Connect with us

تازه خبرونه

نړیواله ټولنه نه، بلکې افغانان د ټولګډونه حکومت د تعریفولو مسوول دي – اروپا

خپور شوی

د

د افغانستان لپاره د اروپايي ټولنې ځانګړي استازي د مولوي امیر خان متقي د څرګندونو په غبرګون کې ویلي، چې نړیواله ټولنه په دې هېواد کې د ټولګډونه حکومت د روښانه تعریف مسوولیت نلري.

د ناروې په پلازمېنه اوسلو کې له غربي ډیپلوماټانو سره د لیدنې له پای ته رسېدو وروسته د بهرنیو چارو وزارت چارسمبالي امیر خان متقي ویلي، چې نړیوالې ټولنې دوی ته د ټولګډونه حکومت روښانه تعریف وړاندې کړی ندی.

د افغانستان لپاره د اروپايي ټولنې ځانګړي استازي د اميرخان متقي د څرګندونو په غبرګون کې ويلي، چې په افغانستان کې د ټولګډونه حکومت جوړول او تعریفول د نړيوالې ټولنې مسووليت ندى، بلکې د دې هېواد وګړي کولى شي د خپل حکومت د څرنګوالي په اړه خپل روڼ نظر ولري.

ټوماس نیکولسن ټینګار کړی، چې د افغانستان وګړي باید د خپلو حقونو د درناوي لپاره د روڼ بهیر له لارې د خپل حکومت د څرنګوالي په اړه نظر ولري.

نوموړی وایي: دا د نړیوالې ټولنې دنده نده، چې د افغانستان لپاره یو ټولګډونه حکومت تعریف کړي. دا د ټولو افغانانو نرینه او ښځو دنده ده، چې دا کار د راڼه بهیر له لارې وکړي او د خلکو حقونو ته د درناوي په صورت کې پدې اړه نظرونه څرګند کړي.

د افغانستان د بهرنیو چارو وزارت چارسمبالي له هغې وروسته د ټولګډونه حکومت د جوړولو په اړه څرګندونې وکړې، چې غربي ډیپلوماټانو په اوسلو کې د اسلامي امارت له پلاوي سره له لیدنې وروسته په یوه ګډه اعلامیه کې د ټولګډونه حکومت پر جوړېدو ټینګار وکړ.

د اسلامي امارت د ویاند مرستیال بلال کریمي وایي: په دولتي جوړښت کې کوم لوی بدلون ندی راغلی. یوازې د حکومت په مشرتابه کې ځینې بدلونونه راوستل شوي او د کابینې غړي او شخصیتونه د افغان ټولنې د ټولو برخو استازي دي؛ خو اوس هم یاد حکومتي جوړښت بشپړ شوې ندی(ډېر نور بدلونونه هم راوستل کیدی شي).

په هېواد کې د اسلامي امارت له واکمنۍ شاوخوا شپږ میاشتې تېرېږي او تر اوسه هېڅ هېواد د افغانستان د نوي حکومت په رسمیت ندی پيژندلی.

د سیمې او نړۍ هېوادونو تل ویلي، چې د اسلامي امارت په رسمیت پېژندلو یو شرط په افغانستان کې د ټولګډونه نظام او حکومت جوړول دي.

د افغانستان د متحد اسلامي ګوند رهبر وحیدالله سباوون ویلي: داسې حکومت دې جوړ شي، چې ټول قومونه په ځانګړې توګه با نفوذه کسان په کې شامل وي. که څوک خبرې اترې غواړي، له هغوی سره دې خبرې وشي… د طالبانو حکومت سرپرست [حکومت] دی.

دا څرګندونې په داسې حال کې کېږي، چې د هند او د منځنۍ آسیا پېنځه مشرانو د تېرې پنجشنبې پر ورځ په هند کې هم په یوه مجازي غونډه کې د یوه ټولګډونه حکومت د جوړېدو غوښتنه وکړه؛ خو اسلامي امارت وايي، چې حکومت یې ټولشموله دي او د پراخېدو لپاره یې لازم ګامونه پورته کوو.

