Connect with us

تازه خبرونه

اشرف غني او ملګرو يې د تېښتې پر مهال له يو ميليون لږ ډالر وړي – سیګار

Published

 on

(Last Updated On: غبرګولى ۱۸, ۱۴۰۱)

د افغانستان د بیارغونې لپاره د امریکا ځانګړي مفتش د امریکا کانګرس ته په یوه تازه راپور کې څرګنده کړې؛ اشرف غني او د هغه ۵۴ ملګرو د اګست پر ۱۵ د تېښتې پر ورځ شاوخوا یو میلیون ډالر بهر ته وړي دي.

د افغانستان د بیارغونې لپاره د امریکا ځانګړي مفتش جان سپکو د پخواني ولسمشر محمد اشرف غني لخوا له افغانستان څخه د تېښتې پر وخت د لسګونه میلیون ډالرو لېږدول رد کړي دي.

سیګار وايي، چې د لومړنیو موندنو پر بنسټ اشرف غني او د هغه ۵۴ کسیزې ډلې د تېر کال د اګست پر پېنځلسمه له افغانستان څخه د تېښتې پر مهال له ۵۰۰ زره ډالرو زیاتې پیسې له ځان سره وړي دي.

 د سیګار ادارې د څرګندونو له مخې؛ د لومړنیو موندنو له مخې، د پام وړ نورې پیسې، پېنځه میلیون ډالره په ولسمشرۍ ماڼۍ او ۷۰ میلیون نور د ملي امنیت له ریاسته ورکې شوې دي.

سیګار د امریکا کانګرس ته په یوه تازه راپور کې لیکلي، چې په درې چورلکو کې د ۱۶۹ میلیون ډالرو د لېږدولو راپورونه، چې ګواکې  اشرف غني او ډلې یې له افغانستان څخه وړي دي؛ ناسم دي.

امريکايي ورځپاڼې پوليټيکو د سیګار د يوه لومړني راپور د څرګندونو له مخې په ډاګه کړې، چې له جنرال عمر خېل سره په يوه کڅوړه کې دوه سوه زره ډالره او د ملي امنيت شورا د سلاکار رفيع فضل سره په بله کڅوړه کې ٢٤٠ زره ډالره ول.

د افغانستان د بیارغونې لپاره د امریکا ځانګړي عمومي پلټونکی جان سپکو ویلي: که څه هم سیګار موندلې، چې د اشرف غني او د هغه د ملګرو په چورلکو کې یو څه نغدې پیسې لیږدول شوي؛ خو شواهد ښيي، چې دا رقم له یو میلیون ډالرو کم و.

په کابل کې د روسیې سفارت د اسلامي امارت له واک ته رسیدو یوه ورځ وروسته دولتي خبري آژانس ته ویلي وه، چې غني د تېښتې پر مهال ۱۶۹ میلیون ډالر له ځانه سره وړي. دا ادعا بیا وروسته د اشرف غني لخوا رد شوه؛ خو د لېږدېدلو پیسو د اندازې په اړه یې هغه مهال هم څه ندي ویلي.

د سیګار موندنې ښيي، چې له ولسمشرۍ ماڼۍ څخه پېنځه میلیون او له ملي امنیت څخه اویا میلیون ډالر په هماغه ورځ تريتم او غلا شوي دي.

یوه پخواني لوړپوړي چارواکي سیګار ادارې ته ویلي، چې له اشرف غني سره مل کسانو هر یوه له پېنځه څخه تر لس زره ډالرو پخپلو جیبونو کې لرل.

جان سپکو څرګنده کړې: له هغې وروسته، چې غني او ملګري یې له ارګه وتښل؛ په ارګ کې شاوخوا پېنځه میلیون ډالر پاتې ول، چې د ولسمشرۍ د ساتنې ادارې (PPS)د سرتېرو لخوا پرې شخړه وشوه او په بکسونو کې ځانګړیو موټرونو له ارګه وایستل او ورک شول. دغه راز له ملي امنیت ریاست څخه اویا میلیون ډالر، چې د طالبانو ضد وسلوالو د ملاتړ لپاره په پام کې نیول شوي وه، هم ورک او له لاسرسي ووتل.

 له دې ټولو ناخوالو سره سره د سیګار اداره  وايي، تر اوسه نده توانېدلې، چې د اګست پر پېنځلسمه د لوټ شويو پيسو کره اندازه معلومه کړي .سیګار دغه راپور له ۳۰ پخوانیو افغان چارواکو سره د مرکو پر بنسټ چمتو کړی، چې په کې د ارګ  لوړپوړي چارواکي  او د اشرف غني ملګري، د حکومت پخواني امنیتي او دفاعي چارواکي شامل دي.

سیګار په ډاګه کوي؛ دا یو لومړنی راپور دی او د وروستي راپور چمتو کولو لپاره د معلوماتو راټولول مو روان ساتلي دي.

تازه خبرونه

زه اوس هم د افغانستان ولسمشر یم

Published

on

(Last Updated On: زمری ۲۰, ۱۴۰۱)

د افغانستان پخواني ولسمشر اشرف غني، چې تېر کال یې د اګست پر ۱۵ له هېواده تېښته کړې؛ په خپلې لومړۍ تلویزیوني مرکه کې وایي: د هېواد د اساسي قانون له مخې اوس هم د هېواد ولسمشر یم.

په راتلونکیو څو ورځو کې د افغانستان د جمهوري نظام د سقوط او له هېواده د پخواني ولسمشر اشرف غني د تېښتې یو کال پوره کېږي.

اشرف غني د جمهوري نظام له سقوط وروسته په خپله لومړنۍ تلویزیوني مرکه کې، چې له A.B.N تلویزیون سره یې کړې؛ ادعا کوي، چې د اساسي قانون له مخې اوس هم د افغانستان ولسمشر ګڼل کېږي او تر هغې، چې د هېواد وګړي په قانوني بڼه بل څوک د ولسمشر په توګه و نه ټاکي، نو پخپل ځای به پاتې وي.

هغه وایي: زه د اساسي قانو پر بنسټ ولسمشر یم او تر هغې، چې د افغانستان خلک په قانوني بڼه بل څوک ونه ټاکي؛ زه ولسمشر یم.

اشرف غني د دې پوښتنې په ځواب کې، چې ولې له افغانستان څخه وتښتېد وايي؛ هغه وروستی کس و، چې له افغانستان څخه ووت. د هغه په خبره؛ دا کار یې، ځکه وکړ، چې د داکتر نجيب الله له برخلیک سره مخ نشي.

هغه زیاته کړې، چې له ده مخکې د ملي دفاع وزير په ګډون د کابينې ډېر غړي له افغانستان څخه تښتېدلي وه.

اشرف غني وایي: زه وروستی کس وم، چې له هېواده ووتم او دا هم د دې لپاره، چې د افغانستان د ولسمشر داکتر نجیب ترخه تجربه تکرار نشي.

دغه راز نوموړي زیاته کړې؛ د نظام په سقوط کې ټولو سیاستوالو ونډه درلوده.

هغه د ملي پخلاینې شورا پخوانی مشر عبدالله عبدالله د جمهوريت د ړنګېدو مسوول بولي او پر زلمی خلیلزاد هم نیوکې کوي.

نوموړی په دې اړه وایي: داکتر عبدالله د جمهوریت د نه ټینګښت مسوول دی. په ځانګړي توګه په وروستیو اووه کلونو کې. دوه یم دا، چې د افغانستان د سولې شورا مسوول وې؛ کوم ګام دې پورته کړ؛ د کاغذ پر مخ دې کومه طرحه وړاندې کړه او یا په عمل کې کله ، چې دوحې ته په ځانګړې الوتکه کې ولاړې او د اختر پر ورځ بېرته راغلې؛ ماته دې وویل، چې طالبان هیځ راز حرکت ته چمتو ندي.

د هېواد یو شمېر وګړي د اشرف غني دغه خبرې د شرم وړ بولي او وايي، چې د اوسنیو ټولو اقتصادي بدمرغیو لامل له افغانستان څخه د اشرف غني وتل دي.

د هېواد یو شمېر نور وګړي بیا وایي؛ اشرف غني د بښنې پر ځای بې ګټې خبرې وکړې، ځکه د ده تېښته د حکومت د سقوط لامل شوه، امنیتي بنسټونه له ماتې سره مخ شول او د نجونو ښوونځي اوس هم تړلي دي.

دوی د اوکراین له ولسمشر زیلینسکي سره د ده د پرتلې په اړه وايي، هغه د یو موټي ولس ولسمشر دی او امر يې د هېواد ټول امنیتي ځواکونه مني.

دا په داسې حال کې ده، چې له افغانستان څخه د اشرف غني له وتلو وروسته د هغه لومړي مرستیال امرالله صالح د افغانستان د اساسي قانون له مخې ځان د ولسمشرۍ مشروع سرپرست اعلان کړی دی.

Continue Reading

تازه خبرونه

اسلامي امارت د حجاب په ګډون د شریعت پلي کولو ته ژمن دی

Published

on

(Last Updated On: زمری ۲۰, ۱۴۰۱)

د امربالمعروف او نهی عن المنکر وزارت چارسمبالي ننګرهار ته د سفر پرمهال يوې جوړې شوې غونډې ته څرګنده کړې؛ د حجاب په ګډون ټول صادرشوي فرمانونه تطبيقوو او د مخنیوي په اړه به د نړیوالې ټولنې فشارونو ته تسلیم نشو.

هغه وایي؛ د نړيوالو هيڅ ډول فشار ته نه تسلیمیږي او ټول صادر شوي فرمانونه به تطبيقوي.

نوموړي له امربالمعروف له غړیو سره همکاري د ولس، ملاامامانو او ټولو مسوولينو ګډ مسووليت وباله او زياتوي، چې په تېرو شل کلونو کې فکري او فزيکي يرغل د افغان ملت راتلوونکي نسل ته سخته صدمه رسولې ده.

شیخ محمد خالد حنفي  ويلي؛ په ټول هېواد او ولسواليو کې کابو ۸ زره هڅاند غړي لري، چې د اجتماعي او فردي اصلاحاتو د راوستو لپاره کار کوي.

هغه همداراز د فرمانونو تطبيق په ولسي او حکومتي کچه عام کار وباله او زياتوي، چې هيڅوک ترې مستثنا ندی.

د نوموړي د څرګندونو له مخې؛ د اسلامي امارت فرمانونه تدريجي تطبيقوي او د تطبيق په برخه کې ټول مسوولين اړ دې، چې د امربالعمروف له کارکوونکیو سره همکاري وکړي.

دغه راز د غونډې ګډونوالو د تشکيل د زياتوالي، ترانسپورت او په نورو برخو کې له وزارت څخه د لازمې همکارۍ غوښتنه هم وکړه.

د امربالعمروف سرپرست همداراز ويلي، چې يو شمېر بهرنۍ کړۍ هڅه کوي، چې د يو شمېر خلکو پر مټ  اسلامي امارت تخريب کړي؛ خو هيڅ په لاس نه ورځي.

هغه ویلي، چې د ښځو حقوقو ته درناوی د تېرو شل کلونو پر پرتله په اسلامي امارت کې ډېر غښتلي او خوندي دي.

Continue Reading

تازه خبرونه

حکومت د انرژي او اوبو وزارت په سکتور کې د پانګونې د یو ورځنی کنفرانس کوربتوب وکړ

Published

on

(Last Updated On: زمری ۲۰, ۱۴۰۱)

د انرژۍ او اوبو وزارت په سکتور کې د خصوصي پانګونې د راجلبولو لپاره په کابل کې د دولتي چارواکو، نړیوالې ټولنې د استازیو او د خصوصي سکتور د غړیو په ګډون یو ورځنی کنفرانس جوړ شو.

د رییس الوزرا اقتصادي مرستیال ملا عبدالغني برادر په خپله پرانیستونکې وینا کې څرګنده کړې، چې د افغانستان اسلامي امارت د هېواد پرمختګ او پراختیا ته ژمن دی؛ خو له خلکو یې وغوښتل، چې زغم ولري او زیاتوي؛ ځکه دا هېواد مونږ پخپله جوړوو.

ملا برادر دغه راز په ډاګه کړه، چې افغانستان بالقوه یو بډایه هېواد دی، چې د پانګونې ډېر ښه فرصتونه لري.

نوموړي له سوداګرو وغوښتل، چې په افغانستان کې پانګونه وکړي او افغان حکومت به ورته نه یوازې د آسانتیاوو، بلکې د بشپړ امنيت زمینه هم برابره کړي.

هغه افغانانو ته ډاډ ورکړ، چې د کانونو د استخراج، بندونو په جوړولو او نورو برخو کې پانګونه او کارونه ورځ تر بلې زیاتېږي؛ ښايي په لږ وخت کې افغانستان پر ځان بسیا شي.

د انرژی او اوبو وزارت چارسمبالي عبداللطیف منصور هم استازیو ته په وینا کې ویلي، چی د افغانستان د اوبو لګولو اداره د اوبو مدیریت او د انرژۍ تولید ته ژمنه ده.

عبداللطیف منصور ویلي، چې کنفرانس د پانګوالو لپاره د اوبو او انرژۍ په سکتورونو کې د شته فرصتونو د په ډاګه کولو لپاره جوړ شوی، چې د کورنیو، سیمه ایزو او نړیوالو سوداګرو ته په اړوند سکتورونو کې د پانګوونې زمینه برابروي.

د کانونو او پټرولیم وزارت سرپرست شهاب الدین دلاور هم استازیو ته د وینا پر مهال ویلي؛ اوس د دې وخت رارسېدلی، چې د هېواد خپلواکي وساتو او له طبیعي زېرمو ګټه واخلو.

د کانونو او پترولیم وزارت چارسمبالي شهاب الدین لاور په ډاګه کړې؛ کوچني کانونه د کورنيو پانګوالو لپاره ځانګړي دي، خو که بهرنۍ کمپنۍ غواړي پانګونه وکړي، مشر يې بايد افغان وي.

د دلاور د څرګندونو له مخې، اوس مهال ٥١ واړه کانونه د استخراج په حال کې دي.

د کانونو او پترولیم وزیر شهاب الدین لاور بیات پاور ته هم نغوته وکړه او په ډاګه یې کړه، چې بیات پاور دا مهال ۴۰ میګاواته برښنا تولیدوي او غواړي دغه کچه ۲۵۰ میګاواته ته لوړه کړي.

هغه څرګنده کړه: مونږ د دغه شرکت له پرېکړې هرکلی کوو.

Continue Reading

Trending

Copyright © 2022 Ariana News. All rights reserved!