سوداگري
د افغانستان بانک له بانکونو څخه د معاشونو پر ایستلو بندیز لرې کړ

د افغانستان بانک (DAB) د چارشنبې پر ورځ څرګنده کوه، چې د دولتي او خصوصي سکتور د کارکوونکیو د معاشونو پر ایستلو یې لګول شوی بندیز لرې کړی دی.
د افغانستان بانک ویاند صابر مومند په یوه ویډیويي پیغام کې په ډاګه کړې؛ ټول دولتي او نادولتي کارکوونکي کولی شي پرته له کوم محدودیته خپل معاشونه له بانکونو وباسي.
صابر مومند زیاته کړې: د افغانستان بانک د بانکي او مالي سکټور د بیارغونې لپاره د ستراتیژیک پلان له مخې د دولتي او نادولتي کارکوونکیو په معاشونو کې شته محدودیتونه لرې کړي دي.
مومند وایي، چې ټول خصوصي او دولتي بانکونه به د دولتي او خصوصي کارکوونکیو معاشونه د دوی په غوښتنه پرته له ځنډ، خنډ او محدودیته ورکوي.
د تېر کال د اګسټ په میاشت کې د افغانستان اسلامي امارت له واک ته رسیدو او د بهرنیو ځواکونو له وتلو او د امریکا له لوري د افغانستان بانک د شتمنیو له کنګل کېدو وروسته د افغانستان بانک په ګډون ټولو بانکونو خپل فعالیتونه ودرول، چې خلکو ته یې ګڼې ستونزې راولاړې کړې؛ خو شاوخوا دوه اوونۍ وروسته بانکونه بیا پرانستل شول او خلکو ته اجازه ورکړ شوه، چې تر ۲۰۰ ډالرو پورې خپلې پیسې وباسي.
دا په داسې حال کې ده، چې د افغانستان د لومړي وزیر لومړي مرستیال ملا عبدالغني برادر روانه اوونۍ د اقتصادي کمیسیون په غونډه کې د بانکي بندیزونو د کمولو لپاره د یوه منظم میکانیزم د جوړولو غوښتنه وکړه.
سوداگري
په تېر لمریز کال کې د افغانستان صادرات دوه میلیارد دالره ول

د سوداګرۍ او صنایعو وزارت مرستیال د سې شنبې پر ورځ په یوه خبري کنفرانس کې ویلي، چې په تېر لمریز لېږدیز کال کې د افغانستان صادرات دوه میلیارد دالره ول.
د صنعت او سوداګرۍ وزارت مرستیال قدرت الله جمال ويلي؛ په تېر یوه کال کې د صادرا توکچه نږدې دوه میلیارد دالروته لوړه شوې ده.
نوموړی وایي: مونږ د خصوصي سکتور لپاره د اقتصادي فعالیتونو د سرته رسولو لپاره ډېره ښه زمینه برابره کړې او له ګونډهېوادونو سره مو هم اقتصادي اړیکې ښې دي او هڅه کوو، چې دا ړیکې نورې هم پراخې او پیاوړې کړو.
د صنعت اوسوداګرۍ وزارت ویاند عبد السلام جواد آخوندزاده ويلي، چې هېواد یې په نږدې پنځوس قلمه توکو کې، چې په هېواد کې تولیدیږي؛ ځان بسیاینې ته رسیدلی او د تېرکال په بهیر کې شاوخوا ۱۰۰ بهرني پانګوال افغانستان ته راغلي او په بېلا بېلو برخو کې يې پانګونې ته لیوالتیا څرګنده کړې ده.
هغه وایي: په دې پانګوالو کې د ګاونډ هېوادونو په ګډون د سیمې هېواد نو پانګوال هم شته، چې ډېر يې د کانونو، کرنې، خدماتواو انرژۍ د تولید په برخه کې د پانګونې لپاره لیواله دي.
د یاد وزارت د څرګندونو له مخې؛ د هېواد پر کچه نږدې ۸۰۰۰ میرمنې پر اقتصادي فعالیتونو بوختي دي او ورته اسانتیاوې په نظر کې نیول شوي، چې راتلونکی کال به د اقتصادي طرحو جوړول، د نساجي پر صنعت تمرکز، د سیمه ییزو همکاریو پرا ختیا، د صادارتو پراختیا، د پانګونې جذب او په صنعتي پارکونو کې د پانګونې پرا ختیايي هڅې مو له کاري لومړیتوبونو څخه دي.
ویل کیږي، چې په تېر یوه کال کې ۵۱۰۰ جوازونه صادر شوي، ۷۲۲۸ جوازو نه تمدید شوي او ۳۳۳ جوازونه لغوه شوي دي. دغه راز د تېرکال په اوږدو کې د ۹۲۵ میلیون و ۴۹۳ زره ۶۲۹ دالرو پر ارزښت سکاره، پنبه، ایجه، انار، ممیز، انځر، انګور، رومي بانجان، او پیاز پاکستان، هند، ازبکستان، تاجکستان، عربي متحده اماراتو، چین، ایران، عراق، ترکیې ته صادر شوي دي.
سوداگري
د اړتیا وړ خوراکي توکو ګمرکي محصول ۷۰ سلنه راټیټ شوی

د مالیې وزارت ويلي، د افغانستان اسلامي امارت د رهبرۍ د پرېکړې له مخې په تېر لمریز لېږدیز کال کې پر لومړنیو خوراکي توکو ګمرکي محصول له ۵۰ څخه تر ۷۰ سلنې راټیټ شوی دی.
دې وزارت دا هم په ډاګه کړې، چې د دې پرېکړې په پایله کې سږ کال د ۶ اعشاریه ۷ میلیون افغانیو پر ارزښت ګمرکي محصول کم شوی دی.
په سيمه ييزو بازارونو کې پر خوراکي توکو؛ اوړو، غنمو، غوړيو، وريجو او بورې د ګمرکي محصول د کمولو پرېکړه د بيو د راټيټوالو لپاره رامنځته شوې ده.
سوداگري
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی

د کندور ولایت د سوداګرۍ او صنعت ریاست مسوولینو د څرګندونو له مخې؛ په روان کال کې تولیدي شرکتونو ته د جواز د ورکړې او تمدید له کبله څه باندې ۱۲ میلیون افغانۍ عواید تر لاسه شوي.
د کندوز ښاروالۍ مسوولینو ويلي، په تېرو یوولس میاشتو کې د عوایدو له بېلا بېلو ادارو څخه ۱۲۰ میلیون افغانۍ عواید راټول شوي، چې د تېر کال پر پرتله ۴۰ سلنه زیاتوالی ښیي.
د کندوز ښاروالۍ ویاند تاج الدین صحاک ویلي؛ په تېرو یوولس میاشتو کې د صفایۍ محصول، د کار جواز وېش، ګمرکي تعرفو او د جایدادونو د کرايې له درکه یې ۱۲۰ میلیون افغانۍ عواید راټول کړي، چې د ښار جوړونې پر چارو لګول شوي دي.
د کندوز د سوداګرۍ او صنعت رییس محمد رحیم سیرت رییس هم وايي؛ د ۳۰۳ تولیدي شرکتونو لپاره د جواز تمدیدولو او ۱۳۰ شرکتونو ته د جواز له ورکولو د دوی په عوایدو کې ۴۸ سلنه زیاتوالی راغلی دی .
د تولیدي شرکتونو خاوندان د بازار د نشتوالي له کبله د خپلو تولیداتو له کموالي شکایت کوي او په دې برخه کې د حکومت له لوري د لازمو اسانتیاوو په رامنځته کولو ټینګار کوي.
دوی ویلي؛ په تېر کې یې له هېواد څخه بهر ته صادرات درلودل، خو دا مهال یې صادرات کم شوي دي.
د کندوز سیمهییز مسوولینو څرګنده کړې؛ دوی د سوداګر و او پانګوالو لپاره د اسانتیا د برابرولو لپاره تل هڅه کړې او تمه ده، چې په راتلونکي کال کې به د تولیدي شرکتونو لپاره له هېواده بهر د بازار موندنې په برخه کې لازمې هڅې وکړي.
-
روغتيا4 days ago
په افغانستان کې یو ناروغ له دایمي معلولیته وژغورل شو
-
لوبی1 day ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
تازه خبرونه3 days ago
افغان بیسیم د کونړ په چغان کې 3G خدمتونه فعال کړل
-
تازه خبرونه4 days ago
جاپان له افغانستان سره څه باندې ۲۱ میلیون دالر مرسته وکړه
-
بلخ @ps4 days ago
په بلخ کې د داعش د خراسانۍ ډلې درې مهم غړي ووژل شول – د استخباراتو ریاست
-
سیمه ییز خبرونه4 days ago
د چین ولسمشر شي د سعودي له ولیعهد سره په خبرو کې د سعودي او ایران له اړیکو ملاتړ څرګند کړ
-
روغتيا2 days ago
په چیلي کې د الوتونکیو د انفلونزا لومړنۍ انساني پېښه وپېژندل شوه
-
سیمه ییز خبرونه2 days ago
عربستان له شانګهای ټولنې سره د یوځای کېدو پرېکړه وکړه