Connect with us

تازه خبرونه

ایران د افغانستان له پولو څخه د ترهګرو ډلو د نفوذ په اړه اندېښنه څرګنده کړه

خپور شوی

د

(Last Updated On: وږی ۷, ۱۴۰۱)

د افغانستان په چارو کې د ایران ځانګړي استازي ویلي، چې نوي واکمن په سرحدي پوستو کې پوره ځواک نلري او ایران باید په یو اړخیزه توګه د پولو امنیت ټینګ کړي.

ایران د افغانستان له پولو څخه د دغه هېواد خاورې ته د داعش په ګډون د ترهګرو ډلو د نفوذ په اړه اندېښنه لري.

د افغانستان په چارو کې د ایران ځانګړی استازی حسن کاظمي قمي وايي، له افغانستان سره د دغه هېواد پولې اوس پیاوړې شوي او پولو ته نور ځواکونه استول شوي دي.

حسن کاظمي قمي وايي، د افغانستان سرپرست حکومت له دغه هېواد سره سرحدي نقطو ته په کافي اندازه ځواکونه ن‎دي لېږدولي او د افغانستان سرحدي پوستې هم کافي ځواکونه نلري.

نوموړی وایي: امریکا د شر په لټه کې ده. زمونږ له لویو کارونو څخه یو له افغانستان سره مرسته کول دي، چې افغانستان په یوه سم لوري روان شي او د شرارتونو په جال کې راګیر نشي. له نېکه مرغه د افغانستان د حکومت د همکارۍ له کبله داعش ندی توانېدلی، چې زمونږ په پولو کې نفوذ وکړي؛ خو اوس یې هم ګواښ پخپل ځای دی، ځکه د نوي حکومت ځواکونه په ډېرو سرحدي پوستو کې حضور نلري او که وي هم ځانګړی یونیفورم نلري. مونږ اړ یوو، چې د پولو د خوندیتوب لپاره په یو اړخیزه توګه امنیت ټینګ کړو. په افغانستان کې د میدان پریښودل په دې معني دي، چې ترهګري به هلته غښتلې او لمن به یې زمونږ پولو ته پراخه شي.

د افغانستان اسلامي امارت د ملي دفاع وزیر مولوي محمد یعقوب مجاهد وايي، چې له ګاونډ هېوادونو سره د افغانستان په پولو کې یې پر پرمختللیو پوځي تجهیزاتو سمبال ۴۵۰ امنیتي پوستې ځای پر ځای کړي دي.

د افغانستان په چارو کې د ایران د ولسمشر استازی هم د افغان حکومت د مشروعیت مسلې ته نغوته کوي او وايي؛ د ایران حکومت به له افغانستان سره خپلو اړیکو ته دوام ورکړي؛ خو تهران به تر هغې، چې یو جامع حکومت جوړ نشي نوی حکومت به پر رسمیت ونه پېژني. هغه وايي، که حکومت د نړيوالې ټولنې لخوا پر رسميت وپېژندل شي، بايد د خلکو ملاتړ ولري او د خلکو هيلې په پام کې ونيسي.

د افغانستان په چارو کې د ایران ځانګړي استازي  حسن کاظمي قمي وایي: له ترهګرۍ سره مبارزه په افغانستان کې د یوه پیاوړي او ټولګډونه حکومت په رامنځته کېدو پورې اړه لري. داسې یو دولت کولی شي له ترهګرۍ سره مبارزه وکړي او د ودانیزو او پرمختیايي پروژو چارې پرمخ بوځي. له همدې کبله مونږ غواړو، په دې برخه کې له افغانستان سره مرسته وکړو، چې د بیارغونې او رغنیزو چارو پر لوري حرکت  وکړي او دا کار د نړیوالې ټولنې له مرستې پرته امکان نلري. افغانستان باید له نړیوالې ټولنې سره تعامل وکړي. دا تعامل تر هغو ممکن ندی، چې افغانستان د نړیوالې ټولنې مشروع غوښتنې ومني او یو ټولګډونه حکومت جوړ نکړي.

افغان دولت اوسنی حکومت ټولګډونه ګڼي؛ خو ټینګار کوي، چې اصلاحات به راولي.

د یوه کال له تېرېدو سره هیڅ هېواد له افغانستان سره د رسمي دیپلوماتیک تعامل لپاره زړه ندی ښه کړی؛ خو د سیمې یو شمېر هېوادونو له کابل سره په بېلابېلو برخو کې تعامل ته مخه کړې ده.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!