تازه خبرونه
بیات بنیاد په کونړ کې د خوراکي توکو مرسته وکړه
بیات بنیاد په کونړ ولایت کې له سلګونه بېوزله او اړمنو کورنیو سره د خوراکي توکو مرسته تر سره کړې ده.
د هېواد په روان اقتصادي وضیعت کې بیات بنیاد له بېوسه وګړیو سره د ژمنیو مرستو لړۍ دا ځل د ختيځ ولایت کونړ سلګونه بېوزله وګړیو ته رسولې ده.
د بیات بنیاد مرستیال حاجي محمد اسماعیل خان ويلي، په دې مرسته کې غوړي، اوړه، او وریجي لرو، چې اړمنو کورنیو، مستحقینو او معیوبینو ته یې د وېشلو موخه د دوی لاسنیوی دی او غواړو د دې بنسټ مرستې نورو ولایتونو ته هم ورسوو.
Bayat Foundation continues its nationwide emergency relief in Kunar Province. 200 families, in dire need, were provided essential food packages consisting of flour, rice, and oil.
Help us to reach more families in all 34 provinces!https://t.co/pFWoySI5Uy pic.twitter.com/01JCzMIFJ5
— The Bayat Foundation (@bayatfoundation) January 9, 2022
د اسلامي امارت د کونړ مرستیال والي عبدالله حقاني له بیات بنیاد څخه د مننې ترڅنګ ير نورو مرستندویو ټولنو هم غږ کړی، چې په اوسنیو ستونزمنو اقتصادي حالاتو کې دې د خلکو لاسنیوی وکړي.
د یادې مرستي ترلاسه کوونکي د مرستو له ترلاسه کولو خوښ دي او له نورو بنسټونو غواړي، چې ورته مرستې روانې وساتي.
بیات بنیاد، چې له تېرو شل کلونو راپدیخوا په افغانستان کې هڅې لري؛ د هېواد په بېلابېلو سیمو کې يې له بېوزله، بېوسه او ناچارو وګړیو سره نه یوازې د خواړو، جامو، سپورتي، درسي او روغتیایي توکو د مرستو د ترسره کولو لړۍ روانه ساتلې، بلکې ترڅنګ یې يو شمېر رغنیزې او بنسټيزې پروژې هم پلې کړې دي.
تازه خبرونه
د اسلامي همکاریو ټولنه له اسلامي امارت سره د پړاوایز تعامل د لارې نقشه جوړوي
په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.
د اسلامي همکاریو ټولنې د افغانستان په اړه د وزیرانو د تماس ډلې د جدې ښار په مقدماتي تخنیکي غونډه کې له اسلامي امارت سره د پړاوایز تعامل او اړیکو د تنظیم لپاره د لارې نقشې پر جوړولو بحث او خبرې کړې دي.
په دې غونډه کې ګډونوالو د افغانستان د سیاسي بدلونونو او بشري وضعیت په اړه د اسلامي همکاریو ټولنې اړوند مهم موضوعات وڅېړل او له واکمنو چارواکو سره یې د منظم او پړاوایز تعامل لپاره د یوه چوکاټ د رامنځته کولو لارې چارې وڅېړلې.
د اسلامي همکاریو ټولنې د څرګندونو له مخې؛ دغه چوکاټ د افغانانو د ګټو د خوندي کولو او په افغانستان کې د ثبات او پرمختګ لپاره د مرستې لپاره په پام کې نیول شوی دی.
دغه راز په دې غونډه کې هغه لومړیتوبونه وڅېړل شول، چې د تماس ډله به پرې د اسلامي همکاریو ټولنې د بهرنیو چارو د وزیرانو شورا د اړوند پرېکړهلیکونو د عملي کولو لپاره تمرکز کوي.
ګډونوالو له اسلامي امارت چارواکو سره د ګډو لومړیتوبونو په اړه مستقیمې او رغنده خبرو اترو پر ترسره کولو هم نظرونه وړاندې کړل.
تازه خبرونه
د کورنیو چارو وزارت د کوکنارو د کښت د زیاتوالي په اړه د ملګرو ملتونو راپور رد کړ
یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشهیي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.
د اسلامي امارت د کورنیو چارو وزارت په افغانستان کې د کوکنارو د کښت د زیاتوالي په اړه د ملګرو ملتونو د نشهیي توکو او جرمونو پر وړاندې د مبارزې دفتر تازه راپور رد کړی او د دغه راپور د ارزونې پر کړنلارې یې نیوکه کړې ده.
یاد وزارت ویلي، چې په ۲۰۲۶ز.کال کې یې له ۲۳ زره هکټارو څخه زیاته ځمکه د نشهیي توکو له کښت څخه پاکه کړې او د ارزونو له مخې یې په هېواد کې د کوکنارو کښت نږدې صفر ته رسېدلی دی.
د ملګرو ملتونو د نشهیي توکو او جرمونو پر وړاندې د مبارزې دفتر په خپل تازه راپور کې ویلي، چې په افغانستان کې د کوکنارو کښت په ۲۰۲۶ز.کال کې تر ۳۰۰ سلنې ډېر زیات شوی او څه باندې ۴۳ زره هکټاره ځمکې ته رسېدلی دی. په داسې حال کې، چې دغه کچه تېر کال شاوخوا ۱۰ زره هکټاره وه.
د یاد دفتر د«۲۰۲۶ز. کال لپاره د افغانستان د تریاکو د وضعیت ارزونې» د راپور له مخې؛ د تریاکو تولید هم نږدې ۴۰۰ سلنه زیات شوی او په ۲۰۲۵ز.کال کې له نږدې ۳۰۰ ټنو څخه په روان کال کې شاوخوا یو زر او ۵۰۰ ټنو ته رسېدلی دی.
راپور ښيي، چې په افغانستان کې د کوکنارو د کښت مرکز شمالختیځو ولایتونو ته لېږدول شوی او د کښت شاوخوا ۷۶ سلنه ځمکه په همدې سیمه کې ده.
بدخشان او تخار د کوکنارو د کښت له مهمو مرکزونو څخه بلل شوي دي.
د دغه بنسټ د څرګندونو له مخې؛ په ۲۰۲۶ز. کال کې د ۱۶ ولایتونو د کوکنارو کښت ثبت شوی، چې د تېر کال پر پرتله پنځه ولایتونه زیاتوالی ښيي.
د ملګرو ملتونو دغه دفتر د بزګرانو اقتصادي ستونزې او د بدیل عاید د فرصتونو محدودیت د کوکنارو د کښت د بیا زیاتېدا اصلي لاملونه بللي او خبرداری یې ورکړی، چې له بزګرانو څخه له دوامدار ملاتړ پرته به د دغه بوټي د کښت مخنیوی ستونزمن وي.
په راپور کې راغلي، چې د وچو تریاکو د هر کیلوګرام منځنۍ بیه په ۲۰۲۵ز.کال کې له شاوخوا ۵۷۰ ډالرو څخه په روان کال کې ۵۰۰ ډالرو ته راټیټه شوې؛ خو اوس هم د نشهیي توکو پر سراسري بندیز د لګېدو له مخکینۍ کچې څخه د پام وړ لوړه ده.
ملګرو ملتونو زیاته کړې؛ په افغانستان کې د کوکنارو کښت او د تریاکو تولید، سره له دې زیاتوالي، اوس هم د بندیز له لګېدا مخکې کچې ته نهدي رسېدلي. هغه مهال څه باندې ۲۰۰ زره هکټاره ځمکه د کوکنارو تر کښت لاندې وه.
دا په داسې حال کې ده، چې له دې مخکې اسلامي امارت ویلي وه؛ د کوکنارو کښت، پلور او قاچاق د افغانستان له پولو بهر ته لېږدېدلی دی.
