لوبی
چین د روانو اولمپیک لوبو پر مهال د واورې له اورښته خبر ورکړ
د چین د هوا پېژندنې ادارې د یکشنبې پر ورځ د واورې له اورښت خبرداری ورکړ او څرګندوي، چې د بیجینګ په ګډون به په ټول سهیلي چین کې د روانو اولمپیک لوبو پرمهال د پام وړ واوره وشي.
حکومتي څرګندونې ښيي؛ د تېرې اوونۍ واوره، چې له شنبې ورځې څخه د مرکز په ګډون په ځینو سیمو کې پیل شوې وه د فبرورۍ پر ۴ د ژمني المپیک له پیل سره سم لومړنی اورښت و.
په جانګجیاکو کې د ښځو آزاده سکي، چې د چین د سرو زرو مډال ګټونکې آیلین ګو په کې ګډون درلود د یکشنبې پر ورځ د واورې له کبله وځنډول شوه.
چارواکو د نیلي واورې له اورښته خبرداری وړاندې کړی، چې د هېواد د څلورومې درجې له خبرداریو څخه کښته ګڼل شوې؛ په ځینو سیمو کې تر ۴ سانټي مټرو پورې د واورې اټکل شوی. دوی خلکو ته مشوره ورکړې، چې په سرخلاصو سیمو کې له نااړینو هڅو ډډه وکړي.
د بېجينګ د تودوخې درجه راټيټه شوې او د هوا پېژندنې ادارې وړاندويېنه کړې، چې د هوا تودوخه لږ تر لږه د سانټي ګراد ۶ درجو ته رسېږي.
لوبی
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
آریانا ټلویزیون خپلو مینهوالو ته زیری ورکوي، چې د ۲۰ اوریز کرکټ نړیوال جام سیالیو د خپراوی قانوني او ځانګړې حق یې ترلاسه کړی او له ژمنې سره سم به د هېواد هر کور ته دا نړیوالې سپورټي سیالۍ رسوي.
آریانا ټلویزیون یو ځل بیا د کرکټ له نړیوالې شورا سره په ګډه کار کړی، چې خپله دا هڅه شونې کړي.
د کرکټ نړیوالې شورا چارواکو د پنجشنبې پر ورځ څرګنده کړه؛ دوی ژمن دي، چې په ټول افغانستان کې خلک دې نړیوالو سپورټي پېښو ته له لاسرسي بې برخې نشي.
دا د ۲۰ اوریز کرکټ نړیوال جام نهم پړاو دی، چې د امریکا او کارابین پر کوربتوب به ترسره شي.
دغه سپورټي سیالۍ به د جون له لومړۍ څخه تر نههویشتمې پورې د ۲۰ بېلابېلو لوبډلو په ګډون ترسره شي.
د دې سیالیو د لومړي پړاو لپاره ۲۰ لوبډلې په څلورو ګروپونو کې وېشل شوي او هره لوبډله به د خپل ګروپ له نورو غړیو سره لږ تر لږه څلور لوبې کوي.
د هر ګروپ دوه غوره لوبډلې بیا Super 8s پړاو ته ځي او د هر ګروپ درې لوبډلې له لوبېدا پاتې کیږي.
په Super 8s پړاو کې پاتې اته لوبډلې پر دوه نورو ګروپونو وېشل کیږي او لوبډلې باید نیمه پایلوبې ته تر رسېدو پورې د خپلو ګروپي سیالانو پر وړاندې درې لوبې ترسره کړي.
د Super 8s د هر ګروپ د دوه غوره لوبډلو ترمنځ د نیمه پایلوبې پړاو ترسره کیږي، چې ګټونکي به بیا د جون پر نههویشتمه په بارباډوس کې یوازنۍ پایلوبې ته لار ومومي.
د ۲۰ اوریز کرکټ نړیوال جام د سیالیو د ترسره کېدا ځایونه
د سیالیو په بهیر کې به د امریکا درې او د کارابین شپږ ځایونه وکارول شي.
شپاړس سیالۍ به په لاډرهیل، ډالاس او نیویارک کې ترسره شي. د هند او پاکستان تر منځ زړهراکښونکې لوبه به د جون پر نهمه د نیویارک د لانګ آیلینډ د ناساو په نړیوال کرکټ لوبغالي کې ترسره شي.
څلورڅلوېښت سیالۍ به د شپږ بېلابېلو هېوادونو ترمنځ په کارابین او نیمه پای لوبې به په ټرینیډاډ، ټوباګو او ګویان کې ترسره شي.
هره لوبه، چې مساوي پای ته ورسیږي؛ یو سوپر اور به ترسره او که سوپر اور هم مساوي شي، نو تر هغې به نور سوپر اورونه ترسره کیږي، چې یو ګټونکی معلوم شي.
د نیمه پایلوبې او پایلوبې د سیالیو د غوراوي او ترسره کېدا د بشپړ ډاډ لپاره پوره وخت لرو.
