سیمه ییز خبرونه
امريكا د پاكستان په وړاندې د افغان ولسمشر له دريځه ملاتړ كوي- كراكر
په كابل كې د امريكا سفير، چې مزارشريف ته تلى وايي، چې:
د پاكستان په وړاندې افغانستان او امريكا يو شان دريځ لري او پاكستان بايد له ترهگرو ډلو سره اړيكې پرې كړي.
هغه وويل، چې پاكستان د افغانستان په مسايلو كې ښكېل هېواد دى او پكارده، چې د افغانستان دايمي سولې لپاره له پاكستان سره خبرې وشي.
رايان كراكرپه بلخ ولايت دولتي چارواكو ته وويل، چې:
امريكا د ولسمشرله هغه دريځه ملاتړ كوي، چې په دې وروستيو كې يې د پاكستان په وړاندې خپل كړى دى.
د هغه په وينا په افغانستان كې د سولې او ثبات لپاره پكارده، چې له پاكستان سره خبرې وشي.
هغه د بلخ له والي عطا محمد نورسره په گډه خبري غونډه كې وويل، چې:
د پاكستان په وړاندې د افغانستان او امريكا دريځ يو شان دى او پاكستان ته يې خبردارى وركړ، چې له ترهگرو سره هر ډول اړيكې پرې كړي.
د هغه په وينا:
دوى ژمن دي، چې د پاكستان په مرسته په سيمه كې روانه سخت دريځي له منځه يوسي.
په كابل كې د امريكا سفير راين كراكر تاكيد كړى، چې :
له شك پرته د افغانستان د ثبات لپاره بايد پاكستان د خبرو يو اړخ وي. دا، چې پاكستان د افغانستان په مسايلو كې ښكېل دى؛ نو بايد له تروريزم سره په خپله مبارزه كې صداقت وښيي.
كراكرزياته كړه، چې:
دوى به په افغانستان او سيمه كې پر وسله والو مخالفينو او اورپكو خپل پوځي فشارونه نورهم زيات كړي.
دهغه په وينا:
امريكا له افغانستان سره ستراتيژيكې او دوامداره اړيكې غواړي او له همدې لامله پر ستراتيژيك تړون هم كارروان دى.
كراكر څرگندوي:
امريكا غواړي، چې له افغانستان سره اوږد مهاله ملگري ولري. مونږ به د يوه مهم شريك په توگه له افغانانو سره د امنيت، اقتصاد، ښوونې، روزنې او په نورو برخو كې مرسته او همكاري كوو، چې په همدې حال كې له افغانستان سره ستراتيژيك تړون لاسليك كېدونكى دى.
مزارشريف ته د امريكا د سفير په توگه د راين كراكر د لومړني سفر په درشل كې سيمه ييز چارواكي وايي، چې:
رايان كراكر په مزارشريف كې د امريكا د كونسلگرۍ د جوړولو او نورو پرمختيايي پروژو پر سرهم له دوى سره خبرې كړي دي.
سیمه ییز خبرونه
په پاکستان کې پر پراخو غوندو بندیز ولګول شو
د امریکا پرقونسلګرۍ د برید پېښه هغه مهال رامنځته شوه، چې د پاکستان په بېلابېلو ښارونو کې د ایران د ستر رهبر له وژنې وروسته د لاریونونو څپه راپورته شوه.
د رویټرز خبري سرچینې د دوه امریکایي چارواکو د څرګندونو له مخې راپور ورکړی، چې د امریکا سمندري ځواکونو په کراچۍ کې د امریکا پر قونسلګرۍ د برید پر مهال پر لاریونکوونکو ډزې کړې دي. دا په یوه ډیپلوماټیک ماموریت کې یوه نادره پېښه ده، چې کولی شي په پاکستان کې تاوتریخوالی ډېر کړي.
امریکايي چارواکو ویلي؛ دا اوس هم روښانه نده، چې د سمندري ځواکونو لهخوا په ډزو کې چاته مرګ او ژوبله اوښتې او که نه؛ خو د یکشنبې پر ورځ د راپورونو له مخې لږ تر لږه ۱۰ لاریونکوونکي هغه وخت ووژل شول، چې د قونسلګرۍ له بهرنۍ دیوال څخه ورتېر شول.
د سند ایالت د حکومت یوه ویاند ویلي، چې “امنیتي ځواکونو” ډزې کړې دي؛ خو جزئیات یې ندي ورکړي. خبري سرچینو راپور ورکړی، چې ځینو عیني شاهدانو د قونسلګرۍ شاوخوا ډزې اوریدلي او اوښلن ګاز یې لیدلی دی.
امریکا په اسلامآباد کې پر خپل سفارت سربېره په لاهور او پېښور کې هم قونسلګرۍ لري.
ویل کیږي، چې په پاکستان کې د امریکا د ډیپلوماټیکو ماموریتونو شاوخوا امنیت ټینګ شوی او د کراچۍ قونسلګرۍ ته تلونکې لارې تړل شوې دي.
سیمه ییز خبرونه
اسرائیل په منځني ختیځ کې پر لبنان هوايي بریدونه وکړل
د اسرائیل پوځ ویلي، چې دوی له لبنان څخه توغول شوی یو توغندی شنډ کړی او نور یې په ډاګونو کې کې غورځیدلي دي.
