تازه خبرونه
امریکا د افغانانو د خپلمنځي خبرو د پیل له اعلانه هرکلی وکړ
د امریکا بهرنیو چارو وزیر مایک پمپیو د افغان حکومت او طالبانو تر منځ د خپلمنځي خبرو اترو د پیل له اعلان څخه هرکلی کړی، چې سبا شنبه د محرم الحرام ۲۴ / د وږي ۲۲ او د سپتمبر ۱۲ به د قطر په پلازمېنه دوحه کې د یو شمېر هېوادونو د استازيو په ګډون پرانستل شي.
پومپیو تېره شپه په یوه خپره کړې اعلامیه کې په ډاګه کړې: د دې خبرو پیل د طالبانو او امریکا، امریکا او افغان حکومت د تاریخي هڅو پایله ده، چې د روان میلادي کال د فبرورۍ پر ۲۹ پرې هوکړه شوې ده.
ټولې خواوې کولی شي د افغانانو په مشرۍ د سیاسي بهیر له لارې تلپاتې سولې ته لاسرسی ومومي؛ داسې سوله، چې د افغانستان د ټولو برخو د ښځو، قومي او مذهبي لږکیو په ګډون یو او بل وزغمي او نظریاتو ته یې درناوی ولري.
پمپیو ریاته کړې؛ دا فرصت باید له لاسه ورنکړ شي؛ ځکه المریکا، زمونږ همکارانو او د خلکو قربانۍ او پانګونه د هیلو دغه شېبه رامنځته کړې ده.
هغه له مذاکره کوونکیو هم غوښتي، چې د خبرو اترو په بهیر کې رښتینولي، زغم او نرمښت وښیي.
پمپیو وایي؛ په دې اړه به د افغانستان خلک او نړیواله ټولنه له نږدې وګوري او د غوښتنې په صورت کې امریکا ترې ملاتړ ته چمتو ده.
په پای کې د امریکا بهرنیو چارو وزیر له افغان حکومت او طالبانو وغوښتل، چې خپلې ژمنې ته ژمن پاتې شي او ترهګرو ته اجازه ورنکړي، چې له افغانستان څخه پر امریکا او د هغو پر متحدینو برید وکړي.
د نړموړي د څرګندونو له مخې؛ اوس هغه وخت راغلی، چې افغانستان ته سوله راشي.
دا په داسې حال کې ده، چې مایک پمپیو د سولې خبرو په درشل کې د قطر دوهې ته سفر کړی دی.
تازه خبرونه
په پاکستان کې روانه ناامني د افغانستان د جګړې پر مهال د حکومتي سیاستونو پایله ده
اڅکزي ویلي، هيڅوک «بې له دلیله او یا د لیونتوب له مخې وسله نهاخلي» او زیاتوي؛ که « وړ کسان» واکمن شي، وضعیت ورسره ښه کېدی شي.
تازه خبرونه
مسکو په افغانستان کې پر ځانګړو شرطونو د یوناما د ماموریت غځولو ته هیلهمن شو
کابلوف له یوې روسۍ ورځپاڼې «ایزوستیا» سره په مرکه کې ویلي، چې د یوناما د فعالیتونو د اغېزمنتیا په اړه ځینې پوښتنې موجودې دي.
د افغانستان په چارو کې د روسیې د ولسمشر ځانګړي استازي ضمیر کابلوف ویلي، چې مسکو تمه لري د افغانستان لپاره د ملګرو ملتونو د مرستندویه پلاوي(یوناما) ماموریت له ځانګړو شرطونو سره وغځول شي.
کابلوف له یوې روسۍ ورځپاڼې «ایزوستیا» سره په مرکه کې ویلي، چې د یوناما د فعالیتونو د اغېزمنتیا په اړه ځینې پوښتنې موجودې دي.
هغه ویلي: «هو! البته ماموریت به وغځول شي، خو له ځانګړو شرطونو سره؛ ځکه د دې ماموریت د فعالیتونو په اړه پوښتنې شته. مونږ هیله لرو، چې دا ټولې برخې په پام کې ونیول شي.»
د ملګرو ملتونو امنیت شورا د روان کال په مارچ میاشت کې د یوناما ماموریت د یو کال پر ځای د درې میاشتو لپاره وغځاوه. دغه اقدام وروسته له هغې وشو، چې واشنګټن د اسلامي امارت تر واک لاندې افغانستان ته د مرستو د بیا ارزونې غوښتنه وکړه.
د یوناما د راتلونکي په اړه بحثونه داسې مهال وړاندې کېږي، چې افغانستان اوس هم له بشري ناورین سره مخ دی.
د ملګرو ملتونو د څرګندونو له مخې، میلیونونه افغانان د خوړو له کمښت، بېکارۍ او روغتیايي خدمتونو او لومړنیو آسانتیاوو ته د لاسرسي له کمېدا کړېږي.
روسیې له اسلامي امارت سره د خپلو اړیکو پراخېدا ته پام رااړولی دی او د سیمې د نورې بېثباتۍ او امنیتي ګواښونو د مخنیوي لپاره یې له افغانستان سره د نړیوال تعامل له روان ساتلو ملاتړ کړی دی.
مسکو ټینګار کوي، چې د افغانستان له اوسنیو چارواکو سره د اړیکو ساتل د بشري ننګونو د حل او د داعش په څېر ډلو پر ضد مبارزې لپاره اړین دي؛ هغه ډله، چې روسیه یې د سیمې لپاره ستر امنیتي ګواښ ګڼي.
دغه راز د افغانستان لپاره د روسیې ځانګړي استازي ویلي، چې مسکو افغانستان ته د بشري مرستو د وړاندې کولو اجازه ترلاسه کړې او که کابل رسمي غوښتنه وکړي؛ دغه مرستې به برابرې شي.
روسیې د روان کال په اپریل میاشت کې افغانستان ته نږدې ۴۰۰۰ ټنه د غنمو اوړه هم لېږلي دي.
تازه خبرونه
افغانستان د ولاديفیسټول د پېښو له پلوه د نړۍ پېنځم هېواد دی – د ملګرو ملتونو د وګړو صندوق
په ایکسپاڼه کې د یاد بنسټ د خپاره شوي پیغام له مخې؛ د زېږونناسور اوس هم په افغانستان کې د زرګونو ښځو او نجونو د بدني معلولیت، روغتیايي ستونزو او ټولنیز ګوښهوالي لامل ګرځي.
په افغانستان کې د ملګرو ملتونو د وګړو صندوق ویلي، چې دا هېواد د ولاديفسټول (د زېږونناسور ) د پېښو له پلوه د نړۍ پېنځم هېواد ګڼل کېږي او نږدې ۱۵زره افغان ښځې او نجونې له دې سختې ولادي ناروغۍ سره ژوند کوي.
په ایکسپاڼه کې د یاد بنسټ د خپاره شوي پیغام له مخې؛ د زېږونناسور اوس هم په افغانستان کې د زرګونو ښځو او نجونو د بدني معلولیت، روغتیايي ستونزو او ټولنیز ګوښهوالي لامل ګرځي.
دغه بنسټ ټینګار کړی، چې د دې ناروغۍ مخنیوی او درملنه پراخو روغتیايي خدمتونو، خوندي جراحۍ او اړینو طبي وسایلو او امکاناتو ته اړتیا لري.
د زېږونناسور ډېری وخت د اوږده یا سخت زېږون له کبله د پخپل وخت روغتیايي پاملرنې د نشتوالي په پایله کې رامنځته کېږي او د ښځو لپاره جدي جسمي او رواني ستونزې پیدا کولی شي.
-
لوبی2 days agoایران د ۲۰۲۶ فیفا نړیوال جام روزنیز کمپ له امریکا څخه مکسیکو ته بدل کړ
-
سیمه ییز خبرونه1 day agoله ایران سره د هوکړې لپاره بېړه نه لرو؛ د هرمز تنګي محاصره به روانه وي – ټرمپ
-
سیمه ییز خبرونه2 days agoپه کویټه کې د زورورې چاودنې له کبله ۲۴ کسان وژل شوي
-
تازه خبرونه2 days agoافغانستان د ولاديفیسټول د پېښو له پلوه د نړۍ پېنځم هېواد دی – د ملګرو ملتونو د وګړو صندوق
-
تازه خبرونه3 days agoد ملي تدارکاتو کمیسیون د شاوخوا ۴.۲ میلیارډ افغانیو پر ارزښت ۱۵ پروژې منظور کړې
-
تازه خبرونه2 days agoد افغانستان سفارت فرهنګي اتشې د مسکو په درې ورځني« د نړۍ رنګونه» نندارتون کې ګډون وکړ
-
څار3 days agoڅار: د افغان کډوالو په اړه د ملګرو ملتونو اندېښنه
-
تازه خبرونه1 day agoمسکو په افغانستان کې پر ځانګړو شرطونو د یوناما د ماموریت غځولو ته هیلهمن شو
