تازه خبرونه
ولسمشر د چورلکو په ټکر کې د مړه شويو سرتېرو جنازې ته ورغلی
ولسمشر محمد اشرف غني، د ولسمشر لومړي مرستیال امرالله صالح او نورو لوړ پوړیو چارواکو د پنجشنبې پر سهار د افغان هوایي ځواکونو د اته پیلوتانو او منسوبینو د جنازې په مراسمو کې ګډون وکړ.
د افغانستان د هوایی ځواک غړي د چهارشنبې پر سهار مهال په هلمند کې هغه مهال مړه شول، چې د دوی دوه پوڅي چورلکې سره ټکر شووې.
له راپورونو سره سم دواړو چورلکو په ناکراره ولایت هلمند کې د جګړې ډګرونو ته ځواکونه رسولي وه او کله، چې یې تپي سرتېري لیګدول؛ نو له د الوت په وخت کې ټکر وکړ او یاد مرګ رامنځته شو.
د ملي دفاع وزارت د چهارشنبه پر ورځ څرګنده کړې وه، چې چورلکې د الوتنې پرمهال د تخنیکي ستونزو” له کبله راغورزېدلي او پېښه تر څېړنې لاندې ده.
ولسمشر غني او لومړي مرستیال امرالله صالح د شهیدانو له کورنیو سره د غمشریکۍ په ناسته کې د امنیتي او دفاعي سکتور د رهبرۍ او د ملي شورا د استازیو له حضور او ګډون څخه د مننې ترڅنګ د وژل شویو کسانو ژمنتیا او ژمنه وستایله او ټینګار یې کړی، چې حکومت به تل د شهیدانو له کورنیو ملاتړ وکړي.
د ارګ د څرګندونو له مخې، امرالله صالح په دغو مراسمو کې په ډاګه کړې؛ هغه ظریف ظرف، چې د افغانستان عزت، ملي بیرغ، تاریخ، نظام، د ټولو مساوي حقونه او د افغانستان جغرافیه په کې راټول دي، د ملي اردو، ملي پولیسو، ملي امنیت او د افغانستان د نظام پر اوږو دی. دوی د هېواد له ګوټ ګوټ راټول شوي اوپه ګډه له ملي بیرغ او ارزښتونو څخه دفاع کوي.
دغه راز نوموړي ویلي؛ د افغانستان طالباني کول ممکن ندي. د طالب په واړه او تیاره ظرف کې د پېنځه دېریش میلیوني ملت، چې دومره تنوع، جوړښت او پېچلتیاوې لري، ځایول امکان نلري؛ ځکه، نو د دغه بیرغ او د ملت تر ترحم لاندې د یوې ډلې په توګه د طالب راتګ او مدغم کېدل ممکن دي.
امرالله صالح دا ټینګار هم وړاندې کړې؛ د دغه نظام په لرلو، چې د خلکو د عزت دفاع کوي، ویاړو.
هغه دا ډاډ هم څرګند کړی، چې نن د هېواد په بېلابېلو برخو کې ولسونه په ټول قوت زموږ د امنیتي او دفاعي ځواکونو ترڅنګ ولاړ دي.
تازه خبرونه
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.
دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حقالعضویت له پامه غورځولی دی.
دا خبر په ملګرو ملتونو کې د افغانستان دایمي استازولۍ هم تائید کړی دی.
دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حقالعضویت سپارلی نهوي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.
د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حقالعویت ندی ورکړې له همدې کبله د دې ټولنې پوروړی دی.
د ملګرو ملتونو د غړیتوب کلنی حق العضویت دوه میلیون ډالره دی.
د راپورونو له مخې؛ له دې مخکې په ملګرو ملتونو کې د غړیتوب کلنی حقالعضویت د افغانستان بهرنیو چارو وزارت پرې کاوه.
د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حقالعضویت ندی ورکړی.
دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
-
تازه خبرونه2 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه1 day ago
د حج او اوقافو وزارت چارسمبالي د ترکیې له ولسمشر سره وکتل
-
نړۍ13 hours ago
انټوني بلینکن اوکراین ته رسېدلی
-
نړۍ2 days ago
په برازیل کې د سیلابونو له کبله د مړو شویو شمېر ۱۴۳ کسانو ته پورته شو