تازه خبرونه
اصف علي دراني په افغانستان کې د ټي ټي پي د ۶ زره فعالو وسلوالو د حضور ادعا وکړه
پاکستانيو رسنیو څرګنده کړي، چې د افغانستان لپاره د پاکستان ځانګړي استازي اصف علي دراني د سولې د مطالعاتو په انسټیټیوټ کې د “افغانستان د سولې بهیر، د پاکستان ګټې او انتخابونه ” تر سرلیک لاندې غونډې ته ویلي؛ اسلامآباد داسې شواهد لري، چې ښيي ټي ټي پي د افغان استازو له لارې له هند څخه پیسې ترلاسه کوي.
پاکستانۍ ډان ورځپاڼې خبر ورکړی، چې د افغانستان لپاره د پاکستان ځانګړي استازي اصف علي دراني د خپل هېواد د سولې د مطالعاتو په انسټیټیوټ کې د “افغانستان د سولې بهیر، د پاکستان ګټې او انتخابونه ” تر سرلیک لاندې په جوړه شوې غونډه کې ویلي، چې له پېنځه څخه تر شپږ زره د ټي ټي پي وسلوال په افغانستان کې فعال حضور لري او د دې ډلې د غړیو شمېر له خپلو کورنیو سره ښايي اویا زره کسانو ته ورسېږي.
دې ورځپاڼې د اصف علي دراني د څرګندونو له مخې زیاته کړې: اسلامآباد داسې شواهد لري، چې ښيي؛ د پاکستان تحریک طالبان د افغانستان د استازو له لارې له هند څخه پیسې ترلاسه کوي او اټکل کېږي، چې د تحریک طالبان پاکستان له ۵ څخه تر ۶ زره پورې وسلهوالو افغانستان ته پناه وړې ده. که د دوی کورنۍ هم په پام کې ونیسئ، شمېر یې ۷۰ زره کسانو ته رسیږي.
د اسلامي امارت ویاند د دراني د دې ادعا په اړه وايي، چې دا څرګندونې د پاکستان رسمي چارواکو تائید کړې ندي.
د اسلامي امارت ویاند ذبیح الله مجاهد تل په افغانستان کې د ټي ټي پي او نورو وسلهوالو ډلو شتوالی رد کړی او ټینګار یې کړی، چې افغانستان هیڅ هېواد په ځانګړې توګه ګاونډ هېوادونو ته ګواښ ندی.
د سیاسي شنونکي سلیم پیګیر د څرګندونو له مخې؛ په افغانستان کې د اسلامي امارت له جوړېدو وروسته پاکستانيو چارواکو پر ځلونو ادعا کړې، چې تحریک طالبان پاکستان په افغانستان کې حضور لري او له دې هېواده پر پاکستان بریدونونه پلانوي. داسې ادعا چې د دواړو هېوادونو پر اړیکو یې اغېز کړی دی.
په همدې حال کې د پاکستان د نوي حکومت له جوړیدو سره اسلامي امارت هیله څرګنده کړې، چې د افغانستان او پاکستان اړیکې به ښې شي او د کابل او اسلامآباد ترمنځ شته ستونزې به د خبرو له لارې اوارې شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی