سوداگري
افغان بیسیم او افغان پوست د افغان بیسیم سیم کارتونو د وېش تړون لاسلیک کړ
![](https://www.ariananews.af/wp-content/uploads/2022/06/AWCC-Afghan-post.jpg)
د افغان بیسیم مخابراتي شرکت چارواکو ویلي؛ غواړو، چې په ټول ولایت کې خلکو ته مخابراتي او انټرنیټي خدمات وړاندې شي او د دې ولایت اوسیدونکي په ځانګړي توګه هغه خلک، چې په لرې پرتو ولسوالیو کې اوسیږي؛ د سیم کارتونو ترلاسه کولو ته آسانه لاسرسی ولري.
د افغان پوسټ چارواکو تائید کړه، چې دوی به د سیم کارتونو په پلور او وېش کې آسانتیاوې رامنځته کړي او له مخې به یې ډېر خلک ګرځند او انټرنیټي آسانتیاوو ته لاسرسی ومومي.
د افغان پوست عمومي مدیر حمیدالله رحمانیار ویلي؛ مونږ به په ۱۴ ولسوالیو او مزارشریف ښار کې د پلور اړوند بهیر پیل کړو. دا پروګرام د دې لپاره دی، چې له لرې پرتو سیمو خلکو ته د سیم کارتونو د ترلاسه کولو بهیر آسانه کړي.
په شمال کې د افغان بیسیم مخابراتي شرکت سیمه ییز مشر محمد یعقوب ثاقب ویلي، د دې تړون موخه خلکو ته د اړیکو د آسانتیاوو برابرول دي.
ثاقب ويلي: د نومليکنې سيستم د سړي، پېژندپاڼې او انځور پر بنسټ جوړېږي. که مونږ سيم کارت پر ١٥٠ افغانیو پلورو؛ نو پېرودونکیو ته به ٧٥ افغانۍ کريډټ هم ورکول کېږي.
د افغان بیسیم د سیمه ییز دفتر مسوولینو ويلي: دا شرکت اوسمهال د لرې پرتو ولسوالیو او کلیو په ګډون په ډېرو سیمو کې خلکو ته مخابراتي خدمات وړاندې کوي؛ خو دوی هیله لري، چې په ټول هېواد کې د مخابراتي خدمتونو د کیفیت لوړولو لپاره خپل خدمات پراخه کړي.
افغان بیسیم مخابراتي شرکت په افغانستان کې یو مخکښ بیسیم مخابراتي شرکت دی، چې په ۲۰۰۲ زېږدیز کال کې جوړ او هڅې یې پیل کړې دي.
له یوې لسیزې راپدیخوا افغان بیسیم مخابراتي شرکت د خپلو نوښتګرو هڅو او پرمختګ په برکت پر نړیواله کچه غوره اچ ډي غږیزې او انځوریزې اړیکې جوړې کړي؛ انټرنیټ، معلومات او ګرځند تادیاتي خدماتو رامنځته کړل، چې ورسره د هېواد مخابراتي سوداګرۍ هم چټکه وده کړې ده.
نن افغان بیسیم د افغانستان په ټولو۳۴ ولایتونو کې میشتو پېنځه میلیونه سوداګرو او لګښتکوونکیو او پېرودونکیو ته اچ ډي، جي دوه، جي درې او جي څلور ګړندی انټرنیټ او د پیسې مې ګرځند تادیاتو خدمتونه وړاندې کوي.
دا شرکت په ۱۲۵ هېوادونو کې له ۴۲۵ بېسیم کیریرونو سره ستراتیژیک شراکت هم لري.
سوداگري
په سلګونه افغان سوداګرو په ګاونډ هېوادونو کې پانګونه کړې
د سوداګرۍ اوپانګونې خونې د مسوولینو د څرګندونو له مخې؛ که دا پانګوال افغانستان ته خپله پانګه راولېږدوي د هېواد پر اقتصاد به مثبت اغېز وکړي.
![](https://www.ariananews.af/wp-content/uploads/2024/07/ACCI.jpg)
د سوداګرۍ او پآنګونې خونې غړي وايي، چې د هېواد سلګونه پانګوال، چې په تېرو څلور لسیزو کې له هېواده وتلي د سمي او ګاونډ هېوادونو پر کچه يي پر میلیاردونه ډالرو پانګونې کړي دي.
د سوداګرۍ اوپانګونې خونې د مسوولینو د څرګندونو له مخې؛ که دا پانګوال افغانستان ته خپله پانګه راولېږدوي د هېواد پر اقتصاد به مثبت اغېز وکړي.
د سوداګرۍ خونې د معلوماتو پر بنسټ د دې پانګوالو ډېره برخه لېواله ده، چې خپلې پانګې هېواد ته را ولیږدوي.
د سوداګرۍ او پانکونې خونې مرستیال محمدیونس مومند وایي: په تېرو څلور لسیزو کې افغانانو په بېلابېلو هېوادونو په ځانګړي توګه ګاونډ هېوادونو کې پانګونې کړي.
د صنعت او سوداګرۍ خونه هڅه کوي، چې دا پانګوال بېرته هېواد ته راستانه شي.
د کرنې او مالدارۍ خونې غړی امید حیدري وایي: مونږ هیله لرو، چې په هېواد کې د پانګونې لپاره اسانتیاوې زیاتي کړي. یوه ستونزه، چې افغان پانګوال بهر پانګونه کوي یو علت یې دادی، چې د لته یې د لېږد په بهیر کې ستونزې شته دی.
دوی د اسلامي امارت له سکټوري وزارتونو غوښتنه کړې، چې د هغه افغان پانګوالو د بېر ته را ستنولو لپاره هڅې زیاتې کړي، چې د سیمي او ګانډ هېوادو پر کچه یې ستره پانګونه کړې ده.
د اقتصاد وزارت مسوولینو ويلي هغه افغان پانګوال، چې هېواد ته خپله پانګه راولېږدوي ځانکړي امتیازونه ورته په پام کې نیول شوي دي.
د اقتصادي وزارت مسوولینو ویلي؛ هڅه کوي، چې په هېواد کې د پانګونې د جذب لپاره نوي هڅوونکي پروګرامونه پیل او هیله لري، چې د افغان پانګوالو په ګډون بهرنۍ پانګونې ته زمینه برا بره کړي.
داقتصاد وزارت مرستیال عبداللطیف نظري وایي: د هېواد د صادراتو د پراختیا لپاره مو پانګوالو ته د ځمکنيو او هوايي دهلیزونو له لارې د سوداګرۍ زمینه برابره کړې، چې راشي او په هېواد کې پانګونه وکړي.
د یادونې ده، چې له تېرو دوه کلونو راپدیخوا سلګونه افغان او بهرنیو پانګوالو په بېلا بېلو برخو کې پانګونې کړي او اوس هم د پانګونې د جذب بهیر روان دی.
سوداگري
افغانستان ته د ایران د غیر نفتي توکو په صادراتو کې زیاتوالی راغلی
روستايي ویلي؛ د روان کال په لومړیو درې میاشتو کې افغانستان ته زمونږ د صادراتو کچه د ټولې منځنۍ کچې څخه ۷۳ ډالره لوړ دي.
![](https://www.ariananews.af/wp-content/uploads/2023/04/export-Afghanistan.jpg)
په افغانستان کې د ایران د سوداګرۍ اتشې د ۱۴۰۳ لمریز لېږدیز کال په لومړیو ۳ میاشتو کې افغانستان ته د ایران په غیر نفتي صادراتو کې د تېر کال پر پرتله له ۱۲۳ میلیون ډالر له زیاتوالي خبر ورکړی.
په کابل کې د ایران سفارت اړوند اتشې ويلي، چې افغانستان ته د ایران په غيري نفتي صادراتو کې ۳۱ سلنه زياتوالی راغلی دی.
په افغانستان کې د ایران سفارت سودااکریزې اتشې حسين روستايي ویلي، چې سږ کال په ۳ لومړیو میاشتو کې افغانستان ته د ایران صادرات د تېر کال د لومړیو درې میاشتو پر پرتله د ۱۲۳ میلیونه ډالرو له زیاتوالي سره ۳۱.۱ سلنه زیاتوالی ښیي.
د نوموړي زیاته کړې، چې په دې موده کې د دې غیري نفتي صادراتو ارزښت ۵۱۷ میلیون ډالرو ته رسيږي، چې دا د تېر کال د ورته وخت پر پرتله ۲۳ سلنه زیاتوالی ښي او سږ کال په درې لومړیو میاشتو کې افغانستان ته د ایران غیر نفتي صادرات ۲۲۷ زره ټنه زیات شوي دي.
روستايي دا هم ویلي، چې افغانستان ته د صادراتو په توکو کې نفتي محصولات، اوبلن ګاز، د اوسپنې او پولادو پايې، پلاستیکي پایپونه، پلاستیکي اوبدل شوي فرشونه، یوریا، د چرګانو هګۍ او دانه، سمنټ، رومیان، مڼې، کچالو، بوټونه، مېوې، سابه، وچې شیدې او د کاشي ډبرو بېلابېلې بڼې شاملې دي. دغه راز په دې غيري نفتي موادو کې د څارویو جوار، وربشې، سپیلني، د لمرګلي زړي، سرب او نور توکي د افغانستان د وارداتو په زیاتوالي کې مهم توکي دي.
روستايي ویلي؛ د روان کال په لومړیو درې میاشتو کې افغانستان ته زمونږ د صادراتو کچه د ټولې منځنۍ کچې څخه ۷۳ ډالره لوړ دي.
ویل کیږي، چې د دواړو هېوادونو ترمنځ د اقتصادي اړیکو پراختیا او د سوداګریزو معاملو زیاتوالی د ایران د دیارلسم حکومت له ګاونډیو سره د ځانګړي لیدلوري له امله دی.
