Connect with us

تازه خبرونه

ترهګر د افغانستان خاوره د بریدونو لپاره کاروي ـ پاکستان

Published

 on

(Last Updated On: وری ۲۸, ۱۴۰۱)

د پاکستان د بهرنیو چارو وزارت له اسلامي امارت غوښتي، چې ډیورنډ کرښې ته څېرمه د پرتو سیمو امنیت خوندي کړي او د پاکستان ضد سخت دریځو ډلو پر خلاف ګامونه پورته کړي.

پاکستان له افغانستان څخه غوښتي؛ په خپله خاوره کې دې د هغو سخت دریځو ډلو مخه ونیسي او د هغو ډلو پر وړاندې، چې د افغانستان له خاورې په پاکستان کې وسلوالې هڅې ترسره کوي ډاډمنې کړنې وکړي.

د پاکستان د بهرنیو چارو وزارت په خبرپاڼه کې څرګنده شوې، چې اسلام آباد د افغانستان ملي حاکمیت او ځمکني بشپړتیا ته درناوی لري او چمتو دی، چې له افغانستان سره په ټولو برخو کې د دوه اړخیزو اړیکو د پیاوړتیا لپاره له نږدې کار وکړي.

د پاکستان د بهرنیو چارو وزارت ويلي؛ سخت دریځې  ډلو له افغانستان څخه په پاکستان کې خپل فعالیتونه زیات کړي دي.

د پاکستان د بهرنیو چارو وزارت په ډاګه کوي: له افغانستان سره پر پوله د پاکستان پر ضد ترهګريز فعاليتونه زيات او زمونږ امنيتي ځواکونه په نښه شوي دي. مونږ په وار وار له افغان حکومت څخه د پولې د امنيت ټينګولو غوښتنه کړې، چې ترهګر ونشي کولی له افغانستان څخه پر پاکستان خوندي بريدونه وکړي. له بده مرغه ترهګرې ډلې د تحریک طالبان پاکستان (TTP) په ګډون پر سرحدي پوستو بریدونو ته دوام ورکوي.

د افغانستان دفاع وزارت د پاکستان دا ادعا ردوي او وايي؛ هیچا ته اجازه نه ورکوي، چې د افغانستان خاوره د کوم بل هېواد پر ضد وکارول شي.

د ملي دفاع وزارت ویاند عنایت الله خوارزمي ویلي: د ملي دفاع وزارت مشرتابه څو ځلې ویلي، چې د افغانستان خاوره به د هیڅ هېواد پر ضد نه کارول کېږي. پدې معنا، چې زمونږ ټوله خاوره زمونږ تر واک لاندې ده. مونږ د افغانستان د خلکو پر وړاندې بې پروا نه یو او هیڅ ډلې او هېواد ته به د تخریبي او وسلوالو هڅو اجازه ورنکړو. مونږ تل هغه څه ته ژمن یو، چې د دفاع وزارت مشرتابه یې ژمنه کړې او په دې اړه مونږ د پاکستان ټولې ادعاوې ردوو.

په افغانستان کې د پاکستان  پرونیو بریدونو نړیوال او کورني غبرګونونه را پارولي دي؛ د بهرنیو چارو وزارت په کابل کې د پاکستان سفیر احضار کړ. او شوي بریدونه یې وغندل.

اسلامي امارت اسلام آباد ته خبرداری ورکړی، چې په افغانستان کې خپل پوځي عملیات ودروي.

د تېر حکومت یو شمېر پخوانیو څېرو هم پر افغانستان د پاکستان برید له نړیوالو قوانینو سرغړونه نومولې ده.

د افغانستان لپاره د ملګرو ملتونو د سرمنشي مرستیالې ډیبرا لینز هم په یوه بیان کې د پاکستان پر کړنو اندېښنه څرګنده کړې او ډاډ څرګندوي، چې له پېښې د رامنځته شویو ځاني زیانونو څېړنه  کوي.

د بښنې نړیوالې ټولنې او د کډوالو چارو ادارې هم دغه بریدونه غندلي دي.

