تازه خبرونه
امریکایان له طالبانو او افغان حکومت سره همهاله دوه هوکړه لیکونه لاسلیکوي
د ملي وحدت حکومت ویاند تائیدوي، چې د امریکا او طالبانو ترمنځ د سولې د هوکړې له لاسلیک سره په یوه وخت به واشنګتن له افغان حکومت سره هم یو نوی هوکړه لیک لاسلیک کړي.
په افغانستان کې د سولې هوکړې ته لاسرسی اوس تر بل هر وخت لنډ او نږدې ښکاري؛ هغه هوکړه، چې په څو ورځو کې به یې متن په ډاګه شي. امریکا یوازې له طالبانو سره هوکړه لیک نه لاسلیکوي، بلکې له افغان حکومت سره به هم یو نوی هوکړه لیک لاسلیک کوي.
د اجرائیه رییس ویاند مجیب رحمان رحیمي ویلي؛ له حکومت سره د امریکا په هوکړه لیک کې به ټینګار وشي، چې دولت د امریکا او طالبانو له هوکړه لیک خبردی او دا هوکړه لیک له افغان حکومت سره په همغږي کې لاسلیک شوی دی.
د نوموړي د څرګندونو له مخې؛ د دې دوه هوکړه لیکونو تر لاسلیک وروسته به د افغانانو خپل منځي خبرې د سیاسي جورجاړي او اوربند لپاره پیل شي.
دې سره په یوه وخت طالبانو ته نږدې سرچینو ویلي، واشنګتن منلې، چې طالبان به له امریکا سره د اسلامي امارت تر نامه لاندې د سولې هوکړه لیک لاسلیک کړي.
له طالبانو سره د امریکا د هوکړه لیک له متن څخه با خبره سرچینې او سیاسي مخکښ وحید مژده ویلي؛ له افغانستان څخه د ټولو ( جنګی، استخباراتي، قراردادي او سلاکارانو) بهرنیو ځواکونو وتل، له افغان دولت سره د امریکا د ټولو تړونونو لغوه کیدل، د ۳۵ زره طالب بندیانو خلاصون او په افغانستان کې د بهرنیو ځواکونو د ټولو اډو له منځه تلل د دې هوکړه لیک مهمې برخې دي.
د سیاسي مخکښانو په اند ؛ د امریکا او طالبانو تر منځ د سولې هوکړه به په همدې میاشت کې لاسلیک شي. واشنګتن هم منلې، چې طالبان به د اسلامي امارت تر نامه لاندې د دې هوکړه لیک په پای کې لاسلیک وکړي.
د سیاسي مخکښ نظر محمد مطمئن د څرګندونو له مخې؛ اوسمهال هوکړه لیک ځکه ځنډول شوی، چې روسیه او چین ته ورته هېوادونه د دوی په حضور کې د هوکړې لاسلیک کیدو ته چمتووالی وښیي.
افغان حکومت او طالبانو ته نږدې سرچینې دواړه مني، چې د افغانانو تر منځ خبرې به د امریکا او طالبانو او د حکومت او امریکا تر منځ د هوکړه لیکونو تر لاسلیک وروسته پیل شي.
د حکومت په خبره؛ دا هغه خبرې دي، چې پر سیاسي جورجاړي او اوربند به راوچورلیږي، خو طالبانو ته نږدې سرچینو بیا ویلي، په لومړي سر کې به د راتلوونکي سیاسي نظام ډول او د اساسي قانون د تسوید د کمیسیون جوړیدل او وروسته له هغې اوربند د خبرو چورلیز ټکي ګڼل کیږي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه5 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه4 days ago
د تورخم لار لنډمهاله تړل کیږي
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري5 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره