تازه خبرونه
بیات بنیاد په هرات کې له لسګونه اړمنو کورنیو سره د خوراکي توکو مرسته وکړه
د بیات بنیاد چارواکو ویلي؛ د دې بنسټ د مرستو د وېش لړۍ له کندهار ولایته پیل شوې؛ زیان منونکي او بېوزله کورنۍ پېژندل شوي او د وېش بهیر ورته روان ساتل شوی دی.
د بیات بنیاد د خوراکي توکو د مرستو لړۍ له کندهار وروسته دادی هرات ولایت ته رسېدلې او لسګونه اړمنې کورنې ترې برخمنې شوې دي.
د بيات بنياد مرستيال حاجي محمد اسمعیل خان وايي؛ په دغو مرستو کې غوړي، اوړه او وريجې شته، چې پر بېوزلو پېژندل کورنيو وېشل کیږي.
نوموړي زیاته کړې؛ ان شاالله د مرستو لړۍ به نورو زونونو او ولایتونو ته هم ورسیږي.
په هرات کې د افغان بیسیم مشر زرین سلطانی ویلي؛ د جګړې له کبله بې ځایه شوې کورنۍ له سروې وروسته دا دی نن د خوراکي توکو مرستې ترلاسه کوي.
هغه زیاته کړې؛ د نورو زیان منونکیو کورنیو نوملړ به هم چمتو شي او د دې بنسټ د ارزونې لپاره به اړوند کمېټې ته وسپارل شي.
هغه کورنۍ، چې د مرستې ترلاسه کولو لپاره راغلي دي له نورو مرسته کوونکیو څخه غواړي، چې له دوی سره مرسته وکړي او بیات بنست ته ورته خپلې مرستې روانې وساتي.
دغه کورنۍ وايي، چې دوی تل د بیات بنیاد له خوراکي مرستو څخه ګټه پورته کړې ده.
یوې میرمنې، چې د بیات بنیاد مرستې یې تر لاسه کړي وایي: زه د دغې مرستې له تر لاسه کولو ډېره خوښاله یم.
هغه زیاتوي، د کار کولو هیڅوک نلرم؛ ماشومان را پرغاړه او کونډه یم.
ګل احمد نومی وایي: مونږ له تېرو څلور یا پېنځه ورځو د پخولو لپاره هیڅ نه لرل. زه [د کار کولو لپاره] هره ورځ له کوره بهر وځم؛ خو هیڅ کار او [دنده] نشم موندلی. اوس ډېر خوښ یم … چې د بیات بنیاد مرسته مې ترلاسه کړه.
د بیات بنیاد غړی مسعود هاشمی وایي؛ د دې بنسټ د مرستو رسولو لړۍ په دې وروستیو میاشتو کې پیل شوې او په پام کې ده، چې د هېواد د نورو ولایتونو اړو کورنیو ته یې هم اړوند پیل شوی بهیر وغزیږي.
بیات بنیاد هر کال د هوا له سړېدو سره سم د هېواد په بېلابېلو ولایتونو کې له زرګونه اړمنو کورنیو سره د خوراکي توکو او جامو د وېش بهیر پیلوي.
دا په داسې حال کې ده، چې له تېرو دوه میاشتو راپدیخوا میلیونونه افغانان د لوږې او بېوسۍ له رامنځته شوي اقتصادي ناورین سره د مخ کېدو په حال کې دي او نوی حکومت له نړیوالې تولنې څخه د بشري مرستو غوښتنه کوي.
د جوزجان ولایت د والي مرستیال مولوي ګل محمد سلیم خپل زوی له دندې ګوښه کړی دی.
د باخترآژانس د څرګندونو له مخې: په دولتي اداروکې د چارواکو د زامنو او منسوبينو د ګوښه کولو په اړه د اسلامي امارت د مشرتابه د حکم له مخې؛ د جوزجان ولايت مرستيال خپل زوى له دندې ګوښه کړ او يو بل کس يې پر دنده ګومارلى دى.
د مولوي ګل محمد سلیم زوی د جوزجان ولایت په امنیه قومندانۍ کې ساتنمن و.
د اسلامي امارت د رهبرۍ له لوري تېره ورځ په صادر شوي فرمان کې د خپلواکو وزارتونو او ادارو ټولو مسوولینو ته سپارښتنه شوې وه، چې د کورنیو اړیکو او شخصي اړیکو پر بنسټ له ګومارنو ډډه وکړي.
د امربالمعرف او نهی عن المنکر وزارت ټولو زرګرانو او د سروزرو پلورونکیو ته په ډاګه کړې، چې باید معیاري طلا جوړه او پر معیار برابره یې بازار ته وړاندې کړي.
د دغه وزارت ویاند محمد صادق عاکف ویلي، چې د سرو زرو پلورونکیو ژمنه کړې، چې له دې وروسته به معیاري زر عرضه کوي.
نوموړي زیاته کړې، چې له سرغړونکیو سره به قانوني چلند وشي.
د آسترالیا پولیسو د دوشنبې پر ورځ خپل د SAS ۴۱ کلن سرتېری نیولي او تمه کیږي، چې په افغانستان کې د ادعا شوي جنګي جرمونو په اړه له تحقیقاتو وروسته پر جنګي جرم او وژنې تورن شي.
د آسترالیا فدرالي پولیسو ویلي، چې دا سړی به د دوشنبې پر ورځ محکمې ته حاضر شي.
د بي بي سي د څرګندونو له مخې؛ دغه جرم د عمري بند سزا لري.
د آسترالیا نشراتي کارپوریشن (ABC) څرګنده کړې، چې نیول شوی کس د ۲۰۲۰ کال په یو مستند فلم کې د سي سرتېری یاد شوی، چې د ادعا له مخې جنګي جرمونه افشا کوي.
په انځورونو کې ښودل شوي، چې پر ۲۰۱۲ کال د افغانستان په سویل روزګان ولایت کې د غنمو په یوه کرونده کې د سي سرتېری یو افغان پر ډزو وژني.
د آسترالیا فدرالي پولیسو ویلي، چې دا سرتېری به د دوشنبې د ورځې په پای کې محکمې ته حاضر شي.
په ۲۰۲۰ کال کې د بریتون خپور شوی راپورښيي: د باور وړ شواهد شته، چې د آسترالیا لوړ پوړیو سرتېرو د افغان جګړې په لړ کې په غیرقانوني ډول ۳۹ کسان وژلي.
د بې بي سي د راپور له مخې؛ دغه جرم د عمري بند سزا لري.
په راپور کې دا هم راغلي، چې د ثیادو ځواکونو لخوا د ۲۰۰۹ څخه تر ۲۰۱۳ پورې د بندیانو، بزګرانو یا ملکي وګړیو په وژنو کې ۱۹ اوسني یا پخواني ځانګړي ځواکونه ښکېل دي، چې دوسیې یې باید د پولیسو له لوري وڅېړل شي.
ښایي دا د پېښو پر تړاو په جرم کې د ښکېلو سرتېرو د نیولو لومړنۍ پېښه وي.
د جوزجان والي مرستیال خپل زوی له دندې ګوښه کړ
په افغانستان کې د غیر معیاري سرو زرو پر پلور بندیز ولګېد
یو آسترالیایي پخوانی سرتېری د جنګي جنایت پر تور ونیول شو
د اړتیا وړ خوراکي توکو ګمرکي محصول ۷۰ سلنه راټیټ شوی
د شمالي کوریا مشر کیم اتومي برید ته د چمتووالي سپارښتنه وکړه
د کرکټ ملي لوبډلې لوبغاړی مجیب الرحمن له پېښور زلمي سره یوځای شو
عصرجدید، جوانانخراسان ته ۱۳ پر ۳ ماتې ورکړه؛ شمس له زیتون سره ۲ پر ۲ مساوي شول
میتا شرکت د نیلي نښې لپاره د تادیه شوي ګډون خدمت پیلوي
د افغانستان په چارو کې د ایران او چین ځانګړیو استازیو د همکاریو پر پراختیا ټینګار وکړ
سپینې ماڼۍ حکومتي څانګو ته د تیک تاک پرېښودو لپاره ۳۰ ورځنی ضرب الاجل ټاکلی
تحول: د خپلوۍ او شخصي اړیکو له مخې په دولتي ادارو کې له ګومارنو ډډه
څار: د افغانستان او ایران دیپلوماتیکې اړیکې او هڅې
تحول: په افغانستان کې د یوناما د هڅو غزېدل
د افغانستان د نجونو او ښځو پر حقونو ټینګار
تحول: کابل ته د عربي متحده اماراتو د دیني پلاوي سفر
-
نړۍ4 days agoپه ليبیا کې ۲.۵ ټنه یورانیم ورک شوي
-
روغتيا4 days agoد اسلامي امارت د عامې روغتیا وزیر قطر ته ولاړ
-
سوداگري5 days agoپه کندهارکې ډېر ژر به د سيمنتو د توليد يوه فابريکه جوړه شي
-
تازه خبرونه4 days agoپه عربي متحده اماراتو کې له ۲۰۰۰ ډېر افغان کډوال په بند کې ساتل شوي
-
تازه خبرونه4 days agoمولوي عبدالکبیر له کابل والي سره پر امنیتي وضعیت خبرې وکړې
-
سوداگري3 days agoد اسلامي امارت مشرتابه د ګمرکونو له مسوولینو سره وکتل
-
تحول4 days agoتحول: کابل ته د عربي متحده اماراتو د دیني پلاوي سفر
-
تحول5 days agoتحول: د افغانانو پر خپلمنځي خبرو د نړیوالې امنیتي ناستې ټینګار