تازه خبرونه
افغان حکومت د دوحې ناستې هیله بښوونکي بولي
په داسې حال کې، چې افغان پلاوی له طالب استازیو سره د قطر په کوربتوب او د آلمان پر مدیریت په جوړیدونکې ناسته کې د ګډون لپاره دوحې ته رسیدلی؛ ولسمشرۍ ماڼۍ دا ناسته د افغان حکومت او طالبانو د رسمي مذکراتو د پیل لپاره هیله بښوونکي بولي.
ولسمشرۍ ماڼۍ د طالب استازیو او امریکایانو د اووم پړاو خبرې برخلیک ټاکوونکي بولي او ټینګار کوي، چې د دې هڅو په پایله کې ښایي تر دوه میاشتو پورې له طالبانو سره د سولې لومړنۍ هوکړه وشي.
د ولسمشرۍ ویاند صدیق صدیقي ویلي، چې مونږ تر راتلونکیو دوه میاشتو هڅه کوو، چې پدې اړه نه یوازې د څرګندو او ښکاره پرمختګونو لیدونکي شو، بلکې لږ تر لږه د دواړو خواوو هغه لومړنۍ هوکړه ، چې د حکومت او طالبانو خبرې دي؛ رامنځته شي.
حکومت تمه لري، چې د دوحې په ناسته کې به د حکومت استازي په غیر رسمي توګه طالبانو ته د دولت دریځ ورسوي.
د اجرائیه رییس د ویاند مرستیال امید میثم ویلي؛ مونږ هیله من یو، چې دغه ناستې او خبرې به د بین الا فغاني ناستې پیل ته زمینه برابره کړي.
اوس هم د دې ناستې په تړاو ځینې اندېښنې شتون لري.
رسنیزه مخکښه فریده نیکزاد ویلي، چې د خبرو پلاوی باید ملي ګټېو ته لومړیتوب ورکړي او همغږي رامنځته کړي.
رسنیز مخکښ دانش کړوخېل وایي؛ زمونږ غوښتنه داده، چې د ناستې ګډونوال ځانګړې غوښتنې نه، بلکې د خلکو هغه وړاندې کړي.
که څه هم د طالب استازیو او امریکایانو د اووم پړاو خبرو او د افغانانو د خپلمنځي ناستې د پایلو په تړاو هیلې ډېرې دي؛ خو طالبانو ته نږدې سرچینې په دوحه کې د افغانانو خپلمنځي ناسته د طالبانو او حکومت د رسمي مذاکراتو د پیل لپاره پیاوړې نه بولي.
پخوانی طالب سید اکبر آغا وایي، چې دا ناسته یوازې د نظرونو د اوریبدلو ده او داسې پایله به ونلري، چې د افغانستان برخلیک اغېزمن کړي.
دا په داسې حال کې ده، چې له امریکایانو سره د خبرې کوونکي پلاوي غړی او ویاند سهیل شاهین په ډاګه کړې، چې: نن هم له امریکایانو سره په خاصو ګروپونو کې مذاکرات روان ول. سبا او بله ورځ به د بین الافغاني کانفرانس له کبله له امریکایي پلاوي سره خبرې نه وي. پر نهم د جولای به بیا مذاکرات پیل شي. مونږ د مذاکراتو له پرمختګه راضي یو او هیله من یم، چې پاته کار هم ژر بشپړ شي. تراوسه له کوم خاص خنډ او ځنډ سره نه یو مخ شوي.
دا په داسې حال کې ده چې خلیلزاد هم د اووم پړاو خبرې ګټورې نومولي او وایي، چې دا پړاو خبرې هم له پرمختګونو ډکې وې.
وبه کتل شي، چې د سولې لپاره روانې هڅې به د سولې د ټینګښت سبب شي او که نه؟
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه