لوبی
آریانا تلویزیون د کرکت ۲۰۲۲ آسیا جام د خپراوي حق خپل کړ
آریانا نړیوالې تلویزیوني شبکې په پوره لیوالتیا په ډاګه کړې، چې په افغانستان کې یې د ۲۰۲۲ زېږدیز کال د کرکت ۲۰۲۲ آسیا جام د خپراوي ځانګړی حق ترلاسه کړی دی.
د آریانا نړیواله شبکه له کرکت سره د خلکو د مینې زیاتولو او د ۳۶ میلیون افغانانو پر شونډ د مسکا رامنځته کولو لپاره هڅه کوي، چې د آسیا ۲۰۲۲ جام زړه راکښونکې سیالۍ د افغانانو نندارې ته وړاندې کړي.
دا په داسې حال کې ده، چې آریانا تلویزیوني شبکې د جولای په میاشت کې د قطر د ۲۰۲۲ کال فوتبال نړیوال جام د نشرولو ځانګړي حق هم ترلاسه کړی دی.
ټاکل شوې، چې دغه شل آوریزې سیالۍ د وږي پر ۵ پیل او د وږي تر ۲۰ روانې وي / د اګست پر ۲۷ پیل شي او د سپتمبر پر ۱۱ پای ته ورسېږي. د دې سیالیو کوربه به سریلانکا وي، چې په عربي متحده اماراتو، دوبۍ او شارجه کې ترسره کیږي.
ټولټال شپږ لوبډلې به سیالۍ وکړي، چې پېنځه یې مخکې غوره شوي او هغه د افغانستان، هند، سریلانکا، پاکستان او بنګله دېش لوبډلې دي.
لومړنۍ سیالۍ به د اګست له ۲۰ څخه تر ۲۴ په عمان کې ترسره شي؛ عربي متحده امارات، هانګ کانګ، سنګاپور او کویت به یو له بل سره لوبې وکړي او ګټونکي به بیا په اصلي سیالۍ کې شپږم ځای خپل کړي.
شپږ لوبډلې به په دوه ګروپونو ووېشل شي:
الف ګروپ: هند، پاکستان او مقدماتي لوبډله.
ب ګروپ: سریلانکا، بنګله دېش او افغانستان.
هره لوبډله په خپل ګروپ کې له نورو دوه لوبډلو سره یو ځل لوبه کوي او دوه مخکښې لوبډلې بل پړاو سوپرـ۴ ته لار پیدا کوي. هلته بیا هره لوبډله له بلې لوبډلې سره یو ځل لوبه کوي او دوه مخکښې لوبډلې وروستي پړاو ته لاره پیدا کوي.
د دغو سیالیو لومړۍ لوبه به د وږي پر ۵ / د اګست پر ۲۷ په دوبۍ نړیوال لوبغالي کې افغانستان له سریلانکا مخ شي.
هندوستان د دې سیالیو دفاعي اتل دی، چې د ۲۰۱۸ کال په پایلوبه کې یې بنګله دیش ته پر ماتې ورکولو سره دا اتلولي ترلاسه کړه. هند تر دې دمه د آسیا جام تر ټولو زیاتې ۷ اتلولۍ، سریلانکا ۵ او پاکستان ۲ اتلولي ګټلي دي.
لوبی
آریانا ټلویزیون د فیفا ۲۰۲۵ غوره فوټبال لوبغاړو د جایزو لسم پړاو مراسم خپروي
دا مراسم به په فیرمونټ کټارا سالون کې د پاري سنټ ژرمن او سي آر فلامنګو ترمنځ د فیفا انټرکانټینینټال جام له وروستۍ لوبې سره همهاله ترسره شي.
آریانا ټلویزیون په افغانستان کې د فیفا ۲۰۲۵ غوره فوټبال لوبغاړو مراسم پر ژوندۍ بڼه خپروي. د فیفا د څرګندونو له مخې؛ د جایزو دا تاریخي لسم پړاو د سېشنبې پر ورځ( د لیندۍ پېنځهویشتمه / د ډسمبر شپاړلسمه ) د قطر په دوحه کې ترسره او په کې به د نرینه او ښځینه فوټبال د مهمو جایزو ګټونکي اعلان شي.
دا مراسم به په فیرمونټ کټارا سالون کې د پاري سنټ ژرمن او سي آر فلامنګو ترمنځ د فیفا انټرکانټینینټال جام له وروستۍ لوبې سره همهاله ترسره شي.
په دې مراسمو کې به شاوخوا ۸۰۰ میلمانه؛ د فیفا رییس ګیاني اینفانټینو، د فیفا شورا غړي، د فوټبال افسانوي لوبغاړي او د فډراسیون غړي او استازي ګډون وکړي.
په جایزو کې غوره نرینه او ښځینه لوبغاړي، غوره روزونکي، ګولساتونکي او غوره ګولونه شامل دي.
ځانګړې جایزې لکه د فیفا د عادلانه لوبې جایزه او د مینهوالو جایزه به هم ورکړ شي. د ګټونکو په ټاکلو کې د مینهوالو له ۱۶ میلیون څخه ډېرې رایې رول لري.
په افغانستان کې د دې مراسمو مینهوال کولی شي په دې اړه وروستي معلومات د آریانا نیوز له اوبپاڼې، ټولنیزو پاڼو او د آریانا ټلویزیون د لیدلو له لارې ترلاسه کړي او د دغو مراسمو له ژوندۍ خپرونې خوند واخلي.
لوبی
کلکتې ته د مسي د سفر تنظیموونکی ونیول شو
د مراسمو تنظیم کوونکی ستاډرو دوټا د پولیسو لهخوا ونیول شو او هغه ژمنه وکړه، چې د ټکټونو لګښت به بیا ورکړ شي.
د ارجنټاین د فوټبال ستوري لیونل مسي د هند سفر د کلکتې په سالټ لیک لوبغالي کې له ګڼهګونې سره مخ او مینهوالو یې څوکۍ ماتې او شیان یې ډګر ته وغورځول. ټاکل شوې وه، چې مسي په دې لوبغالي کې ۴۵ دقیقې پاتې شي؛ خو له ۲۰ دقیقو وروسته ترې ولاړ.
د مراسمو تنظیم کوونکی ستاډرو دوټا د پولیسو لهخوا ونیول شو او هغه ژمنه وکړه، چې د ټکټونو لګښت به بیا ورکړ شي.
د لویدیځ بنګال اعلی وزیرې ممتا بنرجي د مسي او د هغه له مینهوالو بښنه غوښتې او د پېښې د بشپړې څېړنې او د مسوولانو د پېژندلو لپاره یې د یوې څېړنیزې کمېټې د جوړولو امر کړی دی.
مسي ټاکل شوې، چې هند ته د خپل سفر پر مهال د کلکتې، حیدرآباد، ممبي او نوي ډیلي په بېلابېلو پروګرامونو کې ګډون وکړي.
د لویدیځ بنګال ایالت د فوټبال د مینهوالو د زړهراکښونکې لېوالتیا او سپورټي ګډوډیو تاریخ لري او دا لومړی ځل ندی، چې د سالټ لیک لوبغالی د داسې پېښو شاهد دی.
لوبی
د افغانستان او هند ځوانو کرکټ لوبډلو په بنګلور کې د درې اړخیزه سیالیو اتلولي وګټله
دا سیالۍ یا ټورنمنټ د درې لوبډلو؛ د افغانستان له ۱۹ کلنو ټیټ عمره لوبډلې، د هند له ۱۹ کلنو ټیټ عمره الف لوبډلې او د هند له ۱۹ کلنو ټیټ عمره ب لوبډلې تر منځ تر سره شوې.
د افغانستان او هند له ۱۹ کلنو ټیټ عمره لوبډلو ترمنځ په بنګلور کې د درې اړخیزه کرکټ سیالیو وروستۍ لوبه د باران له کبله لغوه شوه او دواړو لوبډلو ګډه اتلولي خپله کړه.
دا سیالۍ یا ټورنمنټ د درې لوبډلو؛ د افغانستان له ۱۹ کلنو ټیټ عمره لوبډلې، د هند له ۱۹ کلنو ټیټ عمره الف لوبډلې او د هند له ۱۹ کلنو ټیټ عمره ب لوبډلې تر منځ تر سره شوې.
د افغانستان عبدالعزیز خان نومي د خپلې بې سارې هڅې له کبله د ټورنمنټ د غوره لوبغاړي جایزه وګټله او په دې ټورنمنټ کې یې ۱۳ ویکټې واخیستې.
له وروستۍ لوبې څخه مخکې هرې لوبډلې څلور لوبې کړې وې؛ د افغانستان له ۱۹ کلنو ټیټ عمره لوبډلې درې وګټلې او له ۱۲ نمرو سره د جدول په سر کې راغله.
-
تازه خبرونه3 days agoپه افغانستان کې پخوانیو روږدو ته تخنیکي او کارپنځوونکې زدهکړې ورکړ شوي
-
لوبی5 days agoآریانا ټلویزیون د فیفا ۲۰۲۵ غوره فوټبال لوبغاړو د جایزو لسم پړاو مراسم خپروي
-
تازه خبرونه4 days agoاسلامي امارت د تېل او ګاز خپلواکه اداره رامنځته کوي
-
تازه خبرونه4 days agoد افغانستان د ټرانزیټي ظرفیتونو پر کارولو د عراقچي ټینګار د ستاینې وړ دی – ذاکر جلالي
-
سیمه ییز خبرونه2 days agoپاکستان د غزې د ثبات په پلان کې د ګډون غوښتنې له ننګونې سره مخ کړ
-
تازه خبرونه3 days agoاروپايي ټولنې او نړيوال بانک د افغان کارپنځوونکو لپاره د کاري فرصتونو مرستندويه پروګرام پیل کړ
-
نړۍ4 days agoپه آسټرالیا کې پر یهودي نندارې پلار او زوی برید کړی – پولیس
-
تازه خبرونه1 day agoپه بدخشان کې د چینایي وګړو د شکمنو وژونکو پر ځاله افغان ځواکونو پرېکنده برید کړی