په تېرو کلونو کې افغان دولت پر پاکستان تورونه لګول، چې د دولت وسلوالو مخالفانو ته یې ځای ورکړی او دا مخالفان د ډيورنډ کرښې له هغې غاړې په افغانستان کې بریدونه تنظیموي؛ خو اوس پاکستان دا ډول تورونه پر افغانستان لګوي او له  اسلامي امارته غواړي، چې د پاکستان ضد عناصرو مخه ونیسي.

تازه خبرونه

د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي

Published

on

(Last Updated On: چنګاښ ۴, ۱۴۰۱)

د افغانستان د پکتیکا ولایت د ګیان ولسوالۍ ژوندي پاتې شوي کسان، چې د کورنۍ څو غړي یې د سترګو په رپ کې له لاسه ورکړي د بې کوره کېدو او لوږې ترخې کیسې کوي.

له یوې خوا دغو خلکو د خپلو عزیزانو د له لاسه ورکولو درد پر اوږو بار کړی او له بلې خوا لوږې او بې کورۍ یې ژوند تریخ کړی دی.

 د اسلامي امارت چارواکي، چې ګیان ولسوالۍ ته ورغلي وايي؛ په سیمه کې شاوخوا ۹۰ سلنه کورونه ویجاړ شوي دي.

په نړیدلیو خټینو کورونو کې د دې سیمې بېوزله کورنیو ژوند کاوه، ماشومان د خپلو میندو په تودو غېږو کې پر درنده خوب ویده ول، چې دغه طبعیي ناورین وځپل او هر څه یې لوټه لوټه او کورنۍ یې یا نیمګړې کړې او یا یې هم بشپړې ووېشلې؛ خو ژوندي پاتې خلک یې سمدلاسه خواړو او سرپناه ته اړ دي.

د پکتیکا زلزله ځپلی سيد بختاجان وایي، چې د زلزلې له کبله یې د کورنۍ څلور غړیو ژوند له لاسه ورکړی او دوه نور یې په روغتون کې دي.

دی وايي، چې ژوندي پاتې کسان یې تر شنه آسمان لاندې پاتې دي.

بختا جان ته اوس د هغه د کورنۍ غړیو یوازې جامې ور پاتې دي.

د عامې روغتیا وزارت سرپرست قلندر عباد ویلي؛ دغې ویجاړوونکې او مرګونې زلزلې په ګیان ولسوالۍ کې ۹۰ سلنه کورونه نړولي او په ټولیزه توګه یې  ۱۰۳۶ کسان مړه کړل او شاوخوا  دوه زره نور په روغتونونو کې بستري شوي دي.

د طبیعي پېښو پر وړاندې د مبارزې وزارت د مرستیال شرف الدین مسلم د څرګندونو له مخې؛ خامه او کنډو کپرو سړکونو د مرستې هڅې له خنډ او ځنډ سره مخ  کړي؛ ځکه، نو په ګیان کې دغه بشري ناورین ځپلي کسان بېړنیو مرستو ته اړتیا لري.

دا په داسې حال کې ده، چې د جمعې پر ورځ د دوه یم ځل لپاره هم زلزلې دغه سیمه ولړزوله، چې په کې لږ تر لږه پېنځه کسان مړه شول.

Continue Reading

تازه خبرونه

د افغانستان په وروستۍ زلزله کې ۲۸۸ ماشومانو ته مرګ و ژوبله اوښتې

Published

on

(Last Updated On: چنګاښ ۴, ۱۴۰۱)

د ملګرو ملتونو د ماشومانو وجهي صندوق (یونیسف) وايي، په افغانستان کې د وروستۍ زلزلې له ۱۰۰۰ د ډېرو قربانیانو په ډله کې ۲۲۱ ماشومانو هم ژوند له لاسه وکړی او ۶۷ نور ټپیان دي.

په خوست او پکتیکا ولایتونو کې د تېرې سې شنبې شپې ناوخته ۶ اعشاریه یوې درجې زلزلې د تلفاتو له زیاتېدو سره د کورنیو او نړیوالو مرستندویه موسسو او بنسټونو اندېښنو زور اخیتسی او هڅه کوي، چې زیانمنو کسانو ته بېړنۍ مرستې ورسوي.

دا اداره وايي، چې ماشومان او تنکي ځوانان د زلزلې د خورا زیان اړوونکو پایلو او کورنیو څخه د بېلوالي او ټولنیزو ستونزو سره مخ دي.

