تازه خبرونه
په تېرو ۱۰۰ ورځو کې د دوغارون له لارې ۴۹۰ زره افغانان ستانه شول
امیرالله شمقدري د شنبې پر ورځ (د چنګاښ څوارلسمه) د دوغارون پولې ته د سفر پر مهال خبریالانو ته وویل: “د روان کال له پیل راپدېخوا ۴۹۰ غیرقانوني افغان کډوال د دوغارون ځمکنۍ پولې له لارې خپل هېواد ته ستانه شوي دي.”
د ایران د خراسان رضوي ولایت مرستیال والي ویلي؛ په تېرو ۱۰۰ ورځو کې شاوخوا ۴۹۰ زره بې اسناده افغانان په خپله خوښه د دوغارون سرحدي لارې خپل هېواد ته ستانه شوي دي.
امیرالله شمقدري د شنبې پر ورځ (د چنګاښ څوارلسمه) د دوغارون پولې ته د سفر پر مهال خبریالانو ته وویل: “د روان کال له پیل راپدېخوا ۴۹۰ غیرقانوني افغان کډوال د دوغارون ځمکنۍ پولې له لارې خپل هېواد ته ستانه شوي دي.”
هغه زیاته کړې: “د ستنېدونکو ۶۷ سلنه د دوغارون له بندري لارې ایستل شوي دي.”
شمقدري زیاته کړې: “په دې سرحدي کرښه کې ځای پر ځای شوې ادارې د افغان کډوالو د درناوي او ساتنې لپاره ځای پر ځای شوې دي او د تیاباد ښاروالۍ هم د خدماتو چمتو کولو لپاره مرستې ته راغلې ده.”
شمقدري ویلي: “د سیوري لګول، د خوړو، څښاک او خوراکي کڅوړې وېشل او د روغتیا خدماتو چمتو کول د دوغارون پولې په اوږدو کې د مهاجرینو د باعزته وتلو د آسانتیا لپاره اخیستل شوي ګامونه دي.”
هغه زیاته کړې، چې د افغانستان چارسمبالي حکومت چارواکو هم د بېرته راستنېدونکو لپاره ترتیبات نیولي او مناسبې آسانتیاوې برابرې شوې دي.
د رضوي خراسان مرستیال والي د دښمنانو تفرقې اچولو ته په نغوته(اشاره) کې ویلي: “ایران او افغانستان یو ګډ دښمن لري او د دښمن رسنۍ په دې ورځو کې د دوه مسلمانو او ګاونډ ملتونو د یووالي د ګډوډولو لپاره کار کوي.
شمقدري زیاته کړې: “مونږ باید هڅه وکړو، چې پر تاریخي او کلتوري مشترکاتو او پر پوهاوي او پوهې تکیه کولو او ټینګار د دښمن رواني او رسنیز عملیات شنډ کړو.”
تازه خبرونه
د اسلامي همکاریو ټولنه له اسلامي امارت سره د پړاوایز تعامل د لارې نقشه جوړوي
په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.
د اسلامي همکاریو ټولنې د افغانستان په اړه د وزیرانو د تماس ډلې د جدې ښار په مقدماتي تخنیکي غونډه کې له اسلامي امارت سره د پړاوایز تعامل او اړیکو د تنظیم لپاره د لارې نقشې پر جوړولو بحث او خبرې کړې دي.
په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.
د اسلامي همکاریو ټولنې د څرګندونو له مخې؛ دغه چوکاټ د افغانانو د ګټو د خوندي کولو او په افغانستان کې د ثبات او پرمختګ لپاره د مرستې لپاره په پام کې نیول شوی دی.
دغه راز په دې غونډه کې هغه لومړیتوبونه وڅېړل شول، چې د تماس ډله به پرې د اسلامي همکاریو ټولنې د بهرنیو چارو د وزیرانو شورا د اړوند پرېکړهلیکونو د عملي کولو لپاره تمرکز کوي.
ګډونوالو له اسلامي امارت چارواکو سره د ګډو لومړیتوبونو په اړه مستقیمې او رغنده خبرو اترو پر ترسره کولو هم نظرونه وړاندې کړل.
تازه خبرونه
د کورنیو چارو وزارت د کوکنارو د کښت د زیاتوالي په اړه د ملګرو ملتونو راپور رد کړ
یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشهیي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.
د اسلامي امارت د کورنیو چارو وزارت په افغانستان کې د کوکنارو د کښت د زیاتوالي په اړه د ملګرو ملتونو د نشهیي توکو او جرمونو پر وړاندې د مبارزې دفتر تازه راپور رد کړی او د دغه راپور د ارزونې پر کړنلارې یې نیوکه کړې ده.
یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشهیي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.
د ملګرو ملتونو د نشهیي توکو او جرمونو پر وړاندې د مبارزې دفتر په خپل تازه راپور کې ویلي، چې په افغانستان کې د کوکنارو کښت په ۲۰۲۶ز.کال کې تر ۳۰۰ سلنې ډېر زیات شوی او څه باندې ۴۳ زره هکټاره ځمکې ته رسېدلی دی. په داسې حال کې، چې دغه کچه تېر کال شاوخوا ۱۰ زره هکټاره وه.
