Connect with us

تازه خبرونه

له واکسین وروسته ۱۱ تړلي پوهنتونونه پرانیستل کیږي

Published

 on

(Last Updated On: زمری ۶, ۱۴۰۰)

د یوولس ولایتونو پوهنتونونه به لس ورځې وروسته خپلې حضوري زدکړې په دې شرط پیل کړي، چې پر استادانو او زدکړیالانو د کرونا واکسین پلي شي.

د هېواد پوهنتونونه د کرونا ویروس د خپرېدو د مخنیوي ره دلیل ځنډیدلي وه؛ نو د کرونا واکسین له پلي کېدو سره به په کابل، کندوز، نیمروز، دایکندي، بلخ، بادغیس، کندهار، نورستان، سمنګان، پنجشېر او جوزجان ولایتونو پوهنتونو کې به حضوري زدکړې پیل شي او نور به پوهنتونونه پرانیستي وي او بیا به ونه تړل شي.

د لوړو زدکړو وزیر وایي، که ټول محصلین واکسین شي، ټول پوهنتونونه به پرانیستل شي.

د لوړو زدکړو وزیر عباس بصیر وایي: مونږ د لوړو زدکړو له ټولو حکومتي او خصوصي بنسټونو غواړو، چې کرونا ویروس واکسین تر پوښښ لاندې راشي. که ټول اړوند ولایتونه تر راتلونکیو ۱۵ ورځو پورې واکسین شي؛ نو شوني ده، چې د زمري تر ۱۶ د هېواد په ټولو پوهنتونونو کې درسونه پیل شي. د پوهنتونونو استادان او زدکړیالان دې ځانونه واکسین کړي او دا فرصت دې له لاسه نه ورکوي.              

ځینې محصلین وایي، چې د کرونا څپې د زدکړو بهیر درولی و او اړتیا ده، چې ټول محصلین واکسین شي، چې د زدکړو بهیر په ټولو پوهنتونونو کې په عادي ډول روان وساتل شي.

زدکړیال احمد رویین کمال زاده وایي: واکسینو اته چمتووالی لرو؛ ځکه د قرنطین په پړاو کې له زدکړو لرې وو. واکسین مو نه یوازې روغتیا ته ګټه رسوي، بلکې زدکړو ته زمینه برابرولی شي.

د لوړو زدکړو وزارت ټولو محصلینو ته خبرداری ورکوي، چې که د کرونا واکسین وانخلي؛ د پوهنتونو ټول امتیازات به د لیلیو د آسانتیاوو په ګډون له لاسه ورکړي.

تازه خبرونه

په افغانستان کې نږدې ۹۰۰ زره ماشومان له ډنګرېدنې ځوریږي – یونیسف

Published

on

(Last Updated On: ليندۍ ۱۶, ۱۴۰۱)

د ملګرو ملتونو د ماشومانو وجهي صندوق (یونیسف) څرګنده کړې، چې په افغانستان کې د ماشومانو د درملنې او له بشري ناورین سره د مبارزې لپاره بېړنۍ مرستې ته اړتیا لري.

یادې ټولنې نن (چارشنبه د لیندۍ ۱۶) په ډاګه کړې، چې په افغانستان کې شاوخوا ۸۷۵ زره ماشومان د وزن له کمېدو سره مخ دي.

د ماشومانو دغه خیریه موسسه وايي، په ۲۰۲۳ ز. کال کې د ماشومانو د درملنې او د بشپړې خوارځواکۍ د مخنیوي لپاره مرستې ته اړتیا لري.

دغه راز یونیسف پرون د یوې بشري غوښتنې له لارې څرګنده کړې، چې ماشومان په ټوله نړۍ کې له یوه تاریخي ناورین سره مخ دي.

دې ټولنې د ۲۰۲۳ ز. کال لپاره د ۱۰ اعشاریه ۳ میلیارد دالرو غوښتنه وکړه، چې په ټوله نړۍ کې پرې د ۱۱۰ میلیون ماشومانو روغتیایي ستونزې حل کړي.

Continue Reading

تازه خبرونه

د افغانستان اسلامي امارت دفاع وزیر د دوبۍ له واکمن او د امریکا له استازي سره وکتل

Published

on

(Last Updated On: ليندۍ ۱۶, ۱۴۰۱)

د افغانستان د اسلامي امارت دفاع وزیر مولوي محمد یعقوب مجاهد د سې شنبې پر ورځ د عربي متحده اماراتو له مرستیال او د دوبۍ له واکمن شیخ محمد بن راشد المکتوم سره وکتل.

دغه وزارت څرګنده کړې؛ مجاهد په متحده عربي اماراتو کې له مېشتو افغان سوداګرو سره هم کتلي دي.

د ملي دفاع وزارت په خبرپاڼه کې راغلي؛ په دې کتنه کې دواړو لوریو د دواړو هېوادونو ترمنځ د اړیکو پر پیاوړتیا، د دواړو هېوادونو د سوداګرو لپاره د سوداګریزو خدمتونو د وړاندې کولو او یو شمېر نورو مهمو مسایلو خبرې وکړې.

سربیره پردې دفاع وزیر محمد یعقوب مجاهد د سې شنبې پر ورځ په ابوظبي کې د افغانستان لپاره د امریکا له ځانګړي استازي توماس ویست سره هم خبرې کړي دي.

د خبرپاڼې د څرګندونو له مخې؛ په دې کتنه کې دواړو لوریو د افغانستان پر روانو حالاتو بحث اوخبرې کړي.

مجاهد د امريکا ځانګړي استازي ته ډاډ ورکړی، چې په افغانستان کې ټولې پولې خوندي دي او د افغانستان له خاورې څخه د سيمې او نړۍ هېوادونو ته کوم ګواښ نشته.

نوموړي زیاته کړې؛ د افغانستان خاوره هیڅکله د بل هېواد پر ضد نده کارول شوې او نه به هم وکارول شي.

ده همداراز توماس ویست ته ویلي، چې نړۍ باید د افغانستان ځمکني بشپړتیا ته درناوی وکړي.

Continue Reading

تازه خبرونه

سبا چارشنبه د لیندۍ ۱۶ به د نجونو د دولسم ټولګیو کلنۍ ازموینه واخیستل شي

Published

on

(Last Updated On: ليندۍ ۱۵, ۱۴۰۱)

د پوهنې وزارت سبا چارشنبه د لیندې پر شپاړسمه په ټول هېواد کې د دولسم ټولګیو له ښځينه زدکوونکیو څخه د ۱۴۰ جوړو شویو پوښتنو یوه ورځنۍ ازموینه اخلي.

د پوهنې وزارت په یوه نوي اقدام کې له زدکړو څخه د بې برخې شویو د دولسم ټولګیو له ښځینه زدکوونکیو غواړي، چې نهه میاشتنی سفر په یوه ورځ کې بشپړ کړي. 

دا وزارت غواړي، چې له یوې عمومي ازموینې وروسته د دولسم ټولګیو ښځینه زدکوونکیو ته ارتقا ورکړي.

د پوهنې وزارت په څرګندونه کې راغلي، چې دې ازموینې ته به درې ساعته وخت ورکړ شي.

د پوهنې وزارت د اعلامیې له مخې؛ ټاکل شوې، چې د لیندۍ پر شپاړسمه کلنۍ ازموینه واخیستل شي او نجونې به د ۱۴۰ پوښتنو پر ځوابولو له ښوونځي فارغې او د کانکور په ازموینه کې ګډون ته چمتو شي.

د دولسم ټولګي ازموینه به د روان هجري لمریز کال د لیندۍ په ۱۶ مه نېټه په یوه ورځ کې واخیستل شي او نجونې مکلفې دي، چې پوښتنې په درې ساعتونو کې حل کړي.

ازموینه به د سهار له ۹ بجو څخه د ماسپښین تر ۱:۰۰ پورې روانه وي. د دولسم ټولګي له ټولو مضامینو څخه  ۱۴۰ پوښتنې برابرې شوي دي.

له شپږمو ټولګیو پورته نجونې له ازموینې دمګړۍ محرومې دي. یوازې د دولسم ټولګیو ښځینه زدکوونکیو ته د لوړو زد کړو زمینه برابریږي.

ځينې په دې باور دي، چې په ټولګیو کې له زدکړو او درس لوستلو پرته د زدکوونکیو ارتقا په هېواد کې بې مخینې عمل دی.

دوی وايي، چې دا ډول پرېکړې د هېواد په تعلیمي نظام یو ستر ګوزار هم کیدای شي.

دا په داسې حال کې ده، چې د ماشومانو د ژغورنې صندوق په یوه راپور کې ویلي؛ په افغانستان کې ښځینه ښوونکې د دوی د خوښې خلاف په کم عمره کارګرانو بدلې شوي، چې اوس په کروندو کې کار کوي او یا هم د څارویو ساتنه کوي.

Continue Reading

Trending

Copyright © 2022 Ariana News. All rights reserved!