آریانا ټلویزیون به دا سیالۍ ځانګړې او ژوندۍ خپروي او د سیالیو خبرونه او معلومات هم په منظم ډول خپریږي؛ ځکه، نو د تازه معلوماتو لپاره د دې اوبپاڼې لیدل مه هیروئ.
لوبی
اټک انرژي د افغانستان فوټبال اتلانو لیګ د درېیم پړاو اتلولي خپله کړه
نن چارشنبه د زمري دوهیمه د افغانستان فوټبال غوره لیګ سیالیو په وروستۍ پېنځهشپېتمه لوبه کې د اټک انرژۍ لوبډلې د عدالت فراه لوبډلې ته ۲ – ۰ ماتې ورکړه او د دې سیالیو اتلولي یې خپله کړه.
د اټیک انرژی لوبډلې د دې پړاو د سیالیو په یوولس لوبو کې ۱۱ لوبې ګټلي او په دغو سیالیو کې یې هیڅ ګول ندی خوړلی.
دغې لوبډلې د افغانستان اتلانو لیګ په درېیم پړاو کې ۴۱ ګولونه کړي دي.
په دې زړهراکښونکیو سپورټي سیالیو کې دولس لوبډلو برخه اخیستې وه، چې د ۱۴۰۳ لمریز لېږدیز کال د غویي له لومړۍ څخه پیل او د غبرګولي تر دوهیمې پورې روانې وې.
دغه سیالۍ د افغانستان د فوټبال فډراسیون د ویکتور انرژۍ پر مالي مرسته د آریانا ټلویزیون له لارې په قانوني، ژوندۍ او ځانګړې بڼه خپرې شوې.
د دغو سیالیو دوه اړخیز او درې اړخیز تړونونه د یکشنبې پر ورځ (د وري نولسمه) د آریانا ټلویزیون، فوټبال فډراسیون او ویکټور انرژۍ ترمنځ لاسلیک شول.
دغه سیالۍ په کابل کې د هېواد د فوټبال فډراسیون په ۵ زره کسیز لوبغالي کې ترسره شوې او ۳۳ ورځې یې دوام وکړ، چې ټولټال ۶۶ لوبې په کې ترسره شوې.
دغه مراسم د آریانا ټلویزیون په سټوډیو کې جوړ شوي وه او پچه اچونه یې د افغانستان د بدني روزنې او سپورټ عمومي رییس احمدالله وثیق پر غاړه درلوده.
د افغانستان د فوټبال فډراسیون رییس محمد یوسف کارګر، د افغانستان فوټبال فدراسیون د فزیکي او مسلکي زده کړو د څانګې تخنیکي او مسلکي مرستیال حافظ احمد جان ځدراڼ، د افغانستان د فوټبال فډراسیون تخنیکي رییس محمد طاهر رووفي، د آریانا ټلویزیون سوداګریز رییس لطف الله ستانکزي، د ویکتور انرژی رییس غلام رباني عباس، د پامیر ګروپ د عامه اړیکو مسوول میر احمد بهره او د کلبونو استازو په دې مراسمو کې ګډون درلود.
د دغه ليګ د درېيم پړاو لوبډلې سرسبزياشلر فارياب، جوانان واحدي، اټک انرژي، سرخ پوشان خوافي، ابو مسلم فراه، استقلال کابل، خدیم، خراسان، عينو مېنه، ميوند، عدالت فراه او موج ساحل وې.
لوبی
خدیم او عینو مېنې فوټبال لوبډلې د افغانستان اتلانو لیګ اتلولي وګټله
د افغانستان اتلانو لیګ د سې شنبې پر ورځ ( د غبرګولي لومړۍ) په دریشپېتمه لوبه کې د خدیم افسي لوبډلې خراسان فاریاب ته ۲ د ۱ پر توپیر ماتې ورکړه.
په دې لوبه کې د خدیم له لوبډلې څخه نسیم مرادي د لوبې غوره لوبغاړی وټاکل شو.
دغه راز د دې سیالیو په څلورشپېتمه لوبه کې عینو مېنې جوانان واحدي لوبډلې ته ۸ – ۱ ماتې ورکړه.
په دې لوبه کې د عینو مېنې لوبډلې غړی احمد نبي مقدس د لوبې غوره لوبغاړی وټاکل شو.
د فوټبال اتلانو لیګ د دې پړاو پای لوبه به د چارشنبې پر ورځ (د غبرګولي دوهیمه) د عدالت فراه او اټک انرژي ترمنځ ترسره کیږي.
پای لوبه به د کابل پر وخت ۳:۰۰ بجې پیل او له آریانا تلویزیون څخه به پر ژوندۍ بڼه خپره شي.
-
سیمه ییز خبرونه4 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
لوبی21 hours ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه5 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
تازه خبرونه4 days ago
سر له سبا د ترکيي هوايي شرکت افغانستان ته رسمي الوتنې پیلوي
-
سیمه ییز خبرونه4 days ago
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره
-
نړۍ4 days ago
د چورلکې په راغورځېدو کې د ایران د ولسمشر مړینې غبرګونونه راوپارول
-
تازه خبرونه3 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
-
تازه خبرونه3 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې