Connect with us

کوید۱۹

چینايي هکرانو د امریکا د مالي مرستو میلیونونه پیسې غلا کړې

Published

 on

(Last Updated On: ليندۍ ۱۵, ۱۴۰۱)

د امریکا د پټو خدمتونو ادارې د دوشنبې پر ورځ ویلي؛ چینايي هکرانو له ۲۰۲۰ راپدیخوا د دغه هېواد له کرونا ویروس سره د مبارزې لپاره د مرستو لسګونه میلیون دالرغلا کړي دي.

رویترز راپور ورکړی، چې د پټو خدمتونو ادارې د نورو جزئیاتو له ورکولو څخه ډډه کړې؛ خو NBC نیوز یو راپور تائید کړی او څرګندوي؛ د راپور له مخې، چینایي هکران مسوول دي، چې د امنیت څېړنې ټولنه یې د APT41 یا وینتي پر نوم پېژني.

د کارپوهانو د څرګندونو له مخې؛ APT41 یوه پراخه جرمي سایبر کاري ډله ده، چې د حکومت په ملاتړ سایبر مداخلې کوي او د مالي څرګندونو له لارې یې سرغړونې هم ورسره یوځای ترسره کړي دي.

د رویترز د څرګندونو له مخې؛ د هکرانو ډېري غړي په ۲۰۱۹ او ۲۰۲۰ کلونو کې د امریکا د عدلیې وزارت لخوا د سافتویر پراختیا شرکتونو، مخابراتو چمتو کوونکیو، ټولنیزو رسنیو شرکتونو او ویدیو لوبو جوړوونکیو په ګډون له ۱۰۰ څخه ډېر شرکتونه پر جاسوسۍ تورن شوي دي.

د لویې څارنوالۍ پخواني مرستیال جفري روزن ویلي؛ په خواشینۍ، چې د چین کمونست ګوند د سایبر جنایتکارانو لپاره د چین د خوندي کولو یوه بله لار غوره کړې ده. دوی دا زمینه برابره کړې، چې له چین څخه بهر پر کمپیوتري معنوي زیرمو برید وکړي او چین ته ګټور اندي ملکیت غلا کړي.

رویترز راپور ورکړی، چې په واشنګنن کې د چین سفارت تر دې دمه په دې اړه د څرګندونو غوښتنو ته ځواب ندی ویلی.

کوید۱۹

چینایانو نوی سپوږمیز کال پر کرونا اخته قربانیانو ته د روغتیا پر دعا پیل کړ

Published

on

(Last Updated On: سلواغه ۳, ۱۴۰۱)

رویترز راپور ورکړی، چې چین د یکشنبې پر ورځ د نوي سپوږمیز کال په پیل کې له خپلو هغو خلکو سره، چې تېر درې کاله یې تر ناروغۍ لاندې مړینې، فشارونه او مالي ستونزې ګاللي؛ د روغتیا او ډاډګېرنې دعا وکړه.

په بیجینګ کې له لاما عبادتځي یا معبد څخه بهر شاوخوا یو کیلومتر کتارونه وغزېدل، چې د دسمبر له پیله د کرونایي محدودیتونو له پای ته رسیدو مخکې تړلي وه؛ په زرګونه خلک خپلو عزیزانو ته د دعا کولو لپاره د وار په تمه کتار ودرېدل.

له دې مخکې چارواکو د جنورۍ له ۱۳ څخه تر ۱۹مې نېټې پورې په روغتونونو کې د کرونا له کبله د نږدې ۱۳ زره کسانو له مړینې خبر ورکړی و، چې په دې میاشت کې یا له هغې مخکې نږدې ۶۰ زره کسانو ته یې د مړینې کچه رسېدلې وه.

چینايي روغتیا پوهان وايي، چې په ټول هېواد کې د انتاناتو څپې لا دمخه لوړې شوې دي.

د چینایي چارواکو لخوا د مړینې راپور شوی شمېر هغه کسان ندي، چې په کور کې مړه شوي.

ځینو داکترانو ویلي، چې دوی د مړینې په سندونو کې د کرونا له لیکو هم ډډه کوي.

چين د جنورۍ پر ۱۴ نېټه د دسمبر له اتمې نېټې څخه د جنورۍ تر ۱۲ پورې په روغتونونو کې د کرونا له کبله د څه د پاسه ۶۰ زره کسانو له مړينې خبر ورکړ، چې د دغې ناروغۍ له پیله د ټولو مړو شويو ۵۰۰۰ کسانو څخه ډېروالی ښيي.

ځینې روغتیا پوهانو ویلي، چې سږکال به په چین کې له یو میلیون څخه ډېر خلک د دې ناروغۍ له کبله مړه شي.

بریتانیا میشت روغتیایي معلوماتو شرکت ایرفینیتي وړاندویېنه کړې، چې په دې اوونۍ کې به هره ورځ د له دې ناروغۍ د مړینې کچه ۳۶۰۰۰ ته ورسیږي.

د چين د کمونست ګوند د چارواكو د راپور له مخې، د نوي سپوږمیز كال د ۴۰ ورځني سفر په لومړيو ۱۵ ورځو كې د جنورۍ له ۷ څخه تر ۲۱  نېټې پورې شاوخوا ۱۱۰ میليون د اورګاډي مسافرينو سفرونه کړي، چې د تېر كال په پرتله ۲۸ سلنه زياتوالى ښیي.

د دولتي CCTV د راپور له مخې؛ د نوي کال په ماښام کې د ریل پټلۍ، لویو لارو، کښتیو او الوتکو له لارې ټولټال ۲۶.۲۳ میلیون سفرونه ترسره شوي، چې له ناروغۍ مخکې یې کچه نیمایي وه؛ خو د تېر کال په پرتله ۵۰.۸ سلنه زیاتوالی ښيي.

د شنبې پر ورځ د چین د ناروغیو څارنې او مخنیوي مرکز مشر ایپیدیمولوژیست وو زونیو ویلي؛ د رخصتۍ په بهیر کې شونې ده، چې د خلکو ډله‌ییز حرکت د وبا ناروغي خپره کړي؛ خو په نږدې وخت کې د کرونا دوه‌یمه څپه امکان نلري.

وو زنیو زیاته کړې، چې په راتلونکیو دوه یا درې میاشتو کې د کرونا ویروس د راګرځېدو احتمال شته؛ ځکه، چې ۸۰ سلنه خلک پدې ناروغۍ اخته شوي دي.

له هغې وروسته، چې چين د جنورۍ پر اتمه نېټه خپلې پولې بېرته پرانيستې؛ يو شمېر چينايانو هم بهر ته د تګ راتګ سفرونه کړي دي.

رویترز راپور ورکړی، چې چین د آسیا ګرځندوی سیمو ته د چینایي سیلانیانو بېرته راستنیدو لپاره هڅې کوي، چې له وبا مخکې یې پرې ۲۵۵ میلیارد دالر لګولي دي.

Continue Reading

کوید۱۹

د روغتیا نړیوالې ټولنې د کرونا ویروس له نوې خپرېدونکې بڼې خبرداری ورکړ

Published

on

(Last Updated On: مرغومی ۱۹, ۱۴۰۱)

د روغتیا نړیوالې ټولنې خبرداری ورکړی، چې XBB.1.5  نومی د Omicron کروناویرس نوې خپرېدونکې بڼه کشف شوې ده.

اوسمهال د دې نوې بڼې په اړه ډېر څه پېژندل شوي ندي؛ خو لومړنۍ څېړنې ښیي؛ شونې ده، چې دا نوې بڼه د Omicron کروناویرس د پخوانیو بڼو پر پرتله ډېر ساري او خپرېدونکې وي.

د روغتیا نړیوالې ټولنې د کرونا ویروس تخنیکي مشر ماریا وان کرکوف یوې خبري غونډې ته ویلي؛ مونږ د XBB.1.5  بنې د ودې د غوره والي په اړه اندېښمن یوو.  

ساینس پوهان اوس هم نه پوهیږي، چې آیا دا نوې بڼه د ډېرې سختې ناروغۍ لامل کیږي یا به د اوږدمهاله کرونا جدي پایلې ولري.

څېړونکي د XBB.1.5 پر وړاندې د واکسینونو څخه د ژغورنې کچه هم څېړي. دوی وايي، چې د دوه اړخیز (mRNA) واکسین د دې نوې بڼې پروړاندې د ژغورنې غوره لار ده.

Continue Reading

کوید۱۹

اروپایي ټولنې چین ته د کرونا ویروس لپاره د وړیا واکسینو وړاندیز څرګند کړ

Published

on

(Last Updated On: مرغومی ۱۴, ۱۴۰۱)

رویترز راپور ورکړی، چې اروپایي اتحادیې چین ته د کرونا ویروس د خپرېدو د مخنیوي لپاره د وړیا واکسین وړاندیز کړی دی.

د اروپایي ټولنې د سې شنبې پر ورځ څرګنده کړې، چې د بیجینګ لخوا د کرونا په اړه د پالیسۍ له نرمولو وروسته هلته انتانات ډېر شوي.

د اروپایی کمیسیون یوه ویاند په یوه عادي خبري ناسته کې ویلي؛ چین تر دې دمه دې وړاندیز ته ځواب ندی ویلی.

نوموړي د واکسینونو کچه او تولیدوونکی مشخص نکړ.

هغه ویلي: په چین کې کرونایي وضعیت ته په پاملرنه د روغتیا کمیشنر ستیلا کیریاکایزز خپلو چینايي همکارانو ته له اروپایي ټولنې سره د پیوستون او ملاتړ وړاندیز کړی دی.

د چین د بهرنیو چارو وزارت ویاند مائو نینګ د دې پوښتنې په ځواب کې، چې آیا بیجینګ به د اروپايي اتحادیې وړاندیز ومني؛ له ځواب ورکولو ډډه کړې او رویترز ته یې ویلي، چې د چین د واکسین کولو کچه او د درملنې وړتیا مخ په ډېریدو ده او ورته پوره چمتووالی لري.

دغه راز ویل شوي، چې چین له نړیوالې ټولنې سره د پیوستون او همکارۍ پیاوړتیا ته چمتو دی، چې له دې ناروغۍ ننګونې ته پوره چمتووالی لري. که څه هم کولی شي د هر هغه چا غوښتنه پوره کړي، چې واکسین کول غواړي.

د رویترز د څرګندونو له مخې؛ چین تر دې دمه د خپلو وګړیو لپاره یوازې په چین کې د جوړ شويو واکسینونو پر کارولو ټینګار کړی، چې د غیر فعال ویروس یوه بڼه ده، چې د خپلو خلکو لپاره تولیدیږي.

تیره میاشت، آلمان په چین کې د آلماني شرکتونو، سفارتونو او قونسلګریو لپاره ۱۱۵۰۰ خوراکه واکسین د پلي کولو لپاره استولي دي.

Continue Reading

Trending

Copyright © 2022 Ariana News. All rights reserved!