تازه خبرونه
د استانبول ناسته د دوحې پر ځای نه جوړیږي

د امریکا بهرنیو چارو وزارت څرګنده کړې؛ د استانبول ناسته د دوحې خبرو پرځای نه، بلکې په افغانستان کې د سیاسي حل موندلو لپاره د یوې سیاسي هڅې برخه ده.
د بهرنیو چارو وزارت ویاندې نیډ پرایس پرون (سې شنبه دوري ۳۱) یوه خبري کنفرانس ته ویلي؛ د دوحې خبرې به دوام ومومي او دا یوه هڅه ده، چې مونږ وکولی شو، چې هلته پر سرچینو پانګونه وکړو. مونږ پوهیږو، چې په افغانستان کې سوله، ثبات او امنیت د ډموکراسۍ، له سیاسي حللارې او د افغانانو په مشرۍ او د افغانانو په مشرتابه د خبرو له لارې ترلاسه کیدی شي.
نوموړي زیاته کړې؛ د بایډن اداره باوري ده، چې د افغانستان جګړه پوځي حل نلري.
هغه په دې اړه زیاته کړې؛ د استانبول ناسته د پراخو ډیموکراټیکو همکاریو یوه برخه ده. مونږ یې له تر سره کوونکیو ترکیې، قطر او ملګرو ملتونو څخه مننه کوو. زه باید له هغو سره د وخت او اوسني وضعیت په اړه وغږیږم.
دغه راز ترکیې، ملګرو ملتونو او قطر په رسمي بڼه څرګنده کړې، چې په افغانستان کې د سولې په اړه د ترکیې ناسته د می تر څلورمې ځنډول شوې ده.
ترکیې، قطر او ملګرو ملتونو په ډاګه کړې؛ د وروستیو پرمختګونو او مشورو له په پام کې نیولو سره، ټولې خواوې هوکړې ته رسیدلي، چې تر اړینو پرمختګونو باید وځنډول شي.
دا په داسې حال کې ده، چې طالبانو له دې مخکې له افغانستان څخه د امریکايي ځواکونو د وتلو د مودې په غبرګون کې ویلي وه، چې له دې هېواده د بهرنیو ځواکونو تر وتلو پورې به د افغانستان د سولې په اړه په جوړېدونکیو غونډو کې برخه وانخلي.
تازه خبرونه
چین د ټرانس-افغان اوسبنېپټلۍ پروژې تمویل ته لېواله دی – اسحاق ډار
ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنېپټلۍ پروژې په اړه خبرې کړې دي.

د پاکستان د لومړي وزیر مرستیال او د بهرنیو چارو وزیر اسحاق ډار ويلي، چې چین د افغانستان له لارې د ازبکستان او پاکستان ترمنځ د اوسپنېپتلۍ پروژې د تمویل لپاره لېوالتیا ښودلې ده.
ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنېپټلۍ پروژې په اړه خبرې کړې دي.
هغه ټینګار کړی، چې د دې پروژې د پرمخ بیولو وخت رارسېدلی دی.
تازه خبرونه
په لغمان کې د ۱۰ میګاواټه لمریزې برښنا پروژه پرانیستل شوه
ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.

