تازه خبرونه
امریکا په افغانستان کې د زرګونه سرتېرو ساتنې ته ژمنه ده- کري
![](https://www.ariananews.af/wp-content/uploads/2016/05/vlcsnap-2016-05-20-15h18m46s44.jpg)
د امریکا د بهرنیو چارو وزیر یو ځل بیا پر خپلې هغې ژمنې، چې واشنګتن به افغانستان یوازې نه پریږدي، ټینګار کوي.
له ۲۰۱۶ کال وروسته د ناتو د پریکنده ملاتړ د ماموریت دوام او تر دوه زره شلم کال پورې له افغان ځواکونو مالي ملاتړ د ناټو تړون د غړیو هېوادونو د بهرنیو چارو وزیرانو د غونډې اصلي برخه ده. دغه تړون، چې په افغانستان کې خپل ماموریت پای ته رسیدلی نه بولي او د ناتو امنیت د افغانستان له ثبات سره تړلی بولي.
د امریکا د بهرنیو چارو وزیرجان کري وایي، مونږ د پریکنده ملاتړ د ماموریت پرمختګ او د افغانستان امنیتي ځواکونو ته د مالي مرستو د دوام اړتیا څېړو. دغه راز یوه طرحه تر لاس لاندې ده، چې پر بنسټ یې له ۲۰۱۶ کال وروسته نوی او انعطاف منونکی حضور وڅېړو. ټینګار کوم، چې امریکا د افغانستان په ستره برخه کې د نهه زره اته سوه سرتېرو ساتنې ته سږکال ژمنه ده او دا، چې له دې وروسته به پېنځه زره پېنځه سوه سرتېري هغه هېواد کې وساتو، چې درې زره څلور سوه سرتېري به د ناتو د مسوولیتونو تر سره کیدو ته وګمارل شي.
افغان ځواکونه په دې اند دي، چې د ترهګرۍ په وړاندې په روانه جګړه کې به نړۍ هم آرامه پاتې نه شي.
دغه ځواکونه وایي، چې نړیواله ټولنه باید دوی یوازې پرینږدي او د افغان ځواکونو د تجهیز له پاره جدي ګامونه واخلي.
د ولسمشرۍ ماڼۍ مرستیال ویاند دواخان مینه پال هم له افغانستان څخه د امریکا اوږدمهال ملاتړ یوه جدي اړتیا بولي.
دا مهال افغانستان کې شاوخوا دولس زره بهرني سرتېري د افغان ځواکونو د روزنې او تجهیز ماموریت پر مخ وړي او د امریکا له پاره د افغانستان جګړه تر ټولو اوږده جګړه وه. دغه هېواد د میلیاردونو دالرو په لګولو هڅه وکړه، چې ترهګرې ډلې وځپي او افغان ځواکونه هم په پښو ودروي؛ خو په دې جګړه کې، چې له دوه زره ډېر امریکایي سرتیري وژل شوي د پای نښې نه لیدل کیږي او د هرې ورځې په تېریدو یې لمن پراختیا مومي.
![](https://www.ariananews.af/wp-content/uploads/2020/09/ATNNewsNewLogo2020.png)
تازه خبرونه
د نظام په ساتنه او تینګښت کې د خلکو همکاري ډېره مهمه ده – رییس الوزراء
وموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
![](https://www.ariananews.af/wp-content/uploads/2024/06/222.jpg)
د افغانستان اسلامي امارت رییس الوزراء ملا محمد حسن اخوند په خپل اختر پیغام کې د هېواد له خلکو وغوښتل، چې له اسلامي نظام ملاتړ وکړي؛ ځکه د نظام په ساتنه او ټینګښت کې د خلکو ملاتړ اړین دی.
ملا محمد حسن اخوند ویلي: خلکو ته زما پیغام دا دی، چې له خپل اسلامي نظام څخه ټینګ ملاتړ وکړي، په ښو کارونو کې له مسوولینو سره همکاري وکړي، ځکه د نظام په ساتنه او ټینګښت کې د ولس همکاري ډېره اړینه ده.
نوموړي د اسلامي امارت له چارواکو هم وغوښتل، چې له خلکو دې خپله مرسته نه سپموي.
هغه له مسلمانانو په تېره بیا له حاجیانو وغوښتل، چې د فلسطین خلکو ته دعا وکړي او له فلسطینیانو سره پر پیوستون او مرستې یې هم ټینګار وکړ.
د اسلامي امارت ویاند ذبیح الله مجاهد هم د ملا محمد حسن اخوند خبرې راخیستي، چې ویلي یې دي: هغه پر امنیتي ځواکونو او د امارت پر ټولو ادارو غږ کړی، چې خلکو ته ښه خدمات وړاندې کړي. نوموړي له خلکو وغوښتل، چې له اسلامي امارت او نظام سره نوره خواخوږي او همکاري وکړي، د بیارغونې په پروژو او اقتصادي پروګرامونو کې ونډه واخلي او له امنیتي ځواکونو سره همکاري وکړي.
دغه راز په پخواني حکومت کې د ملي روغې جوړې عالي شورا رییس عبدالله عبدالله هم له خلکو غوښتي، چې د افغانستان د خلکو ملي ګټو، ملي یووالي، قومي، مذهبي او کلتوري تنوع ته دې درناوي او پاملرنه وکړي، چې د سولې او سولهییز ژوندانه زمینه برابره شي.
عبدالله عبدالله د اختر په مناسبت په خپل پیغام کې ویلي، چې د افغانستانآابادي او پرمختګ په یووالي، همکارۍ او د ټولو هېوادوالو لپاره د تعلیم او کار د مشروع حقونو په برابرولو کې نغښتی دی.
نوموړي په دغه پيغام کې د افغانستان له خلکو سره د نړيوالو ټولنو د مرستو د دوام غوښتنه کړې ده.
دې ته ورته نور خبرونه:
شتمن هېوادوال دې د خوراکي توکو بیې راټیټې او له بېوزلو سره مرسته وکړي – رییس الوزراء
اسلامي امارت امنیت خوندي کړی او د دښمنانو د شومو پلانونو مخه یې نیولې – ملا محمد حسن آخوند
تازه خبرونه
په غور ولایت کې سېلاب ځپلیو ته د ښارګوټي جوړولو کار پیل شو
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
![](https://www.ariananews.af/wp-content/uploads/2024/06/Baradar.jpg)
دغور ولايت په مرکز فيروز کوه ښار کې د ریاست الوزراء د اقتصادي مرستيال ملا عبدالغني برادر لهخوا د دې ولایت سېلاب ځپلیو ته د یوه ښارګوټي د جوړولو د بنسټ ډبره کېښودل شوه.
د غور ولایت امنیه قومندانۍ د خبرپاڼې له مخې؛ دغه ښارګوټي د استوګنې ۱۰۰۰ نمرې لري، چې ۲۰۰ کوره یې د اسلامي امارت لهخوا د وروستیو سیلابونو قربانیانو ته جوړیږي.
په خبرپاڼه کې راغلي، چې په دې ښارګوټي کې د سوداګرو او صرافانو پر همکارۍ د نورو کورونو د جوړولو هڅې هم روانې دي.
ملا برادر غور ولایت ته پخپل سفر کې له یو شمېر عالمانو او د دیني مدارسو له استادانو سره هم وکتل.
د ریاست الوزراء د اقتصادي مرستیالۍ د دفتر د خبر له مخې؛ ملا برادر په دې غونډه کې ویلي، چې په غور کې د وروستیو سیلابونو له کبله د دغه ولایت ګڼو خلکو ته درانده مالي او ځاني زیانونه اوښتي دي.
هغه زیاته کړې، چې اسلامي امارت له زیانمنو شویو خلکو سره د مرستې لپاره له ټولو شته امکاناتو کار اخیستی او اړوند وزارتونه او ادارې هم د مرستې لپاره هڅې کوي.
په غور کې سېلابونو لسګونه کسان مړه کړي او زرګونه کورنۍ زیانمن شوي دي.
ورته خبرونه:
په غور کې د سېلابونو له کبله سلګونه خلک بې ځایه شول
په غور کې د سېلابونو له کبله سلګونه خلک بې ځایه شول
تازه خبرونه
د دوحې په جوړېدونکې ناسته کې د اسلامي امارت استازي ګډون کوي
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
![](https://www.ariananews.af/wp-content/uploads/2024/01/Mujahid.png)
د افغانستان اسلامي امارت ویاند د یکشنبې پر ورځ اعلان وکړ، چې د افغانستان استازي به د ملګرو ملتونو پر ملاتړ د دوحې په راتلونکي کنفرانس کې ګډون وکړي.
د اسلامي امارت ویاند ذبیح الله مجاهد ویلي: د افغانستان اسلامي امارت استازي به دوحې په راتلونکې ناسته کې که جوړ شي؛ هلته به د افغانستان د خلکو او حکومت استازیتوب وکړي.
دبیح الله مجاهد زیاته کړې؛ دې ناستې ته تلونکی پلاوی به وروسته په ډاګه شي.
ټاکل شوې، چې د روان زېږدیز کال د جون پر دېرشمه په دوحه کې د افغانستان په اړه د ملګرو ملتونو پر ملاتړ درېیمه دوه ورځنۍ ناسته جوړه شي.
د ملګرو ملتونو عمومي منشي انټونیو ګوترش د څرګندونو له مخې؛ اسلامي امارت د دوحې کنفرانس په دوهیمه ناسته کې له ګډون هغه وخت ډډه وکړه، چې ملګرو ملتونو یې د افغانستان د یوازني رسمي استازي په توګه د ګډون غوښتنه رد کړه.
ویل کیږي، چې اسلامي امارت د افغانستان په اړه د دوحې درېیمې ناستې د اجنډا له کتنې وروسته په دې ناسته کې د ګډون پرېکړه کړې ده.
دې ته ورته نور خبرونه:
اسلامي امارت د دوحې په ناسته کې پر معنا داره ګډون ټینګار لري – متقي
د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر
-
لوبی5 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ
-
لوبی4 days ago
د افغانستان کرکټ ملي لوبډلې پاپوا نیوګیني ته ماتې ورکړه
-
سیمه ییز خبرونه5 days ago
په کویټ کې د اورلګیدنې له کبله ۴۹ کارګران مړه شوي
-
لوبی3 days ago
کابل زلمی د کابل کرکټ غوره لیګ د دوهیم پړاو اتلولي خپله کړه
-
تازه خبرونه4 days ago
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
-
تازه خبرونه4 days ago
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
-
لوبی3 days ago
حضرت الله ځاځي د مجیب الرحمن پر ځای په ۲۰ اوریز نړیوال جام کې لوبیږي
-
تازه خبرونه2 days ago
پاکستان د اختر او محرم په ورځو کې پېښور ته د افغانانو پر راتګ بندیز ولګاوه