Connect with us

تازه خبرونه

افغانستان هم لکه اوکراین د نړیوالې ټولنې تعامل او مرستې ته اړ دی – پاکستان

خپور شوی

د

Last Updated on: تله ۱۷, ۱۴۰۱

د پاکستان د بهرنیو چارو وزیر بلاول بوتو زرداري له نړۍ غواړي، چې له افغانستان سره اوکراین ته ورته مرسته وکړي او پرې نږدي، چې د افغانستان انزوا د سیمې د هېوادونو لپاره سرخوږی شي.

نوموړي په آلمان کې یوې ګډې خبري ناستې ته څرګنده کړې؛ که نړیواله ټولنه غواړي د افغانستان په اړه خپلې اندېښنې پای ته ورسوي، باید له ( افغان حکومت) سره خبرې او تعامل وکړي.

د پاکستان د بهرنیو چارو وزیر وايي، نړیواله ټولنه کولی شي، چې د افغانستان په اړه د خپلو اندېښنو د حل لپاره د دغه هېواد له حکومت سره مستقیمې اړیکې ټينګې کړي.

د پاکستان د بهرنیو چارو وزیر بلاول بوتو زرداري وایي: زه فکر کوم؛ مونږ کولی شو هغه ستونزې له منځه یوسو، چې اوس ورسره مخ یوو او په افغانستان کې له لنډمهالي حکومت سره خبرې اترې کولی شوو. افغانستان اوس یو حکومت او یو واکمن نظام لري، چې د تعامل له لارې کولی شو ښې پایلې تر لاسه کړو.

د پاکستان د بهرنیو چارو وزیر، چې جرمني ته تللی له خپل جرمني سیالې سره یې  په یوه ګډه خبري غونډه کې د افغانستان له حکومته وغوښتل، چې د بشري حقونو او ټولګډونه حکومت په برخو کې د افغانانو او نړیوالې ټولنې هیلې پوره کړي.

بلاول بوتو زرداري ویلي: مونږ اوس هم هیله لرو، چې واکمن چارواکي به د بشري حقونو د درناوي، د حکومت د ټولګډونه کولو او له ترهګرۍ سره د مبارزې په برخو کې د افغانستان د خلکو او نړیوالې ټولنې هیلو ته ځواب ووايي. افغانستان د اوکراین په څير د نړۍ ملاتړ ته اړتیا لري، خو دا ملاتړ هغه وخت تر لاسه کولی شي، چې لنډمهالی حکومت له نړیوالې ټولنې سره د مثبت تعامل پر لوري ګامونه پورته کړي.

د پاکستان د بهرنیو چارو وزیر له نړیوالې ټولنې غوښتي، چې د بشري حقونو پر مسلې دې سیاست نکوي.

بلاول بوتو زرداري وایي: مونږ په دې باور یو، چې د مرستندویه بنسټونو او ټولنو فعالیت او د بشري حقونو مسله سیاسي کول اړینه نده.  دا به مناسبې پایلې ونلري. دا بنسټونه باید د خپلو فعالیتونو په ترسره کولو کې خپلواک پاتې شي او د بشري حقونو له مسلې سیاسي ګټه پورته نشي.

هغه له ټولو هېوادونو غواړي، چې د اوکراین په څېر له افغانستان سره مرسته وکړي او پرې نږدي، چې د افغانستان انزوا او ګوښه کېدل او د دغه هېواد اقتصادي سقوط د نړۍ د ټولو هېوادونو لپاره نوې سرخوګۍ رامنځته کړي.

د جرمني د بهرنیو چارو وزیرې هم د افغانستان له خلکو سره د خپل هېواد د بشري مرستو پر دوام ټینګار څرګند کړ.

هغه وايي، چې برلین د پاکستان په همکارۍ د افغانانو د ایستلو دوه پړواوونه بشپړ کړي او اوس پر درېیم پړاو کار کوي.

د آلمان د بهرنیو چارو وزیرې د افغانستان له خلکو سره د خپل هېواد د بشري مرستو پر دوام ټینګار وکړ.

اسلامي امارت د اسلامي شريعت په چوکات کې د ښځو او نجونو حقوقو ته درناوي ته ځان ژمن ګڼي او په وار وار يې په حکومت کې د اصلاحاتو راوستلو ته ژمنه کړې ده.

د جمهوريت له سقوط او د اسلامي امارت له جوړېدو وروسته په سلګونه زره کسان له افغانستان څخه ووتل او پاکستان ته ولاړل، چې له دې هېواده د اروپا، کانادا، امریکا او استرالیا ته ځانونه ورسوي.

تازه خبرونه

چینايي کارګر د افغانستان پولې ته نږدې د لویې لارې جوړولو کار ته راستانه شول

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

Published

on

اوراسیانټ رسنۍ راپور ورکړی، چې چینایي کارګر له څو میاشتو ځنډ وروسته د تاجکستان د دوشنبه–کولما لویې لارې د یوې برخې د جوړولو کار بېرته پیل کړی دی.

