Connect with us

کوید۱۹

په امریکا کې له کرونا ۸۰۰ زره کسان مړه شوي

خپور شوی

 په

(Last Updated On: ليندۍ ۲۲, ۱۴۰۰)

د رویټرز د څرګندونو له مخې؛ په امریکا کې د یکشنبې پر ورځ له کرونا ویروس څخه د مړینې شمېر له ۸۰۰۰۰۰ ډېر شو او دا هېواد د سړې هوا له څپې سره د کرونا ویروس اومیکرون بڼه هم د خپرېدو په درشل کې ده.

کرونا واکسین ته لاسرسي د دوبي پر مهال په ټول هېواد کې پر کرونا ویروس د اخته کېدو کچه راټیټه کړې وه.

د روان کال له پیل راپدیخوا په امریکا کې له ۴۵۰۰۰۰ څخه ډېر خلک پر کرونا له اخته کېدو وروسته  مړه شوي، چې ورسره په ټول هېواد کې  د مړینو شمېر ۵۷ سلنه لوړ شوی دی.

د روغتیا څانګوالو ويلي، د سږکال مړینې اکثره په غیر واکسین شوي ناروغانو کې وې.

د رویټرز د شننې له مخې؛ د ۱۱۱ ورځو په دننه کې د مړینې کچه ۶۰۰۰۰۰ څخه ۷۰۰۰۰۰ ته پورته شوه او یوازې په ۷۳ ورځو کې ترې مړینه ۱۰۰۰۰۰ کسانو ته ورسېده.

رویټرز څرګنده کړې؛ په تېرو ۱۱ میاشتو کې نور هېوادونه له مړینې سره ډېر لږ مخ شوي دي.

په جي ـ ۷  بډایه هېوادونو کې یوازې امریکا د جنورۍ له لومړۍ څخه د نومبر تر ۳۰ نېټې پورې د مړینې له ډېر شمېر سره مخ شوې ده.

په امریکا کې د مړینې کچه د ګاونډي کاناډا په پرتله درې چنده او د جاپان په پرتله ۱۱ ځله لوړه شوې ده.

رویټرز راپور ورکړی، چې د کرونا ویروس له خپریدو راپدیخوا په امریکا کې له ۵۰ میلیون او ۱۱۰۰۰  څخه ډېر خلک پر کرونا اخته شوي، چې ۸۰۰ زره ۱۵۳ یې ترې مړه شوي دي.

کوید۱۹

د نیوزیلینډ لومړۍ وزیره پر کرونا ویروس اخته شوه

خپور شوی

په

توسط

(Last Updated On: غویی ۲۴, ۱۴۰۱)

د نیوزیلینډ د لومړي وزیرې دفتر په ډاګه کړې، چې د جسینډا آرډرن کتنه ښیي، چې د کرونا ویروس له نښو برخمنه شوې ده.

د نیوزیلینډ د لومړۍ وزیرې له دفتره په ډاګه شوې، چې جسینډا آرډرن به د کرونا ویروس له کبله د دوشنبې او سې شنبې په ورځو کې له پارلماني ناستو بې برخې وي؛ خو هغه به امریکا ته ټاکل شوی سوداګریز سفر ونځنډوي.

د نیوزیلینډ لومړۍ وزیرې د جمعې له ماښام راپدیخوا د کرونا ویروس لږې نښې درلودې او نن سهار یې د ویروس لپاره مثبته کتنه تر سره کړه، چې پایله یې مثبته وه؛ د مې تر ۳۱ مې نېټې به په قرنطین کې وي او خپل رسمي مسوولیتونه له لرې ترسره کوي.

د لومړۍ وزیرې مرستیال ګرانټ رابرټسون نن په رسنیو کې تر ټاکل شوې نېټې د نوي لومړي وزیر په توګه اعلان شوی دی.

Continue Reading

کوید۱۹

نیویارک ښار له کرونا ویروس څخه ورپېښ ګواښ منځنۍ کچې ته لوړوي

خپور شوی

په

توسط

(Last Updated On: غویی ۱۳, ۱۴۰۱)

په نیویارک ښار کې د دوشنبې پر ورځ له کرونا ویروسه د ورپېښ ګواښ کچه له ټیټې څخه منخنۍ ته لوړه کړه او د عامې روغتیا ځینې سپارښتنې د بیا پلي کیدو وضعیت ته راغلې دي.