په افغانستان کې د ملګرو ملتونو د ماشومانو د وجهي صندوق استازي د چارشنبې د شپې په زلزله کې د تلفاتو او ټپیانو په اړه تازه شمیرې وړاندې کړې. د یونیسف ادارې مسوولین وايي چې په پکتیکا او خوست کې د زلزلې له امله د وژل شویو شمیره یو زرو شپږ دیرشو ته لوړه شوې او شپاړس سوه دري څلویښت ټپیان شوي دي.

د ملګرو ملتونو د ماشومانو د ملاتړ صندق د مسوولینو د څرګندونو له مخې؛ په دې زلزله کې ۱۲۱ ماشومان مړه شوي او ۶۷ نور ټپیان دي.

په افغانستان کې د ملګرو ملتونو د ماشومانو د ملاتړ صندق استازی محمد ایویا ویلي: د تېرې شپې تر ناوخته پورې، د مړو شویو شمېر لږ تر لږه ۱۰۳۶ او د ټپیانو هغه ۱۶۴۳ ته رسیدلی، چې په کې ۱۲۱ ماشومان هم وژل شوي او ۶۷ ماشومان ټپیان دي. د تلفاتو ټول دقیق شمېر وړاندې کول سخت کار دی؛ ځکه ښايي د ځينو ټپیانو روغتیایي حالت د اندېښنې وړ دی او ښايي د تلفاتو شمېر نور هم لوړ شي.

د ملګرو ملتونو د ماشومانو وجهي صندوق پر ماشومانو او لویانو د دې زلزلې د منفي پایلو په اړه اندېښنه لري.

دوی څرګنده کړې، چې ماشومان او تنکي ځوانان له کورنيو څخه د بېلېدو له ناوړه پایلو سره مخ دي او روحيه يې سخته ځپل شوې ده.

د راپورونو له مخې؛ د پکتیکا ولایت ګیان ولسوالۍ کې تر ټولو ډېر تلفات اوښتي، څو زره کورونه ویجاړ شوي او یا هم زیانمن شوي، ماشومان او تنکي ځوانان کورنیو پاتې دي، احساساتي کړاوونو، ناوړه استفادې او نورو ګواښونو سره مخ دی.

نړیوالې ټولنې او بنسټونه، چې د سړکونو خرابوالی او پر لرې پرتو سیمو کې فقر او بېوزلۍ خلک له ناورین سره مخ کړي دي او اوس د مرستو رسولو چارې له ستونزو سره مخ دي.

له دې ټولو سره سره  اسلامي امارت او د سیمې او نړۍ ګڼو هېوادونو په تېرو څلور ورځو کې د زلزله ځپلیو کورنیو سره په لسګونه زره ټنه خوراکي توکي، درمل او د لومړنیو وسایلو مرسته کړې ده.

Continue Reading

تازه خبرونه

پاکستان د افغانستان زلزله ځپلیو ته د مرستې دوه یمه ټولګه راولېږله

Published

on

(Last Updated On: چنګاښ ۴, ۱۴۰۱)

د پاکستان لومړي وزیر شهباز شریف د جمعې پر ورځ د افغانستان د زلزله ځپلیو کورنیو لپاره اته نورې لارۍ له مرستو ډکې راولېږلې.

د پاکستان د حکومت په خپره شوې خبرپاڼه کې راغلي؛ د طبیعي پېښو پر وړاندې د مبارزې ملي ادارې لخوا راټوله شوې مرسته افغان چارواکو ته سپارل شوې ده.

په دې ټولګه کې خېمې، ترپالونه، کمبلې او بېړني درمل شته.

دغه راز ویل شوي؛ پاکستان ژمن دی، چې افغان وروڼو ته مرسته رسول روان وساتي.

دا په داسې حال کې ده، چې پاکستان د چارشنبې پر ورځ د افغانستان په پکتیکا او خوست ولایتونو کې د ۶.۱ درجې زلزلې له رامنځته کېدو وروسته، چې له ۱۰۰۰ ډېر کسان په کې مړه شول او زرګونه کورونه یې ویجاړ کړل خپلې اته لارۍ مرستې راولیږلې.

Continue Reading

Trending

Copyright © 2022 Ariana News. All rights reserved!