Connect with us

تازه خبرونه

د سیمې د هېوادونو له ګډون پرته د افغانستان د ستونزې حل ناشونی دی – کرن ډیکر

میرمن ډیکر وایي: د افغانستان لپاره داسې کومه حل لاره نشته، چې سیمه په کې ښکېل نه‌وي او په ځانګړي توګه افغانان باید له خپلو ګاونډ هېوادونو سره خبرې وکړي.

خپور شوی

د

Last Updated on: ليندۍ ۷, ۱۴۰۳

د افغانستان لپاره د امریکا سفارت چارسمبالې کرن ډیکر د دوشنبې پر ورځ ( د لیندۍ پېنخمه) له خبریالانو سره په انلاین غونډه کې ویلي، چې د سیمې د هېوادونو له ګډون پرته د افغانستان د ستونزې حل ناشونی دی.

میرمن ډیکر وایي: د افغانستان لپاره داسې کومه حل لاره نشته، چې سیمه په کې ښکېل نه‌وي او په ځانګړي توګه افغانان باید له خپلو ګاونډ هېوادونو سره خبرې وکړي.

نوموړې د افغانستان په اړه د امریکا د راتلونکي ولسمشر د تګلارې په اړه د یوې پوښتنې په ځواب کې ویلي، چې مونږ باید د جنورۍ تر شلمې پورې تم شو، چې ډونالډ ټرمپ خپل کار پیل کړي.

هغې د ترهګرو ډلو فعالیتونو ته په نغوته کې ټینګار وکړ، چې دا ډلې نه یوازې په افغانستان کې فعالې دي، بلکې له هغوی سره مبارزه سیمه‌ییزې همکارۍ ته اړتیا لري.

میرمن کرن دیکر دغه راز د امریکا او اسلامي امارت ترمنځ د دوحې تړون ته هم نغوته وکړه او وایي؛ د دغه تړون یوه ماده دا ده، چې ترهګرې ډلې باید په افغانستان کې حضور ونلري او د دغه هېواد خاوره باید د نورو پر ضد ونه‌کارول شي.

هغې زیاته کړې؛ د دوحې د تړون دغه برخه د پای نېټه نلري او دا ژمنه به تر هغې پورې پاتې وي، چې په افغانستان کې ترهګرې ډلې موجودې وي.

د امريکا سفارت چارسمبالې د اسلامي امارت د نويو قوانينو په اړه اندېښنه څرګنده کړې او وایي، چې د افغانانو په ځانګړي توګه د ښځو ژوند یې محدود کړی دی.

کرن ډیکر ویلي؛ هغه له دې اندېښمنه ​​ده، چې د افغانانو ژوند ورځ تر بلې محدودېږي او دا محدودیتونه یوازې د ښځو لپاره نه، بلکې د نرینه وو لپاره هم دي.

هغې ويلي: که طالبان (اسلامي امارت) غواړي له نورو هېوادونو سره ښې اړیکې ولري، باید د خپل هېواد له نرینه او ښځو سره ښې اړیکې ولري. هر هغه ملاتړ او مشروعیت، چې طالبان (اسلامي امارت) یې له نړیوالې ټولنې غواړي؛ د افغانانو له ملاتړه پیلېږي.

کرن ډیکر ټینګار کړی؛ امریکا د بشري حقونو په برخه کې د ملګرو ملتونو د ځانګړي راپور ورکوونکي ریچارډ بنیټ سره کار کوي، چې د اسلامي امارت د امر بالمعروف او نهی عن المنکر قانون وارزوي.

نوموړي د اسلامي امارت د نويو قوانينو په اړه ويلي، چې نه پوهيږي دا قوانين به څنګه پلي شي.

هغې زیاته کړې: په دوحه کې د دغو مسائلو پېژندل او ارزول د غونډو له لارې ګران کار دی.

ډیکر د پوهنې نړیوالې ورځې ته په نغوته کې ویلي، چې د ټولو افغانانو په ځانګړي توګه د نجونو او ښځو پر زده‌کړو به تمرکز وشي؛ ځکه، چې له زده‌کړې پرته به افغانستان له ډاکټرانو، انجینرانو، کمپیوټر پروګرامرانو، محاسبینو، ښوونکيو، د کرنې او برښنا متخصصینو او داسې نورو څخه بې برخې وي. دا هغه سکټورونه دي، چې افغانستان دغو کارپوهانو ته اړتیا لري.

نوموړي دا هم ویلي؛ امریکا هڅه کوي، د انلاین او سټلایټ له لارې افغان نجونو ته د زده‌کړو شرایط او په نړیواله کچه کاري فرصتونه برابر کړي.

تازه خبرونه

چین د افغانستان او پاکستان ترمنځ د باوري فضا د رامنځته کولو لپاره هڅه کوي – ژاو شینګ

د اسلامي امارت بهرنیو چارو وزارت د خپرې شوې خبرپاڼې له مخې؛ دا لیدنه د چین په ارومچي ښار کې د دوه اړخیزو همکاریو، سیمه‌ییزو پرمختګونو او د افغانستان او پاکستان ترمنځ د خبرو اترو د روان بهیر په اړه ترسره شوه.

Published

on

Last Updated on: وری ۱۹, ۱۴۰۵

په کابل کې د چین سفیر ژاو شینګ د بهرنیو چارو وزیر امیر خان متقي سره په لیدنه کې ویلي، چې هېواد یې د افغانستان او پاکستان ترمنځ د باور فضا د رامنځته کولو هڅې روانې ساتلي او روانې خبرې یې بې‌پرې د همکارۍ له مخې پیل کړې دي.

د اسلامي امارت بهرنیو چارو وزارت د خپرې شوې خبرپاڼې له مخې؛ دا لیدنه د چین په ارومچي ښار کې د دوه اړخیزو همکاریو، سیمه‌ییزو پرمختګونو او د افغانستان او پاکستان ترمنځ د خبرو اترو د روان بهیر په اړه ترسره شوه.

په دې لیدنه کې  شینګ ویلي؛ هیله لري، چې د سیمه‌ییز جیوپولیټیک وضعیت په پام کې نیولو سره د باور جوړونې، ښه نیت او د افغانستان او پاکستان ترمنځ په اړیکو کې د تشنج نشتوالي پروسه به دوام ومومي.

امیر خان متقي په داسې حال کې، چې د دواړو هېوادونو ترمنځ دوه اړخیزې اړیکې او همکارۍ مثبتې وارزولې؛ له خپل چینایي سیال څخه یې د ارومچي خبرو اترو د چمتووالي او کوربتوب او همدارنګه د سعودي عربستان، ترکیې، قطر او متحده عربي اماراتو له منځګړیتوب مننه څرګنده کړه.

متقي ويلي، چې تر اوسه پورې د کابل او اسلام‌آباد ترمنځ ښې خبرې اترې شوې دي او هغه هيله لري، چې کوچني تعبیرونه به د خبرو اترو د پرمختګ مخه ونه‌نیسي.

Continue Reading

تازه خبرونه

افغانستان او ازبکستان د ۴۰۰ میلیون ډالرو پر ارزښت سوداګریز تړونونه لاسلیک کړل

لاسلیک شوي تړونونه به د جامو، اومه توکو، درملو او نورو صنایعو لپاره زمینه برابره کړي.

Published

on

ازبکستان ته د افغان سوداګریز پلاوي د سفر پر مهال د افغانستان او ازبکستان د خصوصي سکټورونو ترمنځ په فرغانه ولایت کې یوه اړینه غونډه ترسره شوه، چې په کې د سوداګرۍ خونې د پانګونې څانګې د مرستیال زړګي عظیمي پر مشرۍ د ۴۰۰ میلیون ډالرو پر ارزښت ۲۰ بېلابېل سوداګریز تړونونه لاسلیک شول.

لاسلیک شوي تړونونه به د جامو، اومه توکو، درملو او نورو صنایعو لپاره زمینه برابره کړي.

د افغانستان سوداګرۍ خونې پلاوي د سیمې د اقتصادي وړتیاوو د ارزونې لپاره د فرغانې ښار له یو شمېر لویو کارخونو او تولیدي څانګو لیدنه وکړه.

په دې غونډه کې د سوداګرۍ خونې د مدیره پلاوي غړو عبدالله رحیمي، سید احمد نورزاد او عبیدالله هوتک په ګډون د اجرائیوي رییس مرستیال میرزامان پوپل او د دواړو هېوادونو یو شمېر سوداګرو ګډون درلود، چې په کې د اقتصادي همکاریو پر پراختیا ټینګار وشو.

ویل کیږي، چې دا غونډه د سیمه‌ییزې سوداګرۍ د پراختیا او د افغانستان او ازبکستان ترمنځ د اقتصادي اړیکو د پیاوړتیا لپاره یو اړین ګام دی.

Continue Reading

تازه خبرونه

ایران او امریکا د خپلې جګړې په نوي کړکېچن پړاو کې د پېنځه اوونیو اوربند ته هیله من شول

د نوموړي د څرګندونو له مخې: په دې اړه څه نا څه پرمختګونه رامنځته شوي؛ د پېنځه اوونیو اوربند، ټولو ته د هرمز تنګي پرانیستل او د امریکا او ایران ترمنځ پر هغو مسلو خبرې، چې متقابلې ګټې اغېزمنوي.

Published

on

د افغانستان د سولې لپاره د امریکا پخواني ځانګړي استازي زلمي خلیلزاد ویلي، چې د امریکا، اسرائیلو او ایران روانه جګړه د سیمهییزو قدرتونو له‌خوا د جګړې او نامستقیمو خبرو یو نوي پړاو ته دننه شوې ده.

د نوموړي د څرګندونو له مخې: په دې اړه څه نا څه پرمختګونه رامنځته شوي؛ د پېنځه اوونیو اوربند، ټولو ته د هرمز تنګي پرانیستل او د امریکا او ایران ترمنځ پر هغو مسلو خبرې، چې متقابلې ګټې اغېزمنوي.

خلیلزاد زیاته کړې: د امریکا ولسمشر پر ښکاره هوکړه کړې، چې د سبا(سې‌شنبې) ګواښ ګڼل شوی تاوتریخوالی به وځنډوي؛ خو اصلي ننګونه اوس هم دا ده، چې ایران جګړې ته پر نه‌ستنېدا ټینګار کوي.

امریکا ویلي، چې د وروستۍ هوکړې نه ترلاسه کېدا به ټولو لوریو ته د جګړې د بېرته پیلولو اختیار خوندي وساتي.

خلیل‌زاد ټینګار کړی، چې «که خبرې د دوه اړخیز رضایت په ترلاسه کېدا پای ته ورسېږي؛ نو د تاوتریخوالي درېدا یوه عادي خبره ده.»

خلیلزاد ویلي؛ یوه شونې حل‌لار دا هم کېدی شي، چې د خبرو له پای ته رسېدا مخکې جګړې ته د بېرته نه ستنېدا ژمنه وشي.

ایران له دې مخکې داسې اندېښنه څرګنده کړې وه؛ امریکا پرې په داسې وخت کې برید وکړ، چې خبرې روانې وې.

Continue Reading
Advertisement

Trending

Copyright © 2025 Ariana News. All rights reserved!