تازه خبرونه

په انګلستان کې یو افغان له ماشومې سره د جنسي تېري پر جرم اعتراف وکړ

۴۰ کلن نجیب‌الله عرب په پیل کې تورونه رد کړي وه او ټاکل شوې وه، چې د روان کال په وروستیو کې محاکمه شي؛ خو د محکمې د اسنادو له مخې، هغه د ۲۰۲۴ ز.کال په می کې دې ماشومې ته ویلي وه، چې «ښکلې» ده او « زړه‌راکښونکی ځان» لري او غوښتي يې ول، چې ورسره یوازې وي.

Published

on

بریټانوي رسنیو راپور ورکړی، چې نجیبالله عرب نومي یو افغان د اکسفورډ ښار په یوه محکمه کې پر یوې ماشومې د جنسي تېري جرم منلی دی.

۴۰ کلن نجیب‌الله عرب په پیل کې تورونه رد کړي وه او ټاکل شوې وه، چې د روان کال په وروستیو کې محاکمه شي؛ خو د محکمې د اسنادو له مخې، هغه د ۲۰۲۴ ز.کال په می کې دې ماشومې ته ویلي وه، چې «ښکلې» ده او « زړه‌راکښونکی ځان» لري او غوښتي يې ول، چې ورسره یوازې وي.

عرب د روان کال له پیل څخه راپدېخوا پر څو نورو جرمونو اعتراف کړی و. هغه په ګرو سیمه کې د جنسي تېري پر تور هم اعتراف کړی دی.

هغه د یوې بلې میرمنې پر وړاندې د جنسي ځورونې، جنسي تېري او تښتونې تورونه هم منلي دي.

ټاکل شوې، چې محکمه به د عرب پر وړاندې د جون پر نولسمه حکم صادر کړي.

Continue Reading

تازه خبرونه

ملي آرشیف یو شمېر کتابونه، نسخې او فرمانونه ډیجیټلي کړل

د ملي آرشیف د خپرې شوې خبرپاڼې له مخې؛ دغه راز ۸۳۰ ټوکه کتابونه، ۶۰ نسخې او ۴ فرمانونه له بیارغولو وروسته چاپ شوي او ۳۲ نوي نسخې هم ملي آرشیف ته سپارل شوې دي.

Published

on

ملي آرشیف په ۱۴۰۴ لمریز لېږدیز کال کې د نسب‌نامې پر یوې کاپۍ سربېره ۷۴۱ ټوکه کتابونه، ۲۳۲ نسخې او ۳۵۸ فرمانونه ډیجیټل کړي دي.

د ملي آرشیف د خپرې شوې خبرپاڼې له مخې؛ دغه راز ۸۳۰ ټوکه کتابونه، ۶۰ نسخې او ۴ فرمانونه له بیارغولو وروسته چاپ شوي او ۳۲ نوي نسخې هم ملي آرشیف ته سپارل شوې دي.

چارواکو څو ځله د تاریخي اسنادو او خطي نسخو د ساتنې پر اړتیا او ارزښت ټینګار کړی، چې ډېری یې څو پېړۍ پخواني دي او د هېواد بډایه فرهنګي میراث انځوروي.

Continue Reading

تازه خبرونه

په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګه‌ونې فرصتونه

په دوحه کې د افغانستان سفارت د خبرپاڼې له مخې؛ عمر جاح هم‌مهاله د افغانستان لپاره د ګامبیا د سفارت چارې هم پر مخ وړي.

Published

on

په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.

په دوحه کې د افغانستان سفارت د خبرپاڼې له مخې؛ عمر جاح هم‌مهاله د افغانستان لپاره د ګامبیا د سفارت چارې هم پر مخ وړي.

په دې لیدنه کې دواړو لوریو د افغانستان او ګامبیا ترمنځ پر دوه‌اړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.

Continue Reading
Advertisement

Trending

Copyright © 2025 Ariana News. All rights reserved!