اسرائیل د دوشنبې پر ورځ( د کب یوولسمه) په تهران او په لبنان کې د حزب الله پر مرکزونو له هغې وروسته تازه هوایي بریدونه وکړل، چې حزبالله وویل: د ایران د ستر رهبر علي خامنهیي د وژنې په غچ کې یې پر اسرائیلو راکټونه او څارګرې وتوغول.
د اسرائیل پوځ ویلي، چې دوی له لبنان څخه توغول شوی یو توغندی شنډ کړی او نور یې په ډاګونو کې کې غورځیدلي دي.
د بیروت پر جنوبي څنډو هم هوایي بریدونه شوي، چې په کې د حزبالله لوړ پوړي قومندانان میشت دي او لسګونه چاودنو ملکي وګړي تېښتې ته اړ کړي دي.
تاوتریخوالی روان ساتل شوی؛ ځکه، چې له تېرې شنبې راپدېخوا په منځني ختیځ کې وضعیت خورا کړکېچن دی؛ د ایراني اهدافو پر وړاندې د امریکا او اسرائیلو له ګډو بریدونو وروسته د تېلو بیې هم لوړې شوې دي.
د ایران ولسمشر مسعود پزشکیان اعلان کړی؛ مشرتابه شورا، چې زه، د قضایي قوې رییس او د شورای نګهبان یې غړي دي پر لنډمهاله توګه د ستر رهبر دنده پر غاړه اخیستې ده.
د امریکا ولسمشر ډونالډ ټرمپ په یوه ویډیو کې ویلي، چې د ایران پر وړاندې به پوځي عملیات تر هغه وخته پورې روان وي، چې “ټول اهداف ترلاسه شي” او له ایرانیانو یې وغوښتل، چې د خپل حکومت پر وړاندې راپورته شي.
د رویټرز د څرګندونو له مخې؛ د امریکا پوځ تر اوسه پورې له ۱۰۰۰ څخه زیات ایراني پوځي اهداف پر نښه کړي دي او په دې عملیاتو کې درې امریکایي سرتېري وژل شوي دي.
سیمه ییز خبرونه
د ایران لنډمهالې رهبرۍ شورا د جوړېدا په درشل کې چارواکو د سخت غبرګون اعلان وکړ
وروستیو بدلونونو ته په نغوته کې لاریجاني ویلي، چې د ایران خلکو د هېواد د وېشلو هڅو پر وړاندې مقاومت کړی او وسلوالو ځواکونو پر بشپړ چمتووالي د عملیاتو د دوام لپاره زمینه برابره کړې ده.
د ایران ملي امنیت عالي شورا عمومي منشي علي لاریجاني اعلان کړی، چې د لنډمهالې رهبرۍ شورا به نن جوړه شي؛ په پرونۍ غونډه کې یې چمتووالی نیول شوی و.
وروستیو بدلونونو ته په نغوته کې لاریجاني ویلي، چې د ایران خلکو د هېواد د وېشلو هڅو پر وړاندې مقاومت کړی او وسلوالو ځواکونو پر بشپړ چمتووالي د عملیاتو د دوام لپاره زمینه برابره کړې ده.
هغه دا خبرداری هم ورکړی، چې د تېري هر ډول عمل به بې ځوابه پاتې نشي.
هغه زیاته کړې؛ ایران له برید مخکې د سویس سفارت له لارې امریکا ته خبرداری ورکړی و، چې د هر برید په صورت کې به د امریکا پوځي اډې پر نښه شي.
د نوموړي د څرګندونو له مخې؛ که څه هم راتلونکې ورځې ممکن له لوړو او ژورو سره مل وي، خو “لید به روښانه وي.”
دغه راز د ایران پارلمان رییس محمد باقر قالیباف ټینګار کړی، چې امریکا او اسرائیل ” له سرې کرښې واوښتل” او باید بیه یې پرې کړي.
هغه زیاته کړې، چې د ایران ځواب به کلک وي.
د لنډمهاله مشرتابه شورا جوړېدا په داسې وخت کې رامنځته کیږي، چې په سیمه کې کړکېچ تر ټولو لوړې کچې ته رسېدلې او د ایران سیاسي راتلونکی په یوه حساس پړاو کې دی.
-
سیمه ییز خبرونه2 days agoد ایران لنډمهالې رهبرۍ شورا د جوړېدا په درشل کې چارواکو د سخت غبرګون اعلان وکړ
-
تازه خبرونه2 days agoافغان امنیتي ځواکونو په تورخم کې پاکستان ته درانده زیانونه واړول
-
تازه خبرونه2 days agoپه افغانستان کې د پاکستان پر شپنیو بریدونو عام وګړي زیانمن شول
-
تازه خبرونه1 day agoد پاکستان پر اړینو پوځي اډو اغېزمن هوايي بریدونه ترسره شول – ملي دفاع وزارت
-
تازه خبرونه1 day agoافغانان باید دښمن ته د مداخلې زمینه برابره نکړي – زلمی خلیلزاد
-
څار3 days agoڅار: د پاکستان پر وړاندې د افغانستان غچ اخیستونکي عملیات
-
سیمه ییز خبرونه1 day agoاسرائیل په منځني ختیځ کې پر لبنان هوايي بریدونه وکړل
-
تازه خبرونه2 days agoد افغان ځواکونو په غچ اخیستونکو بریدونو کې دښمن ته درانده زیانونه واوښتل

