د اتلانو جام کرکټ سیالیو په لړ کې د دوشنبې پر ورځ (د کب شپږمه)، بنګله دېش د نیوزیلینډ د کرکټ ملي لوبډلې پر وړاندې د ۵ ویکټو پر ماتې وخوړه او د دې لوبې په پایله کې د پاکستان ملي لوبډله، چې د جام کوربه وه؛ له سیالۍ څخه وایستل شوه.

په دې لوبه کې، چې په راولپنډۍ کې ترسره شوه؛ د بنګله دېش لوبډلې لومړی توپ‌وهنه وکړه او په ټاکلو ۵۰ اورونو کې یې د ۹ لوبغاړو پر سوځېدو ۲۳۶ منډې جوړې کړې.

نیوزیلینډ یاد هدف په ۴۶.۱ اورونو کې د ۵ لوبغاړو پر سوځیدو پوره کړ او د اتلانو جام نیمه پایلوبې ته یې لار پیدا کړه.

که بنګله دېش پرونۍ لوبه ګټلې وای؛ نو پاکستان به د پرمختګ لپاره لږ چانس درلود، خو د دوی له ماتې سره د کوربه لوبډلې وروستۍ هیله هم له منځه لاړه او دواړو لوبډلو له اتلانو جام سره مخه ښه وکړه.

د بنګله دېش لپاره نجم الحسین شانټو ۷۷ او جاکر علي ۴۵ منډې وکړې.

د نیوزیلینډ لوبډلې ټاکل شوی هدف په ۴۷ اورونو کې بشپړ کړ، چې یوازې پېنځه لوبغاړي یې له لاسه ورکړي وه.

د نیوزیلینډ لپاره راچین راوینډرا ۱۱۲ او ټام لټام ۵۵ منډې جوړې کړې.

له دې بریا سره له A ګروپ څخه د هند او نیوزیلینډ لوبډلو بل پړاو ته ولاړل.

که څه هم په دې ګروپ کې د پاکستان او بنګله دېش، هند او نیوزیلینډ ترمنځ سیالي اوس هم پاتې ده؛ خو پایلې یې پدې اغېزه نلري، چې دا لوبډلې راتلونکي پړاو ته لاره پیدا کړي.

ټاکل شوې، چې افغانستان د چارشنبې پر ورځ د دې سیالیو په خپله دوه‌یمه لوبه کې له انګلستان سره مخ شي. افغانستان په لومړۍ لوبه کې له سویلي افریقا څخه ماتې خوړلې ده.

د هېواد په ګوټ ګوټ کې د کرکټ مینه‌وال کولی شي د اتلانو جام ټولې لوبې پر ژوندۍ بڼه له آریانا ټلویزیون ATN څخه وګوري.

د لوبو د معلوماتو او مهالوېش ترلاسه کولو لپاره، د آریانا ټلویزیون او آریانا نیوز ټولنیزې وګورئ.

آریانا راډیو ټلویزیوني شبکې د سریلانکا ۱۰ اوریز سوپر لیګ د پرانیستونکي پړاو د زړه راکښونکیو سیالیو د ژوندي خپراوي ځانګړي حقونه ترلاسه کړي دي.     

دغه سیالۍ د چارشنبې پر ورځ د لیندۍ یوویشتمه / د ډسمبر یوولسمه د سریلانکا په کنډي ښار کې پیلیږي او په لومړۍ لوبه کې به جفنا ټایټنز او همبنټوټا بنګله ټایګرز سره مخ شی.

په دې سیالیو یا ټورنمنټ کې ټولټال شپږ لوبډلې برخه لري، چې عبارت دي له: جفنا ټایټنز، هامبنټوټا بنګال ټایګرز، کولمبو جګوارا، نوارا ایلیا کینګز، کنډي بولټز او ګاله مارفلز لوبډلو څخه.

هره ورځ به درې سیالۍ ترسره كېږي او وروستۍ سیالي به پر نهمه ورځ وي.

په ټول هېواد کې کرکټ مینه‌ال کولی شي د یادې شبکې له لارې د سیالیو په اړه خبرونه، د لوبو مهالوېش او د لوبډلو نوملړ ترلاسه کړي.

د ابوظبي ۱۰ اوریزو سیالیو لیګ اتم ځواکمن پړاو د پنجشنبې پر ورځ د لیندۍ پر لومړۍ / د نومبر پر یوویشتمه د ابوظبي او عجمان بولټز لوبډلو تر منځ پیل کیږي.

آریانا راډیو او ټلویزیون شبکې (ATN) په ټول افغانستان کې د کرکټ مینه والو ته دا زړه راکښونکې سیالۍ پر ژوندۍ بڼه خپروي.

سږنۍ سیالۍ پراخه بڼه لري؛ چې ۱۰ لوبدلې په یوه پړاو کې سیالي کوي او ۵ غوره لوبډلې به په فاینل کې سره مخ کیږي.

په دې ټورنمنټ یا سیالیو کې ۱۰ لوبډلې برخه لري او د ابوظبي ښار په زاید کرکټ لوبغالي کې به په ۱۲ ورځو کې ټولې ۴۰ لوبې ترسره شي.

دفاعي اتل نیویارک سټرایکرز به د نومبر پر دوه‌ویشتمه د موریسویل سامپ ارمی پر وړاندې خپله دفاع پیل کړي.

په سږنۍ سیالۍ کې د ۱۸ بېلابېلو هېوادونو لوبغاړي برخه لري، چې د ابوظبي ۱۰ اوریز لیګ ارزښت به پر نړیواله بڼه نندارې ته وړاندې کړي.

د افغانستان د راشد خان په ګډون افغان کرکټ ستوري به د لوبډلو له ستورو سره یوځای شي او د کرکټ یو نه هېرېدونکی پړاو به نندارې ته وړاندې شي.

د ابوظبي ۱۰ اوریز لیګ لومړنی ۱۰ اوریز کرکټ ټورنمنټ دی، چې د کرکټ نړیوالې شورا لخوا منل شوی دی.

تمه ده، چې په دې نوي پړاو کې به ۱۷۹ غوره ستوري شتون ولري او دا به د تاریخ ترټولو پر ستر پړاو بدل کړي.

په نړۍ کې د غوره لوبغاړو پر وړاندې کولو دې لیګ د خلکو په زړونو کې چټک ځای وموند او نن په ټوله نړۍ کې له ۴۰۰ میلیون ډېر مینه‌وال لري.

له آریانا ټلویزیون او آریانا نیوز سره اوسئ، چې له دې ټولو زړه‌اکښونکیو سیالیو په اړه له خبرونو او پروګرامونو خبر شئ.