Connect with us

تازه خبرونه

د افغانستان بنسټیزه اړتیا نغدې پیسې دي

خپور شوی

د

د سره صلیب نړیوالې کمېټې (آی سي آر سي) مشر پیټر مایرر اسوشیټیډ پرس ته څرګنده کړې، چې د افغانستان اصلي ستونزه لوږه نه، بلکې د وته ییزو او اقتصادي بندیزونو له کبله د پیسو کمښت دی.

د پنجشنبې پر ورځ په دوبۍ کې له اسوشیټیډ پریس سره په مرکه کې مایرر ویلي، چې افغانستان له یو مخ پر زیاتېدونکي بشري ناورین سره مخکېدونکی دی او یو شمېر مرستندویه ټولنې د ډاکټرانو، نرسانو او نورو معاشونو د ورکولو هڅه کوي؛ خو اوسمهال بانکي حسابونو ته د معاشونو لیږدولو کومه لاره نشته.

د نوموړي له څرګندونو مخکې د افغانستان لپاره د ملګرو ملتونو ځانګړې استازې هم ویلي وه، چې افغانستان د بشري ناورین په درشل کې دی او وټه ییز سقوط به یې د افراطیت او تروریزم خطر نور هم ډېر کړي.

د اسوشیټیډ پرس د راپور له مخې؛ آی سي آرسي په لنډمهاله توګه افغانستان ته نغد ډالر پر افغانیو بدلوي،  چې خپلو سیمه ییزو کارمندانو ته معاشونه ورکړي.

آی سي آرسي کمېټه توانیدلې، چې د امریکا د خزانې وزارت د بهرنیو شتمنیو د څارنې له ادارې او اسلامي امارت سره د همغږۍ له مخې افغانستان ته د ډالرو پر رالېږدولو بریالۍ شوې او غواړي خپلو سیمه ییزو کارکوونکیو ته تنخواوې ورکړي.

مایرر زیاته کړې؛ په افغانستان کې اصلي ستونزه لوږه نده. بنسټیزه ستونزه د نغدو پیسو نشتوالی دی. باید د ټولنیزو خدماتو د وړاندې کولو لپاره اړوند مامورینو ته معاشونه ورکړ شي.

هغه وایي: راځئ!  هېر نکړو، چې ډېري  طبي ډاکټران، نرسان، د اوبو او برښنا سیسټمونو چلوونکي او کارکوونکي اوس هم پخواني خلک دي او یوازې یې مشران بدل شوي دي.

مایرر ویلي، چې بشردوستانه ټولنې نشي کولی د ټول هېواد انفلاسیون حل کړي؛ خو دمګړۍ اړتیا دا ده، چې نغدې پیسې افغانستان ته ولېږل شي. دا کار د اسلامي امارت له پېژندلو پرته هم ترسره کېدی شي.

دا په داسې حال کې ده، چې د سره صلیب بودیجه په روان کال کې ستونزو ته د لاسرسي لپاره له ۹۵  میلیون ډالرو څخه نږدې ۱۶۳ میلیون ډالرو ته لوړه شوې ده.

تازه خبرونه

د افغانستان او بریټانیا استازيو د بشري مرستو د آسانه لېږد د خنډونو پر لرې کولو خبرې وکړې

په دې کتنه کې، چې په ارګ کې ترسره شوې ریچارډ لینډزي افغانستان ته په‌خپل سفر د خوښي څرګندولو ترڅنګ پر افغانستان د پاکستاني پوځي رژیم په وروستیو توغندیزو بریدونو کې پر اوښتو ځاني تلفاتو د تسلیت وړاندې کولو تر څنګ ویلي؛ تاوتریخوالی باید ختم شي او پر باور جوړولو باید زیات کار وشي.

Published

on

د افغانستان اسلامي امارت د ریاست الوزراء د دفتر عمومي رییس ملا عبدالواسع تېره ورځ د افغانستان لپاره د بریټانیا له ځانګړي استازي ریچارډ لینډزي سره د بشري مرستو د آسانه لېږد د خنډونو پر لرې کولو بحث او خبرې کړې.

په دې کتنه کې، چې په ارګ کې ترسره شوې ریچارډ لینډزي افغانستان ته په‌خپل سفر د خوښي څرګندولو ترڅنګ پر افغانستان د پاکستاني پوځي رژیم په وروستیو توغندیزو بریدونو کې پر اوښتو ځاني تلفاتو د تسلیت وړاندې کولو تر څنګ ویلي؛ تاوتریخوالی باید ختم شي او پر باور جوړولو باید زیات کار وشي.

د افغانستان لپاره د بریټانیا ځانګړي استازي د اسلامي امارت له سوله ییز دریځ مننه کړې اوڅرګندوي؛ پاکستاني لوري ته یې دا پیغام رسولی، چې د باور جوړولو هڅه وکړي او دواړه لوري باید د صمیمیت فضا د رامنځته کولو لپاره مثبت ګامونه واخلي.

هغه زیاته کړې؛ جنګ دواړو خواو ته ستونزې او ناامیدي رامنځته کوي، د تاوتریخوالي د پای ته رسولو لپاره باید زړورتیا او سیاسي اراده وښودل شي.

نوموړي ټینګار کړی، چې د پاکستان له لارې دې افغانستان ته د بشردوستانه مرستو لېږد ته اجازه ورکړل شي.

د ریاست الوزراء مقام د دفتر عمومي رییس د افغانستان لپاره د بریټانیا ځانګړي استازي د تسلیت او د ستونزو د حل په موخه د نوموړي له هڅو د مننې ترڅنګ د کونړ ولایت په مرکز اسعدآباد کې پر پوهنتون او د استوګنې پر کورونو د پاکستاني پوځیانو وروستي بریدونه وغندل.

ملا عبدالواسع ویلي؛ د ملکي خلکو په ځانګړي توګه د مېرمنو، کوچنیانو او استوګنې کورونو پر نښه کول هیڅ راز توجیه نه‌لري. مونږ نه تجاوز کړی او نه هم د تاوتریخوالي پلویان یوو؛ خو د افغانستان له حریم، ځمکني بشپړتیا او افغانانو څخه دفاع زمونږ مسلم حق دی.

نوموړي د افغانستان لپاره د بربریټانیا ځانګړي استازي او ټولو هغو دوستو هېوادونو او ارګانونو څخه، چې د دواړو هېوادونو ترمنځ د شخړې ختمولو هڅې کوي د حقایقو د درک غوښتنه وکړه او وایي؛ مقصر لوری باید ملامت شي.

هغه ټینګار کړی، چې اسلامي امارت تل له پاکستان سره د تاوتریخوالي پای ته رسول او د دوستانه اړیکو پیاوړي کول غوښتي؛ خو مونږ هیچاته اجازه نه‌ورکوو، چې د افغانستان خاوره د نورو پر ضد وکاروي.

ملا عبدالواسع په تېرو څلور لسیزو کې له افغان مهاجرینو د پاکستان کوربتوب ته په نغوته(اشاره) کې ویلي؛ افغان مهاجرینو د هجرت پر مهال د پاکستان اصول او قوانین مراعت کړي، پاکستانی لوری دې هم د مهاجرینو حقونو ته پابند واوسي او افغانانو ته دې ضرر نه‌رسوي.

نوموړی وایي: سوداګریزي او ټرانزیټي اړیکې او د بشردوستانه مرستو لېږد باید د سیاسي مسایلو تر اغېز لاندې را نه‌وستل شي. مونږ د بشري مرستو د لېږد په برخه کې خنډونه نه‌دي رامنځته کړي؛ که پاکستان د شخړو ختمولو لپاره یو ګام اخلي، اسلامي امارت به دوه ګامه واخلي.

Continue Reading

تازه خبرونه

حقاني د روسیې له استازي سره د دوه اړخیزو همکاریو پر پیاوړتیا خبرې وکړې

د کورنیو چارو وزارت د خپرې شوې خبرپاڼې له مخې؛ په دې لیدنه کې د افغانستان او روسیې ترمنځ د همکارۍ د پیاوړتیا او همدارنګه پر امنیتي، اقتصادي او سیاسي مسلو خبرې شوې دي.

Published

on

Last Updated on: غویی ۹, ۱۴۰۵

کورنیو چارو وزیر خلیفه سراج الدین حقاني د سې‌شنبې پر ورځ( د وري اتمه ) د روسیې د ولسمشر له ځانګړي استازي ضمیر کابلوف سره ولیدل.

د کورنیو چارو وزارت د خپرې شوې خبرپاڼې له مخې؛ په دې لیدنه کې د افغانستان او روسیې ترمنځ د همکارۍ د پیاوړتیا او همدارنګه پر امنیتي، اقتصادي او سیاسي مسلو خبرې شوې دي.

دواړو لوریو په سیمه کې د مثبت تعامل او ثبات په اړه هم خبرې وکړې.

Continue Reading

تازه خبرونه

پاکستان پر توغندیزو بریدونو په خاص کونړ ولسوالۍ کې د ملکي خلکو کورونه وران کړل

د کونړ امنیتي چارواکو ويلي، چې دا بریدونه له سهار راپدېخوا وقفه‌يي روان دي؛ خو تر اوسه پورې د مرګ او ژوبلې په اړه څه  ویل شوي نه‌دي.

Published

on

Last Updated on: غویی ۹, ۱۴۰۵

د پاکستان پوځي رژیم د کونړ ولایت پر خاص کونړ ولسوالۍ راکټي بریدونه کړي، چې په کې د ملکي وګړو کورونه ویجاړ شوي دي.

د کونړ امنیتي چارواکو ويلي، چې دا بریدونه له سهار راپدېخوا وقفه‌يي روان دي؛ خو تر اوسه پورې د مرګ او ژوبلې په اړه څه  ویل شوي نه‌دي.

د پاکستان پوځي رژیم د کونړ د سرکاڼو ولسوالۍ پر ځینو سیمو هم څو توغندیز بریدونه کړي؛ خو کوم زیان یې نه دی اړولی.

Continue Reading
Advertisement

Trending

Copyright © 2025 Ariana News. All rights reserved!