Connect with us

نړۍ

حماس د لنډمهالي اوربند پر مهال یو شمېر نور اسرائیلیان او تایلیندیان خوشي کړل

خپور شوی

د

(Last Updated On: ليندۍ ۵, ۱۴۰۲)

د يکشنبې پر ورځ د څلورورځني اوربند د بهیر په دوه‌یمه تبادله کې ديارلس اسرائيليان او څلور تايلیندي وګړي د ٣٩ فلسطينيانو په بدل کې خوشې او اسرائيلو ته ننوتل.

د رویترز د څرګندونو له مخې؛ د حماس او اسرائیلو تر منځ د شوې هوکړې له مخې غزې ته د مرستو پر سر شخړه رامنځته شوې وه، خو د مصر او قطر پرر منځګړیتوب دغه موضوع حل شوه. د تړون له مخې؛ به فلسطینیان ۵۰ بندیان او اسرائیل به ۱۵۰ بندیان په څلورو ورځو کې خوشې کوي.

په تلویزیوني انځورونو کې ښودل شوي، چې بندیان د رفح له پولې د مصر لوري ته وتلي دي. حماس دغه بندیان د شنبې پر ورځ ناوخته د سره صلیب نړیوالې کمیتې ته سپارلي دي.

۱۳ اسرائیلیان د شپږ ښځو او اووه ماشومان او تنکي ځوانان په ګډون د حماس له لوري خوشې شوي دي.

د اسرائیلو پوځ په یوه اعلامیه کې په ډاګه کړې ؛ خوشې شوي کسان د اسرائیلو روغتونونو ته پر لاره دي او هلته به له خپلو کورنیو سره یوځای شي.

د فلسطین وفا خبري اژانس اعلان کړی، چې اسرائیلو له دوه زندانونو ۳۹ فلسطینیان، چې شپږ یې ښځې او ۳۳ کم عمره ځوانان دي راخوشې کړي دي.

رویترز خبري اژانس د یوه عیني شاهد د څرګندونو له مخې څرګنده کړې؛ یو شمېر فلسطینیان د اسرائیلو تر اشغال لاندې لویدیځه غاړه رام الله کې البیره څلورلارې ته ورسېدل، چې زرګونه کسان ورته سترګې پر لاره ول.

دا په هغه جګړه کې لومړنۍ دمه ده، چې حماس د اوکتوبر پر اوومه د اسرائیلو پر جنوبي سیمو برید وکړ؛ ۱۲۰۰ کسان یې ووژل او شاوخوا ۲۴۰ نور ونیول شول.

د دې برید په ځواب کې اسرائیلو ژمنه وکړه، چې پر غزه واکمن حماس ځواکونه به له منځه وړي.

د فلسطین روغتیایي چارواکو د شنبې پر ورځ څرګنده کړه، چې شاوخوا ۱۴ زره ۸۰۰ کسان د اسرائیلو په ځمکنیو او همایي بریدونو کې وژل شوي، چې نږدې ۴۰ سلنه یې ماشومان دي.

دا تبادله له هغې یوه ورځ وروسته رامنځته شوه، چې د ۳۹ فلسطینیانو په بدل کې ۱۳ اسرائیلي بندیان خوشې شول.

د جمعې پر ورځ حماس هم یو فلپیني وګړی او لس تایلیندي کارکونکي خوشې کړل.

د تایلیند لومړي وزیر سیرتا تاویسین یوه ورځ وروسته په ایکس پاڼه کې ولیکل، چې د شنبې پر ورځ خوشې شوي څلور تایلیندیان غواړي حمام وکړي او خپلو خپلوانو ته زنګ ووهي.

هغه زیاته کړې، چې ټول روغ دي.

د تایلیند د بهرنیو چارو وزارت د یکشنبې پر ورځ ویلي، چې اتلس تایلیندیان په بند کې پاتې دي.

نړۍ

اسرائیلو د فلسطیني دولت له یو‌اړخیزې تپنې سره مخالفت څرګند کړ

Published

on

(Last Updated On: سلواغه ۳۰, ۱۴۰۲)

د رویټرز خبري اژانس د راپور له مخې اسرائیلو د یکشنبې پر ورځ د فلسطیني دولت له “یو اړخیزه رسمیت پېژندلو سره خپل مخالفت څرګند کړ او وایي، چې دغه راز هوکړه باید د مخامخ خبرو اترو له لارې رامنځته شي.

د اسرائیلو لومړي وزیر بنیامین نتنیاهو په کابینه کې دا خبرتیایي پرېکړه د رای ورکولو لپاره وړاندې کړه، چې د رایو پر اتفاق یې ومنله.

نتانیاهو د خپلې اوونیزې غونډې په پیل کې ویلي؛ په نړیواله ټولنه کې له هغې وروسته پر اسرائیلو د فلسطیني دولت د یو اړخیزې تپنې پرېکړه وشوه، چې د خبرو اترو په اړه هڅې رامنځته شوې.

په دې راپور کې راغلي، چې د اسرائیلو ترڅنګ  په لویدیځه غاړه کې د یو فلسطیني دولت د رامنځته کولو هڅې له ۲۰۱۴ کال راپدیخوا پر ټپه درېدلې دي.

د متحده ایالاتو ولسمشر جو بایډن په منځني ختیځ کې د یوې پراخې هوکړې د ترلاسه کولو هڅه کوي او غواړي، چې د سعودي عربستان او نورو عربي هېوادونو اړیکې نه یوازې له اسرائیلو سره عادي کړي، بلکې یو فلسطیني دولت هم رامنځته شي.

د نتانیاهو د دفتر د څرګندونو له مخې؛ د اسرائیلو رسمي بیان دا حقیقت رابرسېره کوي، چې: اسرائیل له فلسطین سره د دایمي تړون په اړه نړیوال فرمانونه پر کلکه ردوي؛ خو که له شرط پرته د اړخونو ترمنځ د مخامخ خبرو اترو له لارې رامنځته شي.

د غزې روانه جګړه د اکتوبر پر اوومه پر اسرائیلي ټولنې د حماس له برید پیل شوې؛ خو د اسرائیلو او فلسطینیانو تر منځ جګړه له تېرو اووه لسیزو راپدیخوا روانه ده، چې اوس یې منځنی ختیځ هم بې ثباته کړی دی.

Continue Reading

نړۍ

د ملګرو ملتونو امنیت شورا به سې شنبه په غزه کې د اوربند په اړه رای ورکړي

Published

on

(Last Updated On: سلواغه ۲۹, ۱۴۰۲)

ډیپلوماټانو راپور ورکړی؛ شونې ده، چې د ملګرو ملتونو امنیت شورا به د سې شنبې پر ورځ د اسرائیل او حماس ترمنځ د بشري اوربند لپاره د الجزایر د غوښتنې په اړه رای ورکړي.

د رویټرز د څرګندونو له مخې: الجزایر څه باندې دوه اوونۍ مخکې د پرېکړه لیک لومړنۍ مسوده وړاندې کړې وه؛ خو په ملګرو ملتونو کې د امریکا سفیرې لینډا ټووماس ګرین فیلډ ویلي، د پرېکړه لیک متن کولی شي “حساس مذاکرات” له خطر سره مخ کړي، چې موخه یې د جګړې د درولو لپاره منځګړیتوب دی.

دیپلوماتانو ویلي؛ الجزایر د شنبې پر ورځ وغوښتل، چې د سې شنبې پر ورځ دې امنیت شورا رای ورکړي. د ملګرو ملتونو د امنیت شورا د پرېکړه لیک د تصویب لپاره لږ تر لږه نهه رایو ته اړتیا ده او د امریکا، بریټانیا، فرانسې، چین او روسیې له خوا ویټو ته اړتیا نشته.

ټوماس ګرین فیلډ په یوه خبرپاڼه کې ویلي: امریکا د دې مسودې پر پریکړو د عمل ملاتړ نه‌کوي. که دا مسوده د رایې ورکولو لپاره راشي؛ دا به تصویب نه‌شي.

واشنګټن تل د ملګرو ملتونو د اقداماتو پر وړاندې د خپل متحد اسرائیل دفاع کړې او د اوکتوبر له اوومې راپدیخوا یې دوه ځله د امنیت شورا پرېکړه لیک ویټو کړی دی.

د امریکا، مصر، اسرائیلو او قطر ترمنځ د جګړې د بندولو او د حماس د بندیانو د خوشې کولو په اړه خبرې روانې دي.

د غزې جګړه د اکټوبر پر اوومه، چې حماس پر اسرائیلو برید وکړ؛ پیل شوه، چې د اسرائیلو د څرګندونو له مخې؛ په دې برید کې ۱۲۰۰ کسان وژل شوي او ۲۵۳ یې ونیول.

د دې برید په ځواب کې اسرائیلو پر غزې برید وکړ.

روغتیايي چارواکي وايي، له ۲۸ زره ډېر فلسطینیان وژل شوي او د زرګونه نورو جسدونه ښايي تر خاورو لاندې وي.

دا په داسې حال کې ده ، چې اسرائیلو د غزې پر سویلي رفح ښار بریدونه کړي، چې له یو میلیون ډېرو فلسطینیانو په کې پناه اخیستې او بشري بحران نور هم ورسره غځېدلی دی.

Continue Reading

نړۍ

په لبنان کې د اسرائیلو پر برید لږ تر لږه ۹ ملکي وګړي ووژل شول

Published

on

(Last Updated On: سلواغه ۲۶, ۱۴۰۲)

روغتیایي او امنیتي سرچینو رویټرز خبري اژانس ته ویلي، چې د چارشنبې پر ورځ (د سلواغې پېنځه‌ویشتمه ) د لبنان پر جنوبي سیمو د اسرائیلو په برید کې لږ تر لږه ۹ ملکي وګړي وژل شوي دي.

د دغو سرچینو د څرګندونو له مخې؛ په وژل شویو کې دوه ښځې او پېنځه ماشومان هم  شته دي.

اسرائیلي پوځ دغه برید د لبنان د حزب الله د راکټي برید په غبرګون کې، چې یو سرتېری یې وژل شوی و؛ ترسره کړی دی.

د اسرائیلو او حزب الله ترمنځ د حماس د برید له پیل راپدیخوا  په سرحدي سیمو کې څو ځلې نښتې هم شوې دي.

د راپورونو له مخې؛ د چارشنبې پر ورځ د اسرائیلو په برید کې د لبنان د حزب الله څلور وسله‌وال هم وژل شوي دي.

د حزب الله چارواکو ویلي، چې د اسرائیلو برید به بې ځوابه پاتې نه‌شي.

Continue Reading

Trending

Copyright © 2022 Ariana News. All rights reserved!