Connect with us

تازه خبرونه

تهران ته د بهرنيو چارو  وزارت د  چارسمبالي سفر

Published

 on

(Last Updated On: مرغومی ۱۹, ۱۴۰۰)

د بهرنیو چارو وزارت د چارسمبالي مولوي امیر خان متقي پر مشرۍ د اسلامي امارت یو لوړ پوړی پلاوی ایران ته تللی او ټاکل شوې، چې د دغه هېواد له چارواکو سره وګوري.

مولوي متقي ويلي، چې په دې سفر کې به له ایراني چارواکي سره د دواړو هېوادونو پر ډیپلوماټیکو اړیکو، د کډوالۍ ستونزې، بشري مرستو، سوداګرۍ او اقتصاد په اړه خبرې وشي.

نوموړي زیاته کړې؛ په دې سفر کې له مونږ سره د سوداګرۍ او اقتصاد وزارتونو چارسمبالي، د مالیې وزارت مرستیال، د کډوالو چارو او د صنایعو وزارت مرستیال او یو شمېر نور ملګري مل دي. هیله ده، چې دا سفر ګټور وي او په بېلابېلو برخو کې همغږي او هوکړې رامنځته شي او د تېلو بیې راټیټو کړو.

دا لومړی ځل دی، چې په هېواد کې د اسلامي امارت له بیا واکمنېدو وروسته د افغانستان د حکومت پلاوی تهران ته ځي.

د اسلامي امارت وياند ذبیح الله مجاهد له افغانستان سره د ايران اړيکې مهمې بولي او هيله څرګندوي، چې د دغه پلاوي له سفر سره به د دواړو هېوادونو اړيکې او همکارۍ نورې هم پراخه شي.

ایران د افغانستان لویدیځ ګاونډ دی، چې له افغانستان سره په سوداګریزو او اقتصادي چارو کې یې رول مهم بلل کېږي؛ خو په افغانستان کې د امریکا د پوځي حضور له کبله کم شوی دی.

د نړیوالو اړیکو کارپوه عزیز معارج ویلي: اصلي مسله دا ده، چې دوی له ایران سره ښې اړیکې غواړي او له هغوی څخه د اسلامي امارت پر رسمیت پېژندنه غواړي او ټاکل شوې، چې په دوحه کې له روسیې او امریکا سره یوه غونډه جوړه شي. ترکیه، قطر او ایران دا هم مهمه ده، چې ایران هلته افغانستان په ښه توګه یاد کړي.

د سیاسي چارو شنونکی ولي فروزان وایي: اوسمهال ایران د اټومي تړون په مسله کې تر بحث لاندې دی او همدارنګه د قاسم سلیماني د مړینې کلیزه هم د؛ نو غواړي، چې پر امریکا د فشار راوړلو له لارې له طالبانو (اسلامي امارت) څخه څه ګټه پورته کړي.

ایران له افغانستان سره ۹۰۰ کیلومټره ګډه پوله لري، سره له دې، چې د کارپوهانو پر اند ایران او اسلامي امارت د امریکا په مخالفت کې ګډ دریځ لري؛ خو تهران تر اوسه د افغانستان نوی حکومت پر رسمیت ندی پېژندلی او تل یې پر اسلامي امارت غږ کړی، چې یو جامع حکومت جوړ کړي.

تازه خبرونه

په پروان ولایت کې سېلابونو لسګونه کسان مړه او بې درکه کړل

Published

on

(Last Updated On: زمری ۲۴, ۱۴۰۱)

سیمه ییزو سرچینو د دوشنبې پر ورځ ویلي؛ د پروان ولایت په شینوارو او سیاه ګرد ولسوالیو کې د تېر ماښام د سېلابونو له کبله لږ تر لږه ۳۲ کسان مړه شوي او ۲۰ نور ټپیان دي.

د سرچینو د څرګندونو له مخې، د پروان په غوربند دره کې لږ تر لږه ۱۰۰ کسان ورک شوي او ۱۷ نور مړه دي.

دا په داسې حال کې ده، چې د یکشنبې پر ورځ په یو شمېر ولایتونو کې سخت بارانونه وشول، چې لسګونه کورونه یې ویجاړ کړي دي.

د ننګرهار په مرکز جلال آباد ښار کې هم بارانونو خلک زینمن کړي دي.

د چارواکو د څرګندونو له مخې؛ په بارانونو کې ډېر کورونه نړېدلي، چې لږ تر لږه نهه کسان یې مړه کړي دي.

د ملي دفاع وزارت تائید کړې، چې هوايي ځواک پروان ولایت ته د خلکو د ژغورنې او د بشري مرستو د رسولو په موخه استول شوی دی.

Continue Reading

تازه خبرونه

د کابل او اسلام آباد اقتصادي اړیکې پراخه شوې دي

Published

on

(Last Updated On: زمری ۲۴, ۱۴۰۱)

په کابل کې د پاکستان سفیر وايي، چې د اسلام آباد او کابل ترمنځ د ترانزیت او سوداګرۍ په برخو کې همکاري پراخه او د صادراتو او وارداتو کچه لوړه شوې ده.

په کابل کې د پاکستان سفير منصور احمد خان د  پاکستان د خپلواکۍ د ٧٥ کليزې د نمانځنې په مراسمو کې ويلي، چې اسلام آباد له کابل سره خپلې هر اړخیزې همکارۍ روانې ساتي.

دی  وايي؛ د ترانزیت او سوداګرۍ په برخو کې د اسلام آباد او کابل همکاري زیاته شوې او د دواړو هېوادونو ترمنځ واردات او صادرات هم ډېر شوي دي.

د هغه په ​​وينا، د افغانستان او پاکستان پر پولو ستونزې اوارې شوې او آسانتياوې رامنځته شوې دي.

 د هغه  په وینا، اسلام آباد له تېر یوه کال راپدیخوا له افغانستان سره د ستونزو په حل کې همکاري کړې او اوس هم له افغانستان سره خپلو همکاریو ته ژمن دی.

نوموړی وایي: له افغانستان سره زمونږ اړیکې ډېرې ښې دي.  په تېر یو کال کې افغانستان ته ډېرې ستونزې را ولاړې شوې؛ خو پاکستان له افغانستان سره مرسته او همکاري کړې ده. دا همکارۍ د کډوالو،  بشري مرستو او په پولو کې د آسانتیاوو د برابرولو په برخو کې وې. د ترانزیت او سوداګرۍ په برخو کې زمونږ همکاري زیاته شوې، صادرات او واردات هم زیات شوي او مونږ تل له افغانستان سره همکارۍ ته ژمن یو.

منصور احمد خان زیاته کړې؛ په تېر یوه کال کې له ستونزو سره سره اسلامي امارت ښه فعالیتونه کړي دي.

د هغه د څرګندونو له مخې؛ ښوونه او روزنه د ټولو وګړیو اساسي حق دی او ښځې، چې د ټولنې ۵۰ سلنه جوړوي باید زدکړو ته لاسرسی ولري.

هغه وایي: پوهنه د هېواد یوه مهمه برخه ګڼل کېږي؛ ښځې د ټولنې ۵۰ سلنه جوړوي. د افغانستان اوسنی حکومت هم وايي، چې په افغانستان کې د ښځو د زدکړې په برخه کې پر یوه بهیر کار کوي، چې نجونې له اسلامي شرایطو او افغان فرهنګ سره سمې زدکړې روانې وساتي.

دغه راز دی له ترهګرۍ سره مبارزه د سیمې د هېوادونو ګډه موخه ګڼي او وايي، چې د ترهګرۍ پر خلاف مبارزه روانه ده.

منصور احمد خان ټینګار کوي، چې د سیمې هېوادونه په ځانګړي توګه افغانستان او پاکستان د ترهګریزو بریدونو له کبله ډېر زیانمن شوی، له همدې کبله د سیمې او په ځانګړي توګه د افغانستان او پاکستان د امنیت د تامین لپاره اړینه ده، چې دا ګواښونه له منځه یوړل شي او د اړوند هېوادونو ترمنځ ښو اقتصادي اړیکو ته زمینه برابره شي.

که څه هم د پاکستان د ویزې تر لاسه کول ګران شوي او افغانان نشي کولی ویزه په آسانه تر لاسه کړي؛ خو په کابل کې د پاکستان سفیر وايي، چې په نږدې رااتلونکیو ورځو کې به د پاکستان د ویزو ستونزه پوره حل شي.

