Connect with us

لوبی

افغانستان د ۲۰۲۲ کال آسیا جام په لومړۍ لوبه کې له سریلانکا سره لوبه کوي

خپور شوی

د

(Last Updated On: وږی ۵, ۱۴۰۱)

د ۲۰۲۲ کال آسیا جام سیالۍ نن شنبه ماښام مهال د دوبۍ په نړیوال لوبغالي کې پیلیږي او افغانستان له سریلانکا سره لوبه کوي.

د افغانستان د کرکت لوبډلمشر محمد نبي او د سریلانکا لوبډلمشر داسون شاناکا دی. دواړه لوبډلې له بنګله دېش سره په بي ګروپ کې سیالۍ کوي.

نبي او شانکا دواړه هیله مند دي، چې له خپلو لوبډلو سره په زړه پورې لوبې نندارې ته وړاندې کړي او ۲۰ آوریزې سیالۍ بریالۍ پیل کړي.

د افغانستان د کرکت مینه والو لپاره به آریانا نړیوال تلویزیون دا لوبه نن شنبه د ماښام له شپږو بجو څخه په ژوندۍ بڼه خپروي.

په دې سیالیو کې ټولې شپږ لوبډلې؛ افغانستان، هند، سریلانکا، پاکستان، هانګ کانګ او بنګله دېش لوبډلې لوبیږي.

دغه شپږ لوبډلې په دوه ګروپونو وېشل شوې دي؛ په الف ګروپ کې هند، پاکستان او هانګ کانګ او په بي ګروپ کې : سریلانکا، بنګله دېش او افغانستان راغلي دي.

هره لوبډله په خپل ګروپ کې له نورو دوه لوبډلو سره یو ځل لوبه کوي او دوه مخکښې لوبډلې بل پړاو ته لاره پیدا کوي.

هند د دې سیالیو دفاعي اتل دی، چې د ۲۰۱۸ کال په فاینل کې یې بنګله دېش ته په ماتې ورکولو سره دغه اتلولي خپله کړې ده. هند تر دې دمه د آسیا جام تر ټولو زیاتې ۷ اتلولۍ ګټلي، سریلانکا بیا ۵ او پاکستان ۲ اتلولي ګټلي دي.

د اسیا شل آوریز جام لپاره د افغانستان محمد نبي، نجیب الله ځدراڼ، افسر ځاځی، عظمت الله عمرزی، فرید احمد ملک، فضل حق فاروقي، حشمت الله شهیدي، حضرت الله ځاځی، ابراهیم ځدراڼ، کریم جنت،  مجیب الرحمن، نجیب الله ځدراڼ، نوین الحق، نور احمد، رحمان الله ګربز (ویکت)، راشد خان او سمیع الله شینواری لوبیږي. نجات مسعود، قیس احمد او شرف الدین اشرف هغه درې لوبغاړي دي، چې ریزرو دي.

لوبی

سرخ پوشان خوافي او سرسبز یاشلر لوبډلې د پرونیو سیالیو ګټونکې شوې

Published

on

(Last Updated On: غویی ۲۷, ۱۴۰۳)

د چارشنبې پر ورځ ( د غوایی شپږویشتمه ) د افغانستان اتلانو لیګ په یوپنځوسمه لوبه کې سرخ پوشان خوافي عدالت لوبډلې ته ۲ – ۱ ماتې ورکړه.

په دې زړه‌راکښونکې لوبه کې د سرخ پوشان خوافي لوبډلې غړی معرف محمدي د لوبې غوره لوبغاړی وټاکل شو.

دغه راز د همدې ورځې په دوه‌یمه لوبه کې سرسبز یاشلر لوبډلې میوند ته ۵ پر ۳ ماتې ورکړه.

عنايت الله کوهي د سرسبز یاشلر لوبډلی غړی د ميدان غوره لوبغاړی وټاکل شو.

د پنجشنبې په لوبو کې به موج ساحل له خراسان فاریاب سره او اټک انرژی به له عینو مېنې  سره مخ شي.

دا سیالۍ به له آریانا ټلویزیون څخه پر ژوندۍ بڼه خپريږي.

Continue Reading

لوبی

د کابل کرکټ غوره لیګ لوبغاړو د داوطلبۍ مراسم ترسره شول

Published

on

(Last Updated On: غویی ۲۵, ۱۴۰۳)

نن (سې شنبه د غویی پېنځه‌ویشتمه) په کابل کې د کابل کرکټ غوره لیګ د دوه‌یم پړاو د لوبغاړو د داوطلبۍ مراسم ترسره شول.

په دې مراسمو کې د آریانا نیوز ټلویزیون رییس مجیب الرحمن بهیر د وینا پر مهال ویلي: آریانا ټلویزیون تل هڅه کړې، چې سپورټ د خلکو تر کورونو ورسوي.

دغه راز آریانا ټلویزیون د ۲۰۲۴ کال د کابل غوره لیګ په زړه پورې سیالیو د دوه‌یم پړاو د ثبت او خپرولو قانوني حق ترلاسه کړی دی.

د کابل کرکټ غوره لیګ سیالۍ په ایوبي سپورټي کمپلکس کې ترسره کېږي.

په دې مراسمو کې د افغانستان د کورني کرکټ مسوول نظیم جار عبدالرحیم زی ویلي؛ باور لري، چې ایوبي سپورټي کمپلیکس به د تېر کال پر پرتله سږ کال دغه لیګ ښه او غوره تنظیم کړي.

هغه له ټولو هغو کسانو هم مننه وکړه، چې د کرکټ په ځوانو لوبغاړو یې پانګونه کړې ده.

د ايوبي سپورټي کمپلکس رییس عبداللطيف ايوبي د کابل غوره ليګ د دوه‌يم پړاو د لوبغاړو د داوطلبۍ په مراسمو کې څرګنده کړې، چې تېر کال يو څه نیمګړتیاوې وې؛ خو سږ کال هر څه سم دي.

د عبداللطیف ايوبي د څرګندونو له مخې؛ سږ کال په کابل کرکټ غوره ليګ کې يوه بله لوبډله هم زیاته شوې، چې نورو لوبغاړو ته نورو ډېرو لوبغاړو ته چانسونه رامنځته کړي.

په دې مراسمو کې د ايوبي سپورټي کمپلکس مسوولينو ژمنه وکړه، چې سږ کال به د کابل غوره ليګ سيالۍ په معياري او غوره توګه ترسره شي.

د ايوبي سپورټي کمپلکس مسوول سيد خان وايي: سږ کال يې ډېرې هلې ځلې کړې، چې دغه ليګ ښه او غوره ترسره کړو او هغه نيمګړتياوې، چې په لوبغالي او نورو برخو کې وې، سږکال لري شوې دي.

د کابل کرکټ غوره لیګ

د کابل کرکټ غوره لیګ په لومړي پړاو کې تېر کال پېنځه لوبډلو؛ کابل زلمي، اباسین هنټرز، پامیر سټارز، شاهین هنټرز او شمشاد ایګلز ګډون کړی و او په دوه‌یم پړاو کې به هم له یو بل سره مخ شي.

تېر کال شاهین هنټرز لوبډلې اتلولي ګټلې وه.

د کابل کرکټ غوره لیګ د لاټرۍ مراسم

په دې مراسمو کې د لومړۍ لوبډلې له پچې اچونې وروسته لومړی ۍ لوبډله؛ د بند امير سټارز لوبډله وه، چې لومړى لوبغاړى يې د داوطلبۍ له لارې وپېره.

د لوبغاړو د داوطلبۍ مراسم په درې کټګوریو کې ترسره شول، چې په لاندې ډول دي:

  • د ډایمنډ کټګوري
  • د ګولډ کټګوري
  • د سلور کټګوري

د بند امیر سټارز لوبډلې لوبغاړي، چې د داوطلبۍ په مراسمو کې وپېرل شول:

۱. حضرت الله ځاځي د بند امیر لومړی غوراوی و

۲. نجات مسعود، د دوی دوه‌یم غوراوی

۳. فرمان الله ساپی

۴. اکرم علی‌خېل

۵. عرفان الله ساپی

۶. شرافتالدین اشرف – الرونډر

۷. نوید عبید – بیټس‌مین

۸. ناصر خان – بالر

۹. فریدون خان – تیز بالر

۱۰. ایمل شاهین

۱۱. هارون خان

۱۲. قمر ​​شمس

۱۳. عبدالسلام حسیبي

۱۴. بریال افغان

۱۵. اقدام‌خان شېرزاد

د شاهین هنټرز لوبډلې هغه لوبغاړي، چې د داوطلبۍ په مراسمو کې پېرل شوي دي:

۱. حجاز احمدزی لومړی غوراوی توپ‌وهونکی

۲. عبدالمالک، د دوه‌یم غوراوی

۳. اطهار الحق نويد

۴. عمران میر

۵. آصف موسی زی

۶. زاهد افغان – تیز بالر

۷. محمد الله همکار – تیز توپ اچونکی

۸. صدیق پاچا

۹. اوزیر الله خاموش

۱۰. وسیم منګل

۱۱. سید خان نیازی – تېز توپ اچوونکی

۱۲. عطا زرمل – ویکټ ساتونکی

۱۳. عصمت حبیبي

۱۴. معشوق طوطا‌خېل

۱۵. روح الله عرب

د شمشاد ایګلز لوبډلې لوبغاړي، چې د داوطلبۍ په مراسمو کې وپېرل شول:

۱. شاهد الله کمال لومړی غوراوی توپ‌وهونکی

۲. احسان الله جنت، دوه‌یم غوراوی

۳. نعمان شاه، الرونډر

۴. علي احمد ناصر

۵. بشیر احمد – تیز بالر

۶. کامل کاکر

۷. عبدالله تره‌خېل – الرونډر

۸. دستګیر خان

۹. وحید شفق

۱۰. خیال محمد

۱۱. رحیم منګل

۱۲. عبدالباقي پوپل

۱۳. یحیی خان

۱۴. مراد علي

۱۵. جمعه ګل

د کابل نایټ رایډرز لوبډلې لوبغاړي، چې د داوطلبۍ په مراسمو کې واخیستل شول:

 

۱.       توپ‌وهونکی ریاض حسن لومړی غوراوی

۲.       ناصر جمال دوه‌یم غوراوی

۳.       زاهدخان پکتین

۴.       یوسف شاه

۵.       محمد ریاض – الرونډر

۶.       توپ‌وهونکی زُبید اکبري

۷.       یما عرب – بالر

۸.       محب زرمتی

۹.       وحید ځدراڼ

۱۰.     وفادار عرب

۱۱.     اسحاق ساقي

۱۲.     رحمان شاه

۱۳.     سباوون بونیری

۱۴.     عظم خان

۱۵.     سلام کاکړ

د ایوبي کابل زلمي لوبډلې لوبغاړي، چې د داوطلبۍ په مراسمو کې پېرل شوي:

۱. بالر قیس احمد لومړی غوراوی

۲. الله محمد غضنفردوه‌یم غوراوی

۳. بالر ضياء الرحمن شريفي

۴. مسعود ګوربز

۵. توپ‌وهونی سهیل خان زرمتی

۶. تېز بالر سمیع بلال

۷. محمد وسیم اکرم

۸. تېز بالر ابراهیم عبدالرحیمزی

۹. درویش رسولي

۱۰. صابر حنیف

۱۱. رحمان الله ځدراڼ

۱۲. شمس کروخېل

۱۳. روز‌الدین افغان

۱۴. جمعه دین

۱۵. ظفر ایلوزی

د سپن‌غر واریررز لوبډلې لوبغاړي، چې د داوطلبۍ په مراسمو کې وپېرل شول:

۱. سمیع الله شینواری لومړی غوراوی

۲. حمزه هوتک دوه‌یم غوراوی

۳. وفادار مومند

۴. وقارالله اسحاقزی

۵. حسن عیسی خیل

۶. تېز بالر لعل باز

۷. عثمان نوري

۸. جلاد موسی زی

۹. محبوب تسکین

۱۰. جلال ستانکزی

۱۱. اکبر علي

۱۲. سلمان شینواری

۱۳. خالد نیازی

۱۴. رحمان زرمتی

۱۵. نورالله ایوبي

 

همدارنګه د نننیو مراسمو په پای کې د کابل کرکټ غوره لیګ کپ نندارې ته وړاندې شو.

ټاکل شوې، چې د کابل کرکټ غوره لیګ سیالۍ د روان کال د غبرګولي پر پېنځلسمه / د جون پر څلورمه د کابل په ایوبي کرکټ لوبغالي کې ترسره شي.

د ايوبي سپورټي کمپلکس مسوولينو ويلي، چې راتلونکې سيالۍ به د مينه‌والو لپاره لیوالتيا ډکې او زړه‌راکښونکې وي.

 دا په داسې حال کې ده، چې تېر کال په دغه لیګ کې پېنځه لوبډلو په سیالیو کې برخه لرله خو سږ کال یوه بله نوې لوبډله هم ور زیاته شوې ده.

Continue Reading

لوبی

ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل

Published

on

(Last Updated On: غویی ۲۰, ۱۴۰۳)

د افغانستان فوټبال اتلانو لیګ اووه‌دېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.

په دې لوبه کې یوه لوبډله پر ګول وهنه بریالۍ نشوه.

له بلې خوا د نن ورځې په دوه‌یمه یا اته‌دېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.

د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.

دا سیالۍ له آریانا ټلویزیون څخه پر ژوندۍ بڼه خپرې شي.

Continue Reading

Trending

Copyright © 2022 Ariana News. All rights reserved!