اړوند خبرړنه:
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
د افغانستان له لارې مرکزي آسیا ته د ایران سوداګریز دهلیزونو رامنځته شول
سوداگري
پاکستان د افغانستان پر سبو او میوو تعرفه لوړه کړې
د کرنې او مالدارۍ وزارت مسوولینو ويلي، چې هڅه کوي؛ له پاکستاني لوري سره د افغان صادارتو پر وړاندې د شته ستونزو په اړه خبرې وکړي او دواړه لوري وکولی شي خپلې اقتصادي اړیکي منظمې ترسره کړي.
![](https://www.ariananews.af/wp-content/uploads/2024/07/pp.png)
د هېواد د تازه میوې صادروونکي وايي، د رواني اوونۍ له پیل راپدیخوا پاکستان د افغانستان پر سبو او میوو تعرفه لوړه کړې ده.
د هېواد د تازه میوو او سبو صادروونکيو ويلي، چې پاکستان د افغانستان د تازه میوو او سبو پر سر ګمرکي تعرفه بېسارې لوړه کړې ده.
دوی د صنایعو او سوداګرۍ وزارت په ګډون له ټولو سکټوري بنسټونو څخه له پاکستاني لوري سره د دې ستونزه د حل غوښتنه کړې؛ ځکه، چې په راتلوونکي کې افغان سوداګر او بزګر له مالي زیان څخه وژغورل شي.
دوی وايي، چې له همدې کبله د افغان سوداګرو لسګونه پر میوو او سبو بار موټرونه تم شوي دي، چې میوه او سابه یې د خرابېدو په حال کې دي.
د خصوصي سکټور غړي له سکټوري وزارتونو څخه غواړي، چې له پاکستاني لوري سره د دې ستونزې د اواري لپاره راودانګي.
د تازه میوو د صادروونکیو د ټولنې رییس عبدالغفور ناصري ویلي؛ زمونږ هیله د صنعت او سوداګرۍ له وزارت څخه داده، چې له پاکستاني لوري سره اوسنۍ ستونزه بنسټیزه حل شي؛ ځکه، چې پاکستانی لوری ستونزه ډېرول غواړي.
د کرنې او مالدارۍ خونې مرستیال میرویس حاجي زاده وایي: پاکستان تل زمونږ د صادارتو په فصل کې دا ستونزه جوړوي. هیله ده، چې د صنایعو او سوداګرۍ وزارت د دې ستونزو د حل لپاره بېړنيګاکونه پورته کړي.
د کرني اومالدارۍ خونې غړي امید حیدري ویلي: زمونږ په لسګونه موټر، چې پاکستان ته يي تازه میوه او ترکاري وړله په لارو کې ولاړ دي؛ ځکه په تعروفه کې څو برا بره زیاتوالي رامنځته شوی دي. هیله لرو د صنایعو او سوداګرۍ وزارت دا ستونزه اواره کړي.
د کرنې او مالدارۍ وزارت مسوولینو ويلي، چې هڅه کوي؛ له پاکستاني لوري سره د افغان صادارتو پر وړاندې د شته ستونزو په اړه خبرې وکړي او دواړه لوري وکولی شي خپلې اقتصادي اړیکي منظمې ترسره کړي.
د کرنې او مالدارۍ وزارت مرستیال صدر اعظم عثماني ویلي: مونږ هیله لرو، چې له کستاني لوري سره خپلي سوداګریزې او اقتصادي اړیکي منظمې ترسره کړو؛ ځکه په هېواد کې مو تولید شوي کرنیز محصولات باید نورو مارکیټونو ته ورسیږي. که نشي؛ نو بیا اړیوو، چې خپلو تولیداتو او محصولاتو ته بدیل مارکیټو نه برابر کړو.
د خصوصي سکټور غړيو ويلي؛ د روان کال له پیل راپدیخوا له پاکستان څخه تر ۸۰۰ میلیون ډالرو را کړه ورکړه شوې، چې ډېری یې واردات دي.
ویل کیږي؛ که د پاکستان له لوري ستونزي همداسې روانې وي، نو ښايي له دې هېواد سره سوداګري صفر شي او اقتصادي اړیکي پر ټپه ودریږي.
-
لوبی4 days ago
د ۲۰۲۴ المپیک لوبې راورسېدې، چې پوهېدا پرې اړینه ده
-
تازه خبرونه4 days ago
امریکا له اسلامي امارت سره مستقیمه مالي مرسته نه کوي
-
تازه خبرونه5 days ago
په تېرو دوه کلونو کې له ۱۰۰۰ ډېر کسان د ناچاودو ماینونو قرباني شوي – اوچا
-
لوبی3 days ago
په پاریس اولمپیک کې د نرینه فوټبال په اړه له اړینو ټکو ځان خبر کړئ
-
تازه خبرونه3 days ago
د مس عینک پروژې د سړک جوړولو کار پیل شو
-
تازه خبرونه4 days ago
نړیواله ټولنه د مرستو پر ځای غوښتنې کوي – امیر خان متقي
-
تازه خبرونه3 days ago
په دوحه کې د افغانستان په اړه څلورمې غونډې ته چمتووالی روان دی
-
تازه خبرونه5 days ago
مسکو ښايي په افغانستان کې کونسلي خدمات ډېر کړي – د روسیې سفیر