تازه خبرونه
افغانستان د اسلامآباد د ایکو غونډې له حذفېدا وروسته د تهران سرمشریزې ته ځي
ټاکل شوې، چې د ایکو اتهلسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمهییزو همکاریو په اړه خبرې اترې وکړي.
د بهرنیو چارو وزارت د اطلاعاتو او عامه اړیکو رییس ضیاء احمد تکل ويلي، چې د افغانستان اسلامي امارت پلاوی به د اقتصادي همکاریو ټولنې( ایکو) په اتهلسمه سرمشریزه کې ګډون وکړي.
د نوموړي د څرګندونو له مخې، د دې پلاوي مشري به د بهرنیو چارو وزیر امیرخان متقي پر غاړه ولري.
ټاکل شوې، چې د ایکو اتهلسمه سرمشریزه د روان میلادي کال د ډسمبر پر درېیمه او څلورمه د ایران په پلازمېنه تهران کې د غړو هېوادونو د مشرانو او لوړپوړو چارواکو پر ګډون جوړه شي او د سیمهییزو همکاریو په اړه خبرې اترې وکړي.
دا اعلان په داسې حال کې کیږي، چې د نومبر پر پنځلسمه او شپاړلسمه په اسلامآباد کې د پاکستان پر کوربهتوب د اقتصادي همکاریو ټولنې د بهرنیو چارو وزیرانو په دېرشمه غونډه کې له ګډون څخه پاتې شو. په داسې حال کې، چې افغانستان د دې سیمهییزې ټولنې غړی هېواد دی.
د پاکستان بهرنیو چارو وزارت ویلي وه، چې کابل ته بلنه ورکړ شوې نهوه؛ ځکه اسلامآباد د افغانستان اوسنۍ اداره پر رسمیت نهپیژني.
پاکستانيو چارواکو دا ادعا هم کړې، چې د افغانستان غړیتوب د اقتصادي همکاریو ټولنې د دارالانشا لخوا ځنډول شوی دی.
دا پرېکړه د افغان چارواکو له نیوکو سره مخ شوه.
اسلامي امارت استدلال کوي، چې سیاسي اختلافات باید د سیمه ییزو اقتصادي نوښتونو او همکاریو په برخه کې د افغانستان د ګډون مخه ونه نیسي.
د تهران په سرمشریزه کې د افغانستان ګډون به کابل ته دا فرصت برابر کړي، چې له سیمه ییزو شریکانو سره د سوداګرۍ، اقتصادي پراختیا، ټرانسپورټي نښلون او سیمهییزو همکاریو ته ورته مسایلو په اړه بیا اړیکې ټینګې او خبرې اترې وکړي.
-
تازه خبرونه4 days agoڅلور سمنګاني ځوانان د کډوالۍ پر لارې له مړینې وروسته خاورو ته وسپارل شول
-
لوبی4 days agoآریانا ټلویزیون د آسیا فوټبال کنفډراسیون د جایزو مراسم پر ژوندۍ بڼه خپروي
-
سیمه ییز خبرونه5 days agoد ایران پر پوځي تاسیساتو امریکا او پر خلیجي هېوادونو ایران بریدونه کړي
-
ساینس او ټیکنالوژي4 days agoشمالي کوریا د خپلې لومړنۍ چټباټ مصنوعي ځیرکتیا مخکتنه وکړه
-
نړۍ4 days agoتر ۲۰۳۵ز.کال پورې به د مسلمانانو شمېر له عیسویانو ډېر شي – «پیو» مرکز
-
تازه خبرونه4 days agoبېځایه کېدا افغان ماشومان نور هم وږي او زیانمن کړل – د ماشومانو د ژغورنې نړیواله اداره
-
تازه خبرونه3 days agoافغانان په ملګرو ملتونو کې د غړیتوب اتیایمه کلیزه نمانځي؛ له پیله تر دې دمه د استازولۍ پر څوکۍ روان اختلاف
-
تازه خبرونه5 days agoد افغانستان اقتصادي وده روانه ده؛ خو د کورنیو عواید او د اوبو کمښت د اندېښنې وړ دي– نړیوال بانک
