تازه خبرونه
امریکا اسلامي امارت منزوي کولی نشي ـ فارین افیرز مجله
امریکایي مجلې فارن افیرز په یوه لیکنه کې څرګنده کړې، چې امریکا نشي کولی اسلامي امارت منزوي کړي او د افغانستان په اړه د امریکا تګلاره له اسلامي امارت سره د سیمهییزو قدرتونو د نږدې اړیکو له کبله ناکامه شوې ده.
دغې مجلې په کابل کې د ۱۸ بهرنیو سفارتونو فعالیت او له افغانستان څخه بهر د اسلامي امارت د زیاتو سفارتونو او سیاسي استازولیو فعال حضور ته په نغوته کې زیاته کړې، چې د افغانستان اوسني حکومت په تېرو دوه کلونو کې ځواکمنې ډیپلوماټیکې هڅې کړې دي او د ګاونډ هېوادونو او د سيمې له بېلابېلو هېوادونو سره يې په پرلهپسې توګه خپلې اقتصادي اړيکې پراخې کړې دي.
فارین افیرز امریکايي مجله په خپل راپور کې ښيي، چې د افغان واکمنانو د چلند د بدلون په اړه د امریکا تګلاره؛ ځکه ناکامه شوې، چې له سیمهییزو قدرتونو سره د اسلامي امارت اړیکي نږې شوي.
په دغه راپور کې، چې امریکا نشي کولی اسلامي امارت منزوي کړي، ویل شوي؛ د انزوا پالیسي نوره اغېزمنه نده او امریکا باید نورې لارې هم ولټوي.
په راپور کې راغلي: په تېرو دوه کلونو کې سپینې ماڼۍ هڅه کړې، چې د افغانستان واکمن د ښځو او نجونو، د بشري حقونو او له ترهګرۍ سره د مبارزې په برخه کې د یوې نړیوالې اجماع په رامنځته کولو او منلو ځان اړ کړي؛ خو دغه هڅې د سیمهییزو قدرتونو، چین روسیې او ایران د تګلارو له کبله ناکامې شوې دي.
د فارن افیرز د راپور له مخې؛ د طالبانو( اسلامي امارت ) د ډیپلوماټیکې انزوا په اړه د اجماع له لاسه ورکول د واشنګټن او د هغه د ملګرو لپاره مهمې پوښتنې راولاړوي. پر رسمیت نهپېژندنه له دې وروسته د قهریه فشار په توګه کار نهورکوي او که امریکا د طالبانو( اسلامي امارت ) په چلند کې د نفوذ هڅه کوي؛ باید نورې لارې ومومي.
دغه راپور په دوحه کې د افغانستان په اړه د ملګرو ملتونو د دوهیمې غونډې له ترسره کېدو لږ مخکې د چین د ولسمشر شي جین پینګ لهخوا د اسلامي امارت د سفیر د باورلیک منل د امریکا پر مشرۍ د لویدیځ د اجماع پر وړاندې تر ټولو مهمه ننګونه بولي.
اسلامي امارت د افغانستان پر وړاندې د امریکا پر سیاستونو هم نیوکې کوي.
د اسلامي امارت ویاند ذبیح الله مجاهد وايي، چې د افغان حکومت په اړه د امریکا تګلاره بې اغېزې او ناکامه ده؛ خو اسلامي امارت د امریکا په ګډون له ټولو هېوادونو سره ښې اړیکې غواړي او هېوادونه باید د افغانستان د انزوا هڅه ونکړي.
د سیاسي شنونکي عزیز معارج د څرګندونو له مخې؛ دغې مجلې په کابل کې د ۱۸ بهرنیو سفارتونو فعالیت او له افغانستان څخه بهر د اسلامي امارت د زیاتو سفارتونو او سیاسي ادارو فعال حضور ته په نغوته کې زیاته کړې، چې د افغانستان اوسنی حکومت په تېرو دوه کلونو کې له اسلامي امارت سره د اړیکو د ټینګولو لپاره ځواکمنې ډیپلوماټیکې هڅې کړې دي. د ګاونډ هېوادونو او د سيمې له بېلابېلو هېوادونو سره يې په پرلهپسې توګه خپلې اقتصادي اړيکې پراخې کړې دي.
ویل کیږي، چې امریکا به له اسلامي امارت سره هغه وخت تعامل پیل کړي، چې په افغانستان کې ټولګډونه حکومت جوړ شي او افغان چارواکي بشري حقونو په ځانګړې توګه د ښځو حقونو ته درناوی وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی