Connect with us

تازه خبرونه

طالبان د افغانستان د نیولو لپاره هڅې کوي – راپور

Published

 on

(Last Updated On: چنګاښ ۳۱, ۱۴۰۰)

د امریکا د پوځ لوی درستيز جنرال مارک میلي پرون (چارشنبه ، د چنګاښ ۳۰) ویلي؛ داسې بریښي، چې طالبان د افغانستان په ځانګړي توګه د لویو ښارونو د نیولو لپاره ستراتیژیک پلان لري.

جنرال مارک ملي ویلي، چې طالبانو د ښارونو د نیولو لپاره هم خپلې هڅې ګړندۍ کړي دي.

د نوموړي د څرګندونو له مخې؛ اوس د افغانانو، افغان امنیتي ځواکونو او افغان حکومت د ارادې او رهبرۍ د آزموینې وخت دی.

د امریکا د پوځ لوی درستیز مارک میلي وایي، د افغانستان تر نیمایي ډېرو ولسوالیو مرکزونه د طالبانو په لاس کې دي.

مارک میلي خبرداری ورکوي، چې د طالبانو وروستیو پرمختګونو ته په کتو ممکن دا ډله له پوځی لارې د افغانستان واک ترلاسه کړي.

هغه ډاډ څرګندوي، چې د طالبانو بریا قطعي نده او تر دې دمه ندي توانېدلې، چې د افغانستان لوی ښارونه ونیسي… افغان ځواکونه هم د خپلو خلکو د دفاع لپاره د منسجم کېدو په حال کې دي.

دغه امریکایی جنرال باور لري، چې افغان امنیتي او دفاعي ځواکونه له خپلې خاورې د دفاع وړتیا لري؛ خو دی وایي، چې د یادو ځواکونو شمېر له خاورې څخه د دفاع لپاره کافي ندي.

هغه وایي: د افغانستان راتلونکې په بشپړ ډول د خلکو په لاس کې دی او په دې هېواد کې مختلفې پایلې شتون لري. زه غواړم ووایم او ځو ځله مې مخکې هم ویلي، چې د طالبانو له لوري له پوځي لارې واک ته رسېدل کومه هېره شوې تجربه نده. مونږ وضعیت له نږدې څارو او د اړتیا په صورت کې به لاس په کار شو.

اوسمهال امریکا له کابل بهر د ټولو عملیاتي مسوولیت افغان حکومت ته ورکړی.

د امریکا دفاع وزیر لویډ آسټن وایي: مونږ په افغانستان کې څلور مهم ماموریتونه لرو؛ مونږ په افغانستان کې د خپل ډیپلوماټیک حضور ته ژمن یو، دوه یم له افغان امنیتي او دفاعي ځواکونو څخه مالي ملاتړ کوو، درېیم د افغانستان امنیتي وزارتونو ته د مشورې ورکول او همدارنګه د ترهګرو ډلو مخنیوی هغه ماموریتونه دي، چې افغانان ورته اړتیا لري.

د افغان امنیتي او دفاعي ځواکونو او طالبانو ترمنځ د ولسوالیو د لاس پر لاس کېدو په لړ کې ولسمشر غني ویلي، چې د یوې امنیتي طرحې پر بنسټ به له درې تر شپږ میاشتو په بهیر کې به د افغانستان وضعیت بدلون ومومي.

د امریکا دفاع وزیر لویډ آسټین ویلي، چې له افغانستان څخه د امریکایي ځواکونو وتل مخ پر بشپړېدو دي او د اګست تر۳۱ به پوره ووځي.

اسوشیټیډ پریس د دفاع وزیر د څرګندونو له مخې څرګنده کړې، چې د امریکا تمرکز به د ترهګرو ډلو پر وړاندې مبارزه وي، نه له طالبانو سره.

آسټین وایي: له افغانستان څخه پر امریکا به د بریدونو له پیلولو څارنه کوي. لکه د سپټمبر یوولسمه، چې پر افغانستان د امریکا تر مشرۍ لاندې د یرغل یوازنی علت و.

آسټین زیاته کړې، زمونږ اصلي هدف دا دی، چې تاوتریخوالی او تروریزم زمونږ هېواد ته له افغانستان څخه صادر نشي او له دې امله به مونږ وکولی شو نه یوازې دا مشاهده کړو، بلکې مخنیوی یې هم وکړو.

پنټاګون ویلي؛ طالبانو ژمنه کړې، چې په افغانستان کې به القاعدې ته پناه نه ورکوي.

آسټین وایي: دوه کاله وروسته به په افغانستان کې القاعده مدغم شي.

جنرال ملي وايي، چې طالبانو تر دې دمه په ټول افغانستان کې ۴۱۹ ولسوالۍ تر خپل کنټرول لاندې راوستې دي.

هغه وايي؛ تر دې دمه ندي توانیدلي، چې د کوم ولایت مرکز ونیسي.

د نوموړي د څرګندونو له مخې؛ په تېرو ۶ ذیا ۱۰ میاشتو کې طالبانو د افغانستان ډېره برخه نیول شوې او داسې برېښي، چې طالبان ستراتیژیک عمل  ترسره کول غواړي.

جنرال ملي وايي، چې په افغانستان کې سیاسي حل امکان لري؛ خو د واک غصب باید هېر نشي.

هغه وایي: فکر نه کوم، چې د لوبې پای لیکل شوی وي.

طالبانو تر دې دمه رسنیو ته څه ندي ویلي.

تازه خبرونه

د افغانستان دفاع وزیر عربي متحده اماراتو ولاړ

Published

on

(Last Updated On: ليندۍ ۱۲, ۱۴۰۱)

د افغانستان اسلامي امارت د دفاع وزارت په ډاګه کړې، چې مولوي محمد یعقوب د شنبې پر ورځ له کابله متحده عربي اماراتو ته روان شو.

دفاع وزارت د شنبې پر ورځ په یو لړ ووتونو کې څرګنده کړې، چې  دفاع وزیر د عربی متحده اماراتو پر لوري د یوه پلاوي بر مشرې له کابله عربي متحده اماراتو ته ولاړ ته ولاړ.

دفاع وزارت ویلي، چې د دغه سفر موخه د عربي متحده اماراتو له مشرانو او په دغه هېواد کې له مېشتو افغانانو سره لیده کاته او له خلیجي هېوادونو سره د افغانستان د اسلامي امارت د اړیکو ټینګول دي.

Continue Reading

تازه خبرونه

د ګوانتانامو له ۵ افغان بنديانو سره د یوه امریکایي د تبادلې په ډګر کې د کمپلکس جوړولو چارې پیل شوې

Published

on

(Last Updated On: ليندۍ ۱۲, ۱۴۰۱)

د اسلامي امارت د کورنیو چارو وزیر ويلي؛ د ګوانتانامو زندان په هغه ډګر کې به یو لوی کمپلکس جوړ شي، چې امریکايي سرتېری باو برګدال په کې له پېنځه افغان بندیانو سره تبادله شوې دی.

د اسلامي امارت د کورنیو چارو وزیر سراج الدین حقاني په خوست ولایت کې د دغه کمپلیکس د بنسټ جوړولو په مراسمو کې څرګنده کړه، چې دې تبادلې تر ټولو سترې پېښې د دوحې تړون د لاسلیک لپاره شرایط برابر کړلل. هغه تړون، چې له مخې یې امریکا له افغانستان څخه وایستل شوه؛ په خپلواک افغانستان کې او اسلامي امارت د هېواد ټول سیاسي واک وګاټه.

په ۲۰۱۴ ز. کال کې د باو برګدال د خوشې کېدو په بدل کې د اسلامي امارت پېنځه لوړپوړي غړي( د استخباراتو اوسنی مشر عبدالحق وثیق، د دفاع وزارت مرستیال محمد فاضل مظلوم، د قومونو او قبایلو وزیر نورالله نوري، د اطلاعاتو او فرهنګ وزیر خیرالله خیرخواه او د کورنیو چارو وزارت اوسنی مرستیال محمد نبي عمري ) له ګوانتانامو زندان څخه خوشي شول، چې د اسلامي امارت دغو لوړ پوړیو شخصیتونو د دوحې په تړون کې اړینې هڅې ترسره کړې.

په دې کمپلکس کې، چې کار یې رسماً د لیندۍ پر ۱۲ پیل شو؛ یو ښوونځی، یوه مدرسه، روغتون او یو د خپلواکۍ څلی جوړ شي.

باوبرګدال یو امریکايي سرتېری په ۲۰۰۹ ز.کال کې د اسلامي امارت د ځواکونو لخوا نیول شوی و؛ خو په ۲۰۱۴ ز.کال کې له یوې نادرې تبادلې وروسته خوشې شو.

Continue Reading

تازه خبرونه

د امریکا ځانګړي استازي له افغانستان سره د جاپان د مرستو پر اړتیا ټینګار څرګند کړ

Published

on

(Last Updated On: ليندۍ ۱۲, ۱۴۰۱)

د افغانستان لپاره د امريکا ځانګړي استازي توماس ويست جاپان ته په خپل دوه ورځني سفر کې له جاپاني چارواکو سره پء بشري اړتياوو، بشري حقونو او سياسي خبرو اترو خبرې کړې دي.

ویست د شنبې پر ورځ تویت کړی: جاپان د افغانانو دوست او له ۲۰ کلونو راپدیخوا هلته زمونږ ملګری او همکار پاتې دی او مونږ د جاپان له فعالې دیپلوماسۍ او روان سخاوت درناوی کوو.

توماس ویست وایي: کله، چې مونږ د متحدینو سره یوځای کار کوو؛ له هرې ننګونې سره ځواکمن یوو. سمه ده په افغانستان کې به مونږ د جاپان تخصص او بېلابېلو مرستو ته اړتیا ولرو.

د امریکا دې استازي دا هم ویلي؛ د جاپاني تادامیچي یاماموتو څخه، چې له ۲۰۱۶- ۲۰۲۰ کلونو پورې  یې په افغانستان کې د ملګرو ملتونو د ځانګړي استازي په توګه دنده ترسره کړې غوره سپارښتنې ترلاسه کړې دي.

نوموړي د جاپان د نړیوالې همکارۍ له ادارې سره د اقتصادي تګلارې په اړه هم خبرې وکړې.

د توماس ویست دا لیدنه د هغه د سفر یوه برخه ده، چې هند او عربي متحده امارات ته به هم ځي.

د امریکا د بهرنیو چارو وزارت لخوا په خپره شوې خبرپاڼه کې ویل شوي؛ تمه ده، چې نوموړی به په افغانستان کې د بشري او اقتصادي بحرانونو، د افغانانو د حقونو د خوندیتوب او د امنیتي اندېښنو د شریکولو په اړه له ملګرو او افغانانو سره هم سلا مشورې وکړي.

دا په داسې حال کې ده، چې توماس  ویست له هندي چارواکو سره د خبرو اترو لپاره نوي ډېلي ته رسېدلی دی.

Continue Reading

Trending

Copyright © 2022 Ariana News. All rights reserved!