د نیویارک پوسټ د څرګندونو له مخې؛ نیویارک ښار روغتیایي کمیشنر اشون واسان د دوشنبې پر ورځ په یوه خبري کنفرانس کې وویل: د خطر کچه؛ ځکه لوړه شوې، چې اوس په منځنۍ کچه په هرو ۱۰۰۰۰۰ خلکو کې هره ورځ له ۲۰۰ ډېرې نوې پېښې رامنځته کیږي.

نوموړي زیاته کړې، د نویو پېښو له زیاتېدو سره د نیویارک ښار خلک باید د تېرو څو اوونیو پر پرتله خورا ډېر پام وکړي.

نیویارک ټایمز راپور ورکړی، چې ښار په تېره اوونۍ کې لږ تر لږه هره ورځ ۲۴۸۹ نوې پېښې لرلې، چې د مارچ له پیل راپدیخوا په ورځني شمېر کې ۶۰۰ ډېروالی ښیي؛ خو د تېرې میاشتې پر پرتله په روغتون کې بستر کیدل او د مړینې پېښې لږ څه کمې شوې دي.

منځنۍ ​​​​یا ژیړه کچه پدې معنی ده، چې خلک باید په عامه ځایونو کې ماسک اغوستل په پام کې ونیسي او د لوړ کیفیت ماسکونو ته وده ورکړي.

Continue Reading

کوید۱۹

له نیمایي ډېر امریکایان پر کرونا ویروس اخته دي

خپور شوی

په

توسط

(Last Updated On: غویی ۷, ۱۴۰۱)

په ټوله امریکا کې شاوخوا ۵۸ سلنه وګړي او له ۷۵ سلنې ډېر لږ عمر لرونکي ماشومان پدې ناروغۍ اخته شوي دي.

د امریکا د ناروغیو د څارنې او مخنیوي مرکزونو لخوا ترسره شوې څېړنه ښيي، چې په دې هېواد کې له نیمایي ډېر وګړي لږ تر لږه یو ځل پر SARS-CoV-2 ویروس باندې اخته شوي دي.

د ۲۰۲۱ زېږدیز کال په ډسمبر کې د اومیکرون له رارسیدو مخکې د امریکا یو پر درېیمه برخه وګړيو د پخواني SARS-CoV-2 انفیکشن نښې لرلې.

د نویو معلوماتو له مخې، پر اومیکرون د هر عمر ګروپ اخته شوی؛ خو ماشومان او تنکي ځوانان، چې ډېري یې واکسین شوي ندي، د انفیکشن لوړه کچه لري. په داسې حال کې چې د ۶۵ کلنو او له دې پورته عمر لرونکي خلک، چې پوره واکسین شوي؛ لږ پر کروانا اخته دي.

د متحده ایالاتو د ناروغیو د کنټرول او مخنیوي مرکزونو مشر ډاکټر روچیل والنسکي خبریالانو ته ویلي، چې په امریکا کې پر کرونا ویروس د اخته کسانو شمېر مخ پر ډېرېدو دی، چې یوازې تېره اوونۍ ۲۲ اعشاریه ۷ سلنه ډېر شوي، چې په ورځ کې ۴۴۰۰۰ ته لوړیږي. دغه راز په روغتون کې د دویمې اوونۍ لپاره په بستر کې پاتې کېدل ۶ اعشاریه ۶ سلنه ډېر شوي دي.

دغه راز د مړینې کچه په یوه اوونۍ کې ۱۳ اعشاریه ۲ سلنې ته راکښته شوې؛ خو ټولشمېر یې یو میلیون ته نږدې کیږي.

د راپورونو له مخې د امریکا له ۶۶ سلنې څخه ډېر وګړي د کرونا پر وړاندې بشپړ واکسین شوی او نږدې ۴۶ سلنه خلکو تقویتي واکسین تر لاسه کړی.

Continue Reading

Trending

Copyright © 2022 Ariana News. All rights reserved!