تازه خبرونه
افغانستان اقتصادي او بشري ملاتړ ته اړتیا لري
په بشري چارو کې د ملګرو ملتونو د سرمنشي مرستیال له نړیوالې ټولنې غوښتي، چې په افغانستان کې د اقتصادي او بشري بحران د اواري لپاره اقتصادي مرستې وکړي.
مارتین ګریفیتس څرګندوي: یوازې بشري مرستې د افغانستان کړکېچ نشي اوارولی او په دې هېواد کې د اقتصاد، بانکي سیستم او بنسټیزو خدمتونو پیاوړتیا ته اړتیا ده.
مارتین ګریفیتس وايي؛ په افغانستان کې ۲۵ میلیون وګړي په بېوزلۍ کې ژوند کوي، چې ۶،۶ میلیون وګړي یې د خوراکي توکو د نه خوندیتوب په بېړني حالت کې دي.
مارتین ګریفیتس وايي، په افغانستان کې د بشري او اقتصادي بحران د حل لپاره یوازې بشري مرستې کافي ندي او د دې ننګونې د حل لپاره د افغانستان د اقتصاد، بانکي سیستم او بنسټیزو خدمتونو د پیاوړتیا لپاره ملاتړ ته اړتیا ده.
مارتین ګریفیتس وایي: نولس میلیون وګړي، چې د افغانستان د نفوسو نیمایي برخه جوړوي؛ د خوراکي توکو له نه خوندیتوب سره مخ دي، چې شپږ اعشاریه شپږ میلیون وګړي د خوراکي توکو د نه خوندیتوب په بېړني حالت کې دي. دا نن په نړۍ کې تر ټولو لوړه شمېره ده، چې مونږ یې لرو. له دغو خلکو سره د مرستې لپاره بودجې ته اړتیا ده؛ نو مونږ له درې عمده ستونزو سره مخ یوو؛ د بودیجې نشتوالی، د ۷۰ سلنې ځوانانو او لویانو وزګارتیا او انفلاسیون، چې د خلکو نیمایي عاید پر خوراکي توکو لګیږي.
اسلامي امارت ویلي، چې په افغانستان کې اقتصادي او بشري ستونزې د غربي سیاستونو او نړیوالو بندیزونو پایله ده. د لویدیځ چلند د افغانانو ژوند له کړاوونو سره مخ کړی دی.
د بهرنیو چارو وزارت ویاند عبدالقهار بلخي وایي: د بندیزونو او شتمنیو کنګل کېدو پر سوداګریزو بانکونو، د افغانستان بانک او خصوصي سکتور اغېزه کړې ده. د نننۍ ستونزې یوه لویه برخه د نړیوالې ټولنې په کړنو کې ریښه لري. بشري وضعیت ته له کتو سره، زمونږ لومړیتوب بشري بنسټونو ته د لاسرسي اجازه ورکول دي. خیریه موسسې د افغانستان هر ګوټ ته د خلکو د مرستې لپاره تلای شي. مونږ منځمهاله او اوږدمهاله پلانونه لرو، چې افغانستان باثباته او پر ځان بسیا کړو.
بلخي د خپلو خبرو پر وخت په حکومت کې د اصلاحاتو يادونه هم وکړه او وایي، چې نوې څېرې او استعدادونه به په کې شامل شي.
عبدالقهار بلخي دا هم په ډاګه کړې: مونږ هېڅکله ندي ویلي، چې دا د حکومت وروستۍ بڼه ده او نه به نور اصلاحات او پرمختګونه په کې رامنځته شي؛ نوي استعدادونه به په کې ور اضافه شي او مونږ د داسې حل لارو په لټه کې یوو، چې افغانستان ته نورې ستونزې جوړې نکړي.
په افغانستان کې د یو شمېر بشري ټولنو او بنسټونو چارواکي هم د وضعیت له پېچلتیا او په افغانستان کې د بشري ناورین د شدت په اړه اندېښمن دي.
په افغانستان کې د سره صلیب د نړیوالې کمیتې استازی پیر کورنبویل وایي: په افغانستان کې د اوسنیو ژورو بشري ستونزو درې عمده لاملونه دي؛ د څلورو لسیزو جګړو میراث، له افغانستان سره د مرستو په اړه د نړیوالې اجماع نشتوالی، اقتصادي بندیزونه او د بانکي شتمنیو کنګل کېدل هغه مسایل دي، چې په افغانستان کې یې بشري ناورین نور هم پراخه کړی دی.
په افغانستان کې د سرې میاشتې د نړیوالې کمیتې مشر ایلوی فلین ویلي: د افغانستان د خلکو بشري ستونزې ورځ تر بلې پېچلې کیږي؛ په افغانستان کې بانکي سیستم سم کار نکوي، خصوصي سکتور د پانګونې او دندو په پیدا کولو کې له ستونزو سره مخ دی، په نړیوالو بازارونو کې د توکو بیې لوړې شوي دي. د اوکراین د کړکیچ په تړاو نړیوال وضعیت مخ پر خرابېدو دی او وضعیت یې د افغان کورنیو لپاره ستونزمن کړی دی.
په افغانستان کې د خواړو نړیوال پروګرام مشره ماری هیلین مکګورټي وایي؛ په افغانستان کې وضعیت خورا نازک دی. میلیونونه افغانان لږ تر لږه د ورځې یو ځل د ځان او خپلو کورنیو د خوراک لپاره کافي خواړه نلري. دا حقیقت، چې ښځې او نجونې کار نشي کولی بشري ناورین نور هم مخ پر ډېرېدو دی.
ویل کیږي، چې له شپږم ټولګي څخه پورته نجونې ښوونځيو ته د تګ اجازه نلري، د ښځو لپاره د کاري فرصتونو او د یوه ټولګډونه حکومت نشتوالی هغه لاملونه دي، چې د اقتصادي ودې په برخه کې د نړیوالې ټولنې د نه لیوالتیا لاره یې اواره کړې ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