په لغمان ولایت کې د ۱۰ میګاواټه لمریزې برښنا د تولید پروژې عملي کار نن (پنجشنبه د غبرګولي لومړۍ) د ریاست الوزراء د اقتصادي مرستیال ملا عبدالغني برادر لخوا پرانیستل شوه.
ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.
نوموړي ويلي، چې د افغانستان اسلامي امارت د برښنا په سکتور کې د ځانبسیاینې ترلاسه کولو لپاره دې طرحې ته ورته اړینې پروژې تر کارلاندې نیولي دي.
هغه وایی؛ دا پروژې به نه يوازې د برښنا په توليد کې اغېزمنې وي، بلکې د ملي اقتصاد په پياوړتيا، کار پيدا کولو، پانګونې راجلبولو او خلکو ته خدمات وړاندې کولو او ښه کولو کې هم ډېر اهميت ولري.
اقتصادي مرستیال دا هم ویلي، چې له څه وخت راپدېخوا په ټول هېواد کې د ۲۲۸ میګاواټو څخه ډېر ظرفیت لرونکو اووه مهمو برښنایي پروژو قراردادونه لاسلیک شوي، چې د لغمان لمریزه برښنا پروژه یې هم یوه برخه ده.
ملا برادر د اسلامي امارت اقتصادي سټراټیژي په بهرنیو سرچینو د تکیه کمولو او له کورنیو ظرفیتونو څخه د ګټې اخیستنې پر بنسټ ولاړه وګڼله او ټینګار یې وکړ، چې افغانستان اوسمهال پر وارداتي برښنا ډېره تکیه کوي، چې له کبله یې له هېواده د پام وړ اسعار بهر ته ځي.
هغه همدارنګه امنیت د اقتصادي پروژو د پیل او بریالیتوب لپاره تر ټولو مهم عامل وباله او دا ډاډ یې هم څرګند کړ، چې اسلامي امارت د کورنیو او بهرنیو پانګوالو بشپړ ملاتړ کوي.
اقتصادي مرستیال د افغانستان د برښنا په سکټور کې پانګوالو ته د پانګونې بلنه ورکړه او زیاته یې کړه، چې اسلامي امارت اړینې آسانتیاوې برابرې کړي او هر اړخیزه همکاري به هم ورسره وشي.
تازه خبرونه
د افغانستان خلک د شفقت او ښه چلند مستحق دي – شیخ هبةالله
د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.

د افغانستان اسلامي امارت رهبر شیخ هبةالله آخوندزاده د ښاروالیو لپاره په یوه ځانګړي سیمینار کې له خلکو سره د ښه چلند او د زور او فشار له کارولو څخه د ډډه کولو پر اړتیا ټینګار وکړ.
د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.
هغه د خلکو پر وړاندې د زور یا جبر کارولو پر مخنیوي ټینګار وکړ.
د اسلامي امارت رهبر دغه راز ویلي، چې مسوولیت کوم عزت او غوره والی ندی، بلکې یو امانت دی، چې له مخې یې باید خلکو ته خدمت وشي.
شیخ هبةالله آخوندزاده دا هم روښانه کړه، چې مسوولیت امتیاز ندی، بلکې د خلکو د خدمت لپاره یو امانت دی.
هغه ټینګار وکړ، چې د ښاروالیو مالي سرچینې په حقیقت کې د خلکو شتمني ده، چې د عامه خدماتو د وړاندې کولو لپاره ورکول کیږي او باید د خلکو د رضایت او هوساینې سره سم مصرف شي.
د اسلامي امارت رهبر همدارنګه له ښاروالیو وغوښتل، چې د ښارونو د پاکوالي، د عامه ګټو او عامه شتمنیو د ساتنې او د خپلو دندو په ترسره کولو کې له غفلت او بېپروایۍ څخه ډډه وکړي.
دا په داسې حال کې ده، چې د کورنیو چارو وزارت چارسمبالي سراج الدین حقاني له پکتیکا والي سره په لیدنه کې ویلي، چې د اسلامي امارت اصلي هدف د خلکو خدمت کول دي او د هغو د استازو له لارې د ولایتونو د ستونزو د حل لپاره هڅې روانې دي.
-
نړۍ4 days ago
د امریکا پخوانی ولسمشر جو بایډن د پروسټاټ پر سرطان اخته شو
-
سوداگري3 days ago
نړیوال بانک د افغان پروژو د تادیاتو په اړه څرګندونې وکړې
-
نړۍ3 days ago
روسیې او اوکراین د اوربند په اړه له سمدستي خبرو اترو سره هوکړه وکړه – ټرمپ
-
سیمه ییز خبرونه3 days ago
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
-
تازه خبرونه4 days ago
د اروپا بشري فورم د افغانستان د بحران پر ریښو خبرې کوي
-
روغتيا3 days ago
په افغانستان کې ساري ناروغۍ زیاتې شوي – د روغتیا نړیواله ټولنه
-
تازه خبرونه5 days ago
د تاجکستان او ایران بهرنیو چارو وزیرانو د افغانستان په اړه خبرې وکړې
-
روغتيا4 days ago
د عامې روغتیا وزارت د افغانستان د میندو د مړینې د کچې په اړه د UNFPA راپور رد کړ