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

اوراسیانټ لیکلي، چې تاجکستاني چارواکو بېجینګ ته د امنیتي ډاډ پر ورکولو د دې پروژې د بیا پیل زمینه برابره کړې او اوس د تاجکستان ځانګړي امنیتي ځواکونه د چینايي کارګرو امنیت ساتي.

په راپور کې راغلي؛ ټاکل شوې، چې د چین او تاجکستان امنیتي ځواکونه په سپټمبر کې ګډ پوځي روزنیزې هڅې ترسره کړي.

له دې مخکې دواړو هېوادونو د روان کال په می کې د «دوستۍ تړون» لاسلیک کړی و، چې د چینايي شرکتونو په ګډون یې د ۸ میلیارډ ډالرو پر ارزښت قراردادونو ته لاره هواره کړې ده.

Continue Reading

تازه خبرونه

هیڅ ګاونډ هېواد خپل بل ګاونډی له منځه وړلی نه‌شي؛ جګړه د حل لار نه‌ده – عبدالسلام حنفي

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

Published

on

د ریاست‌الوزراء اداري مرستیال عبدالسلام حنفي وایي، هیڅ ګاونډ هېواد نه‌شي کولی بل ګاونډ هېواد له منځه یوسي او د اختلاف په صورت کې دواړه لوري زیانمن کېږي.

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

عبدالسلام حنفي ویلي:« که مونږ له یو بل سره جګړه وکړو، ټوله انرژي به مو د یو بل پر ویجاړولو ولګیږي؛ ولې باید په دې پېړۍ کې خپله انرژي د ملتونو د پرمختګ لپاره ونه‌کاروو؟»

هغه د نړیوالو جګړو تجربو ته په نغوته کې ویلي: هغه هېوادونه، چې پخوا په جګړو کې ښکېل ول؛ اوس دې پایلې ته رسېدلي، چې جګړه حل نه‌ده او باید د پرمختګ او همکارۍ پر لوري حرکت وشي.

د ریاست‌الوزراء اداري مرستیال ټینګار کړی، چې د اسلامي امارت سیاست له ټولو هېوادونو سره د متقابل احترام او نه‌لاس‌وهنې پر بنسټ سوله‌ییز ژوند دی.

هغه زیاته کړې؛ د همدې سیاست له مخې هیڅ فرد یا ډله اجازه نه‌لري، چې د افغانستان له خاورې د نورو هېوادونو پر ضد استفاده وکړي او په مقابل کې هیڅ هېواد هم د افغانستان په کورنیو چارو کې د لاسوهنې حق نه‌لري.

حنفي همدارنګه ویلي، چې په دې نندارتون کې د کورنیو تولیداتو نندارې ته وړاندې کول د افغانستان د صنعتي ودې ښکارندویي کوي.

هغه زیاته کړې، چې څو لسیزو جګړو افغانستان له هر اړخه زیانمن کړی او اسلامي امارت د جګړې د پایلو د کمولو او د سوداګرۍ د پراختیا لپاره هڅې کوي.

حنفي وایي؛ هڅه کېږي، چې افغانستان له وارداتي هېواد څخه پر صادراتي هغه بدل شي.

هغه د صنعتکارانو د ملاتړ لپاره د شاوخوا ۲۵ ډول آسانتیاوو د برابرولو یادونه کړې، چې په کې د صنعتي ځمکو وېش، د مالیاتي معافیتونو او نورو آسانتیاوو برابرول شامل دي.

هغه له پانګه‌والو غوښتي، چې د هېواد په کانونو او نورو برخو کې پانګونه وکړي او له رامنځته شویو فرصتونو څخه بشپړه ګټه واخلي.

Continue Reading

تازه خبرونه

روسیې له افغانستان او پاکستان څخه د اختلافونو د ډیپلوماټیک حل غوښتنه وکړه

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

Published

on

 

د روسیې بهرنیو چارو وزارت له افغانستان او پاکستان وغوښتل، چې د وروستیو ترینګلتیاوو د پای ته رسولو لپاره خپل اختلافونه د خبرو او ډیپلوماټیکو لارو حل کړي.

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

مسکو ټینګار کړی، چې اسلام‌‌آباد او کابل باید وسله‌والې نښتې پای ته ورسوي او خپل اختلافونه د سیاست او ډیپلوماسۍ له لارې حل کړي.

دا په داسې حال کې ده، چې پاکستان افغانستان د وسله‌والو ډلو پر پناه ورکولو تورنوي؛ خو اسلامي امارت دا تور ردوي او څرګندوي: په پاکستان کې ناامني د هغه هېواد خپله کورنۍ مسئله ده؛ اسلامي امارت هیچاته اجازه نه‌ورکوي، چې د افغانستان خاوره د نورو هېوادونو پر ضد وکاروي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117