Connect with us

تازه خبرونه

د کابل پولیتخنیک د جیولوژۍ او کانونو پوهنځي فارغان، شرکتونو ته د کار لپاره وروپېژندل شول

خپور شوی

د

Last Updated on: سلواغه ۴, ۱۴۰۲

د لومړي ځل لپاره د کابل پولیتخنیک د جیولوژۍ او کانونو پوهنځي د ۱۴۰۱ کال ټول ۳۸ فارغان د کانونو په پروژو کې د کار لپاره کورنیو او بهرنیو شرکتونو ته معرفي او پر کار وګمارل شول.

د کانونو او پټرولیم وزارت چارسمبالي شهاب الدین دلاور د سې شنبې پر ورځ ( د سلواغې درېیمه ) په دې اړه جوړو شویو مراسمو کې څرګنده کړه: مونږ د ۱۴۰۱ کال ټول  فارغان له پولیتخنیک، کان کیندنې، اکتشاف، جیولوژي او انجینرۍ څخه استخدام کړل.

شهاب الدین دلاور زیاته کړې؛ افغانستان بډایه کاني زېرمې لري او دوی مسوولیت لري، چې دغه زېرمې په سمه توګه مدیریت کړي او خپل ولس او هېواد ته په صداقت او رښتیا کار وکړي او هېواد پر ځان‌بسیا شي.

نوموړی وایي: له سرپو څخه نیولې تر سرو زرو، جستو او مسو او له یاقوتو څخه تر بیروجو پورې؛ مونږ او تاسې په هره څانګه کې هر څه لرو، الحمدلله. یوازې همت پکار دی؛ اخلاص پکار دی او صداقت ته اړتیا ده.

دغه راز د پولیتخنیک پوهنتون مسوولینو ویلي، چې د شرکتونو او دولتي بنسټونو له داخلي ظرفیتونو څخه کار اخیستل اړین دي.

د کابل پولي تخنيک پوهنتون عمومي ریيس عبدالرشيد اقبال ويلي: راځئ، چې خپل انجنير د لږې تجربې او پوهې پر لرلو له بهرنۍ پوهې او تجربه لرونکي انجنيره غوره وګڼو. هغه به هیڅکله زمونږ په ګټه نه وي؛ خو همدغه بې تجربې او د لږ پوهې لرونکی انجنیر به زمونږ په ګټه وي.

د افغان انوسټ شرکت رییس شیېرباز کمین زاده ویلي: راځئ، چې په خپل هیواد کې ظرفیتونه ولټوو. راځئ، چې خپل کانونه استخراج کړو. تر هغې، چې مونږ دا ظرفیت پیدا کوو؛ مونږ به بهرني انجنیران وکاروو. د همدغو محصلینو ۷۵ سلنه محصلین، چې نن فارغ شوي دي؛ ان شاالله مونږ به ورته د کار زمینه برابره کړو او هغو ته به معاش ورکوو.

اوس‌مهال پر ډېرو کانونو د استخراج کار روان دی او باور دا دی، چې د طبیعي زیرمو استخراج او پروسس تخصصي بشري سرچینو ته اړتیا لري.

تازه خبرونه

له پاکستان سره د مخامخ کېدا په لټه کې نه یوو- د افغانستان سفیر

Published

on

په پاکستان کې د افغانستان سفیر سردار احمد شکیب ویلي، افغانستان له پاکستان سره د مخامخ کېدا په لټه کې نه‌دی او هڅه کوي، چې له پاکستان سره خپلې اړیکې د خبرو، متقابل درناوي او همکاریو پر بنسټ پراخې کړي.

سردار احمد شکیب دا څرګندونې د دوشنبې پر ورځ په اسلام‌آباد کې د اسلامي امارت واک ته د بېرته رسېدا د پېنځمې کلیزې پر مناسبت جوړو شویو مراسمو ته کړې دي.

هغه ویلي، له ګاونډ هېوادونو او پاکستان سره د افغانستان اړیکې باید پر متقابل درناوي، د یو بل په کورنیو چارو کې پر نه‌لاسوهنې او ګډو ګټو ولاړې وي.

احمد شکیب زیاته کړې:« مونږ باور لرو، چې د باور فضا د فشار یا زور له لارې نه‌رامنځته کېږي، بلکې یوازې د متقابل درک، پرله‌پسې خبرو او رښتینې همکارۍ له لارې رامنځته کېږي.»

نوموړي ویلي، افغانستان به اجازه ورنه‌کړي، چې د هېواد له خاورې یې د نورو هېوادونو د امنیت او ثبات پر ضد کار واخیستل شي او هیله څرګنده کړي؛ د افغانستان امنیتي اندېښنې دې هم درک شي.

د افغانستان سفیر ویلي، په سیمه کې د تلپاتي امنیت ټینګښت متقابل باور، عملي همکارۍ، همغږۍ او د یو بل د مشروع اندېښنو درناوي ته اړتیا لري.

شکیب د افغانستان جغرافیاوي ارزښت ته هم نغوته کړې او څرګندوي، چې سوله‌ییز او باثباته افغانستان کولی شي د سیمه‌ییزې نښلونې، سوداګرۍ، ټرانزیټ، پانګونې او د انرژۍ په برخه کې له همکاریو سره مرسته وکړي.

دغه راز د پاکستان جمعیت علمای اسلام مشر مولانا فضل‌الرحمن هم د دواړو هېوادونو پر متقابل ملاتړ ټینګار کړی دی.

فضل‌الرحمن په دغو مراسمو کې ویلي، ډاډه دی، چې پاکستان به د افغانستان ملاتړ کوي او افغانستان به هم د پاکستان ملاتړ وکړي.

هغه ویلي، افغانستان او پاکستان د خپل جغرافیایي موقعیت له کبله کولی شي په سیمه کې د یوه پله رول ولوبوي او له دواړو هېوادونو یې غوښتي، چې د سیمې جیوپولیټیک اهمیت درک کړي.

#آریانانیوز #افغانستان #پاکستان #سرداراحمدشکیب #مولانافضل‌الرحمن #اسلام‌آباد #دافغانستان‌اوپاکستان‌اړیکې #سوله #امنیت #سیمه‌ییزه‌همکاري

Continue Reading

تازه خبرونه

په ډیلي کې د زمري څلیریشتمې مراسم؛ د هند او یوه اروپايي هېواد چارواکي یې ګډونوال ول

په دغو مراسمو کې د فلسطین، روسیې، چین، اریټریا، ازبکستان، قزاقستان، نایجر، قطر او عمان استازو هم ګډون کړی و.

Published

on

د افغانستان سفارت په ډیلي کې د دوشنبې پر ورځ د اسلامي امارت واک ته د بېرته رسېدا د پېنځمې کلیزې پر مناسبت مراسم جوړ کړل، چې د کوربه هېواد هند او د سربیا په ګډون د یو شمېر بهرنیو هېوادونو ډیپلوماټانو په کې ګډون وکړ.

په دغو مراسمو کې د فلسطین، روسیې، چین، اریټریا، ازبکستان، قزاقستان، نایجر، قطر او عمان استازو هم ګډون کړی و.

په هند کې د افغانستان سفارت شارژډافیر نور احمد نور د مراسمو پر مهال د کابل او ډیلي ترمنځ د اړیکو پر پراختیا ټینګار وکړ او څرګندوي؛ د سیاسي باور پیاوړتیا، اقتصادي همکاري او د دواړو هېوادونو ترمنځ د اړیکو دوام کولی شي د دواړو لوریو پر ګټه وي او د سیمې له ثبات، نښلېدا او سوکالۍ سره مرسته وکړي.

هغه ویلي، افغانستان له هند سره د اقتصادي اړیکو د ژورولو غوښتونکی دی او د هېواد بهرنی سیاست پر «متوازن تعامل او نه لاسوهنې» ولاړ دی.

نور احمد نور زیاته کړې؛ په وروستیو کلونو کې د دواړو هېوادونو ترمنځ ډیپلوماټیکو اړیکو وده کړې او سفارتونو او قونسلګریو هم خپل فعالیتونه پراخ کړي دي.

د نوموړي د څرګندونو له مخې، په وروستیو کلونو کې د دواړو هېوادونو لوړپوړو پلاوو د یو بل له پلازمېنو لیدنې کړي او په سیاسي، اقتصادي او بشري برخو کې رغنده همکارۍ رامنځته شوې دي.

د افغانستان سفارت چارسمبالي د دواړو هېوادونو تاریخي اړیکو ته په نغوته کې ویلي، افغانستان او هند له پخوا راپدېخوا فرهنګي، سوداګریزې او سیاسي اړیکې لري او دغه ګډه مخینه کولی شي په راتلونکي کې د ډېرو همکاریو لپاره زمینه برابره کړي.

هغه له هند څخه هم وغوښتل، چې په نړیوالو ناستو کې د« افغانستان له مشروع او نړیوالو حقونو» ملاتړ وکړي؛ ځکه، چې کابل په دې برخه کې د ډېرې پاملرنې او عملي اقداماتو تمه لري.

نور د افغانستان ثبات د ټولې سیمې لپاره مهم وباله او څرګندوي، چې د دې هېواد ثبات کولی شي د اقتصادي ودې، سوداګرۍ، انرژۍ، ټرانزیټ او سیمه‌ییز امنیت لپاره فرصتونه برابر کړي.

د هند بهرنیو چارو وزارت د پاکستان، افغانستان او ایران د څانګې مسوول آننډ پرکاش هم په دغو مراسمو کې ګډون کړی و.

هند تر اوسه د اسلامي امارت حکومت پر رسمیت نه‌دی پېژندلی؛ خو په وروستیو کلونو کې د دواړو لوریو ترمنځ اړیکې او ډیپلماټیک تماسونه زیات شوي دي.

 

 

Continue Reading

تازه خبرونه

د کابل په یوه ښوونځي کې چاودنه؛ لږ تر لږه ۵۲ کسان ټپیان شول

دا چاودنه د دوشنبې پر ورځ د مازدیګر شاوخوا ۴:۵۵ د کابل ښار د اته‌لسمې امنیتي حوزې اړوند د مهدیه ښارګوټي په«شمع هدایت» خصوصي ښوونځي کې رامنځته شوې ده.

Published

on

Last Updated on: زمری ۲۷, ۱۴۰۵

د سرچینو د څرګندونو له مخې، په کابل کې د یوه خصوصي ښوونځي دننه د لاسي بم چاودنې له کبله لږ تر لږه ۵۲ کسان ټپیان شوي دي.

دا چاودنه د دوشنبې پر ورځ د مازدیګر شاوخوا ۴:۵۵ د کابل ښار د اته‌لسمې امنیتي حوزې اړوند د مهدیه ښارګوټي په«شمع هدایت» خصوصي ښوونځي کې رامنځته شوې ده.

سرچینو زیاته کړې، لاسي بم د یوه زده‌کوونکي په لاس کې و، چې چاودېدلی دی.

د کابل د امنیه قومندانۍ ویاند خالد ځدراڼ هم د پېښې پخلی کړی او څرګندوي، چې چاودنه د لاسي بم د غورځولو له کبله رامنځته شوې ده.

راپورونه وایي، په ټپیانو کې ډېری ماشومان دي او نجونې او هلکان دواړه په کې شامل دي.

Continue Reading
Advertisement

Trending

Copyright © 2026 Ariana News. All rights reserved!