Connect with us

تازه خبرونه

د دوه یم پړاو خبرې به پر اورکم راڅرخي – عبدالله

Published

 on

(Last Updated On: مرغومی ۳, ۱۳۹۹)

د ملي پخلاینې عالي شورا مشر په تاجکستان  کې له میشتو افغانانو سره د لیدنې بر مهال ویلي،  چې د دوه یم پړاو خبرې به د تاوتریخوالي پر کمي راوڅرخي؛ ځکه د هغه په خبره د تاوتریخوالي ډېروالی به افغانستان ناڅرګند لوري ته ورټېل وهي.

عبدالله عبدالله زیاته کړې، چې په ډېره وژنه سیاسي بری نه تر لاسه کیږي.

دغه راز د افغان حکومت مرکچي پلاوی په دوه یم پړاو خبرو کې د خپل واک د معلومېدو غوښتنه لري. 

د حکومت د مرکچي پلاوي غړې فوزیه کوفي وایي؛ لومړی باید دا ښکاره شي، چې مونږ به پر میز پر کومو برخو خبرې کوو.        

همدارنګه کابل ته له یوې اوونۍ څخه په لږ وخت کې درې امریکایي پوځي چارواکي کابل ته راغلي دي. د امریکا د دفاع وزارت سرپرست له ولسمشر غني سره په لیدنه کې د سولې بهیر او تاوتریخوالي د کمي په اړه خبرې کړي دي.

د نوي بنسټ ګوند مشر احمدالله علیزي ویلي؛ دا سفرونه ډېر اړین ندي، اړینه هغه پایله ده، چې خلک یې لیدونکي ندي.    

مخکې له دې د امریکا د پوځ لوی درستیز مارک میلي او د امریکایي ځواکونو د مرکزي قومنداني قومندان جنرال مک کینزي کابل ته راغلي وه؛ خو دا څرګنده نده، چې په دې لیدنو کې له افغانستان څخه د امریکایي ځواکونو د وتو په اړه هم خبرې شوي او که نه.

تازه خبرونه

په کابل ښار کې د ځمکې کرې نقشه یوازې سمبولیکه بڼه لري – کابل ښاروالۍ

Published

on

(Last Updated On: ليندۍ ۱۷, ۱۴۰۱)

له هغې وروسته، چې د کابل ښار د دهن باغ په اړوند سیمه کې د “ځمکې” په بڼه د یوه څلي پر جوړولو نیوکې ډېرې شوې؛ کابل ښاروالۍ په ډاګه کړه، چې له جوړېدو یې موخه یوازې د ښار ښکلا ده نه سیاسي موخې.

کابل ښاروالۍ ويلي؛ دا اداره یوازې یوه کاري اداره ده او په هیڅ بڼه نشي کولی، چې سیاسي او نظامي بڼه خپله کړي.

د کابل ښاروالۍ د څرګندونو له مخې: د ځمکې په کُره کې، چې کومه نقشه لیدل کیږي؛ یوازې سمبولیکه نقشه ده او حقیقي هم نده.

دغه بنسټ په یوه ویدیويي پیغام کې ویلي: زمونږ موخه دا ده، چې د افغانستان نقشه یو څه زوم (نږدې) او روښانه کړو. په دې برخه کې کوم سیاسي هدف نشته.

نوموړي په دغه پيغام کې زياته کړې: دا ډول نيوکې د کابل ښاروالۍ د ښار ښکلا او د پراختيايي پلانونو د پلي کولو اراده تر پوښتنې لاندې نشي راوستلى.

دا په داسې حال کې ده، چې کابل ښاروالۍ د دهن باغ په اړوند څلور لاري کې د ځمکې اته متریزه څلی جوړ کړی، چې د افغانستان نقشې او کچې پرې بېلابېل غبرګونونه راپارولي دي.

Continue Reading

تازه خبرونه

له افغانستان څخه د وسلو د قاچاق هڅه شنډه شوه

Published

on

(Last Updated On: ليندۍ ۱۷, ۱۴۰۱)

د ننګرهار ولایت سیمه ییزو چارواکو د چارشنبې پر ورځ څرګنده کړې، چې د تورخم پر پوله د ګمرک چارواکو پاکستان ته د وسلو او مهماتو د قاچاق هڅه شنډه کړې ده.

یوه چارواکي، چې وسلې یې نندارې ته وړاندې کړي وایي؛ دا هڅه له هغې وروسته شنډه شوه، چې دوی ته پر انارو د بار لارۍ د ثبت شوي نمبر E-3657 خبر ورکړ شو؛ لارۍ مو له پولې څخه د تېرېدو په حال کې ودروله.

د ګمرک مشر امجد الرحمان ويلي؛ پېښور ته پر لاره لارۍ مو ولټوله؛ په امریکا کې جوړې شوې ۱۶ تودې وسلې او یو شمېر مهمات مو ترې راوویستل، چې د لارۍ په پټو غارونو کې پټې شوې وې.

نوموړي ويلأ؛ نيول شوې وسلې په پاکستان کې منع دي او د ترهګرۍ په اړوند پېښو کې کاریږي.

ویل کیږي، چې د لارۍ موټر چلوونکي د پېښې له ځايه تښتېدلى؛ خو په اړه یې څېړنې روانې دي.

Continue Reading

تازه خبرونه

په افغانستان کې نږدې ۹۰۰ زره ماشومان له ډنګرېدنې ځوریږي – یونیسف

Published

on

(Last Updated On: ليندۍ ۱۶, ۱۴۰۱)

د ملګرو ملتونو د ماشومانو وجهي صندوق (یونیسف) څرګنده کړې، چې په افغانستان کې د ماشومانو د درملنې او له بشري ناورین سره د مبارزې لپاره بېړنۍ مرستې ته اړتیا لري.

یادې ټولنې نن (چارشنبه د لیندۍ ۱۶) په ډاګه کړې، چې په افغانستان کې شاوخوا ۸۷۵ زره ماشومان د وزن له کمېدو سره مخ دي.

د ماشومانو دغه خیریه موسسه وايي، په ۲۰۲۳ ز. کال کې د ماشومانو د درملنې او د بشپړې خوارځواکۍ د مخنیوي لپاره مرستې ته اړتیا لري.

دغه راز یونیسف پرون د یوې بشري غوښتنې له لارې څرګنده کړې، چې ماشومان په ټوله نړۍ کې له یوه تاریخي ناورین سره مخ دي.

دې ټولنې د ۲۰۲۳ ز. کال لپاره د ۱۰ اعشاریه ۳ میلیارد دالرو غوښتنه وکړه، چې په ټوله نړۍ کې پرې د ۱۱۰ میلیون ماشومانو روغتیایي ستونزې حل کړي.

Continue Reading

Trending

Copyright © 2022 Ariana News. All rights reserved!