Continue Reading

تازه خبرونه

تېر کال څه باندې ۶۰۰ زره افغان کډوال هېواد ته راستانه شول

Published

on

(Last Updated On: زمری ۲۴, ۱۴۰۱)

د کډوالو او راستنیدونکیو چارو وزارت وايي، په تېر یو کال کې څه باندې ۶۰۰ زره افغانان هېواد ته راستانه شوي او څه باندې سل زره راستنیدونکیو بشري مرستې ترلاسه کړي دي.

د مهاجرینو او راستنیدونکیو چارو وزارت چارواکو یوې خبري ناستې ته، چې د حکومت د اطلاعاتو او رسنیو په مرکز کې ملت ته د حکومت د حساب ورړاندې کولو د پروګرام په اړه جوړه شوې وه، یاد وزارت د تېر یوه کال د کړنو راپور شریک کړ.

د مهاجرینو او راستنیدونکیو چارو وزارت معین محمد ارسلا خروټي په یوه خبري کنفرانس کې وویل: د اسلامي امارت په واکمنۍ کې ۶۲۲۸۰۰ افغانان له پاکستان، ایران او نورو هېوادونو څخه افغانستان ته راستانه شوي او ۱۱۶۸۶۸ کسان یې په سرحدي ولایتونو کې دي، چې بشري مرستې یې ترلاسه کړي دي.

د چارواکو د څرګندونو له مخې؛ په تېر یوه کال کې ۲۷۲۹۲۵ داخلي بې ځایه شوې کورنۍ لیدل شوي، ۷۸۴۲۱ کورنۍ خپلو ولایتونو ته لېږدېدلي او ۸۶۰۶۴۰ کورنیو ته بشري مرستې رسېدلي دي.

دغه راز د چارواکو د څرګندونو له مخې، ۸۴۰۰ راستنیدونکیو او داخلي بې ځایه شویو ته د زدکړو زمینه برابره شوې او د ۱۶۰۰ افغانانو د ناقانونه کډوالۍ مخه نیول شوې ده.

د دغه وزارت د معلوماتو له مخې، د چين، قرغزستان، قطر او پاکستان د بشري مرستو د لېږد او وېش مديريت، په هلمند او کندهار کې له اووه زره سېلاب ځپلیو سره د مرستو وېش، د جوزجان، بدخشان له زيانمنو شويو کورنيو سره د بېړنيو مرستو وېش، له کابل څخه د بادغيس، خوست او پکتيکا د بېځايه شويو ٣٦ زره کورنيو لېږدول، په پکتيکا کې د الخدمت بنسټ د بشري مرستو عادلانه وېش، په پنجشېر کې د ١٠٠٠ کورنيو لپاره د مرستو ترلاسه کول، د حرفوي زدکړو د کورسونو جوړول او ١٦٠ کورنيو ته د وسايلو وېش هغه څه دي، چې په تېر کال کې ترسره شوې دي.

چارواکو ویلي؛ د دغه وزارت پر هڅو په پاکستان او ایران کې میشت ۲۵۰ افغان کډوال له ۲۵ کلونو وروسته د حج فریضه ادا کړې ده.

دوی وایي، د افغان كډوالو د وضعيت د اواري، د خدمتونو د وړاندې كولو او د ۲۰ زره كسانو پر وړتیا د يتيم خانې د جوړولو په برخه كې له پاكستان، چين، ايران او تركيې سره لازم تدابير نيول شوي دي او په دې برخه كې له بېلابېلو بنسټونو او موسسو سره همكاري كوي.

د افغان حکومت، ایران  او پاکستان تر منځ لاندې هوکړې شوي: د کډوالۍ د کارتونو د اعتبار موده غزول، د روغتیايي خدمتونو وړاندې کول، د کډوالو ماشومانو ته ښوونځیو ته د تګ اجازه ورکول، د بندیانو د وضعیت څېړل، د بشري مرستو دوام، د بانکي حسابونو برابرول او افغان کډوالو ته د موټر چلولو د جوازونو ورکول د تړون له مهمو موضوعاتو څخه دي. د راپور پر بنسټ، د پنځه کلن ستراتیژیک پلان ترتیبول، د ملي پالیسۍ تعدیل، د همکارۍ د جلبولو طرزالعمل او د کډوالۍ قانون، د مقرراتو تعدیل، د معلوماتو د سیستم جوړول او د مرستو د ویش د څارنې د میکانیزم ترتیبول د دغه وزارت غوره کړنې دي.

Continue Reading

Trending

Copyright © 2022 Ariana News. All rights reserved!