Connect with us

تازه خبرونه

ترکش ایرلاین کابل او مزارشریف ته خپلې الوتنې بیا پیلوي

خپور شوی

د

ترکش ایرلاین هوايي شرکت، چې له یوه کال راپدیخوا یې افغانستان ته خپلې الوتنې ځنډولې وې؛ اوس چمتو شوی، چې د راتلونکي کال په مارچ میاشت کې یو ځل بیا کابل او مزارشریف ته الوتنې پیل کړي.

یاد شرکت د پخواني پرځېدلي حکومت پر مهال لس کاله افغانستان ته خپلې الوتنې روانې ساتلې وې؛ خو په تېر یو کال کیږي یې خپلې الوتنې وځنډولې. اوس دا شرکت بیرته د کابل او مزار شریف نړیوالو هوايي ډګرونو ته الوتنې پيلوي.

د ترانسپورت او ملکي هوايي چلند وزارت ويلي؛ د هېواد هوايي ډګرونه پر نړيوالو معیارونو برابرو  خدمتونو وړاندې کولو ته چمتو دي او دا مهال د هېواد له هوايي ډګرونو څخه هره ورځ دېرش کورنۍ او نړيوالې الوتنې تر سره کېږي.

 مسوولینو زیاته کړې، چې  په نږدې راتلونکي کې به يو شمېر نور نړيوال شرکتونه هم افغانستان ته خپلې الوتنې پيل کړي.

د ترانسپورت او ملکي هوايي چلند وزارت ویاند امام الدین احمدي وایي: ټاکل شوې، چې فلای دوبۍ هوايي شرکت له مهالوېش سره سم په یوه میاشت کې افغانستان ته خپلې الوتنې بیا پیل کړي؛ ځکه، چې د هېواد هوايي ډګرونه ټول اړین چمتووالی لري.

د کابل په نړیوال هوايي ډګر کې قطري تخنیکي ډلې کابو یو کال د رغونې چارې روانې ساتلې وې. په دې وروستیو کې پای ته ورسېدې او د کابل هوايي ډګر نړیوالو الوتنو ته چمتو شو.

د اقتصاد پوهانو د څرګندونو له مخې؛ د نړیوالو الوتنو پیل د سوداګرۍ په وده، د کورنیو عوایدو په زیاتوالي او د هېواد په نړیوال وقار کې اغېزمنه هڅه ده.

د اقتصادي چارو شنونکی شاکر یعقوبي وایي: د الوتنو پیل به نه یوازې نړیواله سوداګریزه سیالي زیاته او خلکو ته آسانتیاوې برابرې کړي، بلکې کورني عواید هم ورسره لوړیږي.

اوس د افغانستان د څلورو هوايي ډګرونو هوايي او ځمکنیو خدمتونه د اماراتي شرکت GAC لخوا وړاندې کیږي. تمه دا ده، چې دغه شرکت به وکولی شي د باکیفیته خدمتونو له وړاندې کولو سره د نړیوالو شرکتونو پام ځانته راواړوي.

تازه خبرونه

پاکستان بې‌اسناده افغان کډوالو ته د جولای تر لسمې د وتلو وروستۍ نېټه وټاکله

د پاکستان کورنیو چارو وزارت ولایتي ادارو، د پولیسو مشرانو او د اسلام‌آباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بې‌اسناده افغانانو پر ضد عملیات پیل شي او هر هغه څوک، چې معتبر قانوني اسناد ونه‌لري؛ وبه‌نیول شي.

Published

on

Last Updated on: چنګاښ ۹, ۱۴۰۵

پاکستان بې‌اسناده افغان کډوالو ته د جولای تر لسمې پورې له دغه هېواده د وتلو وروستۍ نېټه ټاکلې او چارواکو ته یې سپارښتنه کړې، چې له دې نېټې وروسته په ټول هېواد کې د هغو افغانانو پر ضد پراخ عملیات پیل کړي، چې قانوني اسناد نهلري.

د پاکستان کورنیو چارو وزارت ولایتي ادارو، د پولیسو مشرانو او د اسلام‌آباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بې‌اسناده افغانانو پر ضد عملیات پیل شي او هر هغه څوک، چې معتبر قانوني اسناد ونه‌لري؛ وبه‌نیول شي.

د جولای له یوولسمې څخه به ولایتي ادارې هره ورځ د کورنیو چارو وزارت ته راپورونه استوي، چې په کې به د موندل شویو بې‌اسناده افغانانو شمېر، د هغوی پر وړاندې ترسره شوي اقدامات او قانوني یا توقیفي وضعیت شامل وي.

د کورنیو چارو وزارت دا عملیات لومړیتوب بللی او د هېواد پر کچه یې په دې اړه د بېړنيو هڅو غوښتنه کړې ده.

دا پرېکړه په داسې وخت کې کیږي، چې د امنیتي اندېښنو له کبله د افغانستان او پاکستان ترمنځ اړیکې ترینګلې دي.

پاکستاني چارواکي تل ادعا کوي، چې وسله‌والې ډلې د افغانستان له خاورې پر پاکستان بریدونه تنظیموي؛ خو اسلامي امارت دا ادعاوې پرله‌پسې رد کړې دي.

Continue Reading

تازه خبرونه

یوناما پر افغانستان د پاکستاني پوځ په وروستيو هوايي بریدونو کې د ۷۷ کسانو مرګ او ژوبله تائید کړه

دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.

Published

on

Last Updated on: چنګاښ ۹, ۱۴۰۵

 

د افغانستان لپاره د ملګرو ملتونو مرستندویه پلاوي(یوناما) د پاکستاني پوځي رژیم په وروستیو هوايي بریدونو کې د پکتیا، پکتیکا او کونړ ولایتونو د ۲۸ ملکي وګړو وژنه او د ۴۹ نورو ټپي کېدل تائید کړي دي.

دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.

د یوناما د څرګندونو له مخې، د پکتیا د څمکنیو ولسوالۍ په هوايي برید کې ۲۲ ملکي وګړي وژل شوي او ۴۷ نور ټپیان دي. همدارنګه د پکتیکا د ګیان ولسوالۍ په برید کې شپږ ملکي وګړي وژل شوي او د کونړ د مرورې ولسوالۍ په برید کې دوه ماشومان ټپیان شوي دي.

یوناما په دې خبرپاڼه کې د ملکي وګړو پر خوندیتوب او د نړیوالو قوانینو پر درناوي ټینګار کړی دی.

دا په داسې حال کې ده، چې د اسلامي امارت د څرګندونو له مخې، د پاکستاني پوځي رژیم په هوايي بریدونو کې ۳۶ ملکي وګړي شهیدان شوي او ۱۶۳ نور ټپیان دي.

Continue Reading

تازه خبرونه

په کابل کې د پاکستان شارژدافیر احضار شو؛ اسلام‌آباد ته د هوايي بریدونو په تړاو پرېکنده اعتراض وړاندې شو

د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.

Published

on

 

د افغانستان اسلامي امارت بهرنیو چارو وزارت ویلي، چې په کابل کې یې د پاکستان د سفارت شارژدافیر احضار کړ او د افغانستان د هوايي حریم د نقض او د کونړ، پکتیا او پکتیکا ولایتونو د ملکي وګړو پر کورونو د بریدونو په‌اړه  ورته پرېکنده اعتراض وړاندې شوی دی.

د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.

دغه بریدونه د اسلامي امارت له‌خوا له نړیوالو اصولو، بشري قوانینو او ملي حاکمیت څخه ښکاره سرغړونه بلل شوې او پر سختو ټکو یې غندلي دي.

د اسلامي امارت د څرګندونو له مخې، پاکستان له دې وړاندې هم د ځینو امنیتي پېښو او چاودنو په تړاو افغانستان بې‌له معتبره شواهدو تورن کړی او دا ډول کړنې د دواړو هېوادونو ترمنځ د باور فضا ته زیان رسوي او د زور له لارې د ستونزو د حل تګلاره ناکامه بلل کېږي، چې د سیمه‌ییز ثبات لپاره منفي پایلې لري.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117