د یاد دفتر د«۲۰۲۶ز. کال لپاره د افغانستان د تریاکو د وضعیت ارزونې» د راپور له مخې؛ د تریاکو تولید هم نږدې ۴۰۰ سلنه زیات شوی او په ۲۰۲۵ز.کال کې له نږدې ۳۰۰ ټنو څخه په روان کال کې شاوخوا یو زر او ۵۰۰ ټنو ته رسېدلی دی.
راپور ښيي، چې په افغانستان کې د کوکنارو د کښت مرکز شمالختیځو ولایتونو ته لېږدول شوی او د کښت شاوخوا ۷۶ سلنه ځمکه په همدې سیمه کې ده.
بدخشان او تخار د کوکنارو د کښت له مهمو مرکزونو څخه بلل شوي دي.
د دغه بنسټ د څرګندونو له مخې؛ په ۲۰۲۶ز. کال کې د ۱۶ ولایتونو د کوکنارو کښت ثبت شوی، چې د تېر کال پر پرتله پنځه ولایتونه زیاتوالی ښيي.
د ملګرو ملتونو دغه دفتر د بزګرانو اقتصادي ستونزې او د بدیل عاید د فرصتونو محدودیت د کوکنارو د کښت د بیا زیاتېدا اصلي لاملونه بللي او خبرداری یې ورکړی، چې له بزګرانو څخه له دوامدار ملاتړ پرته به د دغه بوټي د کښت مخنیوی ستونزمن وي.
په راپور کې راغلي، چې د وچو تریاکو د هر کیلوګرام منځنۍ بیه په ۲۰۲۵ز.کال کې له شاوخوا ۵۷۰ ډالرو څخه په روان کال کې ۵۰۰ ډالرو ته راټیټه شوې؛ خو اوس هم د نشهیي توکو پر سراسري بندیز د لګېدو له مخکینۍ کچې څخه د پام وړ لوړه ده.
ملګرو ملتونو زیاته کړې؛ په افغانستان کې د کوکنارو کښت او د تریاکو تولید، سره له دې زیاتوالي، اوس هم د بندیز له لګېدا مخکې کچې ته نهدي رسېدلي. هغه مهال څه باندې ۲۰۰ زره هکټاره ځمکه د کوکنارو تر کښت لاندې وه.
دا په داسې حال کې ده، چې له دې مخکې اسلامي امارت ویلي وه؛ د کوکنارو کښت، پلور او قاچاق د افغانستان له پولو بهر ته لېږدېدلی دی.
تازه خبرونه
افغانستان د اسلامآباد د ایکو غونډې له حذفېدا وروسته د تهران سرمشریزې ته ځي
ټاکل شوې، چې د ایکو اتهلسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمهییزو همکاریو په اړه خبرې اترې وکړي.
د بهرنیو چارو وزارت د اطلاعاتو او عامه اړیکو رییس ضیاء احمد تکل ويلي، چې د افغانستان اسلامي امارت پلاوی به د اقتصادي همکاریو ټولنې( ایکو) په اتهلسمه سرمشریزه کې ګډون وکړي.
د نوموړي د څرګندونو له مخې، د دې پلاوي مشري به د بهرنیو چارو وزیر امیرخان متقي پر غاړه ولري.
ټاکل شوې، چې د ایکو اتهلسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمهییزو همکاریو په اړه خبرې اترې وکړي.
دا اعلان په داسې حال کې کیږي، چې د نومبر پر پنځلسمه او شپاړلسمه په اسلامآباد کې د پاکستان پر کوربهتوب د اقتصادي همکاریو ټولنې د بهرنیو چارو وزیرانو په دېرشمه غونډه کې له ګډون څخه پاتې شو. په داسې حال کې، چې افغانستان د دې سیمهییزې ټولنې غړی هېواد دی.
د پاکستان بهرنیو چارو وزارت ویلي وه، چې کابل ته بلنه ورکړ شوې نهوه؛ ځکه اسلامآباد د افغانستان اوسنۍ اداره پر رسمیت نهپیژني.
پاکستانيو چارواکو دا ادعا هم کړې، چې د افغانستان غړیتوب د اقتصادي همکاریو ټولنې د دارالانشا لخوا ځنډول شوی دی.
دا پرېکړه د افغان چارواکو له نیوکو سره مخ شوه.
اسلامي امارت استدلال کوي، چې سیاسي اختلافات باید د سیمه ییزو اقتصادي نوښتونو او همکاریو په برخه کې د افغانستان د ګډون مخه ونه نیسي.
د تهران په سرمشریزه کې د افغانستان ګډون به کابل ته دا فرصت برابر کړي، چې له سیمه ییزو شریکانو سره د سوداګرۍ، اقتصادي پراختیا، ټرانسپورټي نښلون او سیمهییزو همکاریو ته ورته مسایلو په اړه بیا اړیکې ټینګې او خبرې اترې وکړي.
-
تازه خبرونه3 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی4 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه4 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
ساینس او ټیکنالوژي3 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
نړۍ3 days agoتر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
-
تازه خبرونه4 days agoبېځایه کېدا افغان ماشومان نور هم وږي او زیانمن کړل – د ماشومانو د ژغورنې نړیواله اداره
-
تازه خبرونه3 days agoافغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
-
تازه خبرونه3 days agoقزاقستان د افغانستان له ثبات او بیا رغونې سره څنګه مرسته کوي؟
