تازه خبرونه
تر ۲۰۳۰ پورې د ۲۵ زره ښځینه متخصصانو کمښت؛ د یونیسف خبرداری
د دې ادارې د «په افغانستان کې د نجونو د زدهکړو او د ښځو د کار بازار کې د ګډون پر وړاندې د بېعملۍ لګښت» تر سرلیک لاندې راپور کې راغلي، چې دې کړکېچ نه یوازې د ماشومانو زدهکړو او روغتیايي خدمتونو ته لاسرسی کم کړی، بلکې د هېواد اقتصاد او د بنسټیزو خدمتونو وړاندې کول یې هم کمزوري کړي دي.
د ملګرو ملتونو د ماشومانو ملاتړ صندوق (یونیسف) خبرداری ورکړی، چې په افغانستان کې د نجونو پر زدهکړو او د ښځو پر کار محدودیتونه کولی شي تر ۲۰۳۰ ز.کال پورې هېواد له ۲۵ زره څخه د زیاتو ښځینه ښوونکو او روغتیايي کارکوونکو له کمښت سره مخ کړي.
د دې ادارې د «په افغانستان کې د نجونو د زدهکړو او د ښځو د کار بازار کې د ګډون پر وړاندې د بېعملۍ لګښت» تر سرلیک لاندې راپور کې راغلي، چې دې کړکېچ نه یوازې د ماشومانو زدهکړو او روغتیايي خدمتونو ته لاسرسی کم کړی، بلکې د هېواد اقتصاد او د بنسټیزو خدمتونو وړاندې کول یې هم کمزوري کړي دي.
د دغه راپور له مخې؛ په ملکي خدمتونو کې د ښځو ونډه له ۲۱ سلنې څخه په ۲۰۲۳ ز.کال کې ۱۷.۷ سلنې ته په ۲۰۲۵ ز.کال کې راټیټه شوې ده. همدارنګه، په ۲۰۲۱ ز.کال کې د نجونو د منځنیو زدهکړو له بندیز راپدېخوا له یو میلیون څخه زیاتې نجونې له زدهکړو بېبرخې شوې دي.
د یونیسف اجرائیوي رییسې، کاټرین راسل ویلي: «افغانستان د راتلونکې نسل ښوونکو، ډاکترانو او قابلو د له لاسه ورکولو وس نهلري. د دې وضعیت دوام به اړین خدمتونه له جدي کړکېچ سره مخ کړي.»
د دې ارزونې له مخې؛ تر ۲۰۳۰ ز.کال پورې ښايي ۲۰ زره ښځینه ښوونکې او له ۵۴۰۰ څخه زیاتې ښځینه روغتیايي کارکوونکې له لاسه ووځي. دا په داسې حال کې ده، چې د لومړنیو زدهکړو په برخه کې د ښځینه ښوونکو شمېر له شاوخوا ۷۳ زره څخه په ۲۰۲۲ ز.کال کې نږدې ۶۶ زره ته په ۲۰۲۴ ز.کال کې راکم شوی دی.
یونیسف ټینګار کوي، چې د ښځینه روغتیايي کارکوونکو د شمېر کموالی کولی شي د ښځو روغتیايي خدمتونو ته لاسرسی، په ځانګړي توګه د میندو او ماشومانو په برخه کې سخت محدود کړي؛ ځکه په ډېرو برخو کې ښځې د نرینه روغتیايي کارکوونکو له خدمتونو ګټه نهشي اخیستلای.
دغه بنسټ همدارنګه خبرداری ورکړی، چې دا محدودیتونه هر کال شاوخوا ۸۴ میلیون ډالر د افغانستان اقتصاد ته زیان رسوي.
دغه راز یونیسف ویلي، چې د ماشومانو د زدهکړو ملاتړ ته به دوام ورکړي او یوازې په ۲۰۲۵ ز.کال کې له ۳.۷ میلیون څخه ډېر ماشومان له ښوونیزو مرستو برخمن شوي دي.
تازه خبرونه
په سویس کې د افغانستان د اماني صندوق شتمني ۴.۲ میلیارډ ډالرو ته رسېدلې ــ انوارالحق احدي
انوارالحق احدي د ۲۰۲۶ز. کال د زمري پر څلورمه / د جولای پر شپږویشتمه د افغان پوهانو او څانګوالو(متخصصانو) ټولنې د اویایمې انلاین غونډې پر مهال ویلي، چې یاد صندوق شاوخوا ۷۰۰ میلیون ډالره عاید ترلاسه کړي او تر اوسه ترې هیڅ ډول ګټه اخیستل شوې نهده.
د افغانستان د اماني ځانګړي صندوق (STFA) غړي انورالحق احدي ویلي، چې په سویس کې د افغانستان د ساتل شویو ملي شتمنیو ارزښت د پانګونې له عوایدو وروسته ۴.۲ میلیارډ ډالرو ته رسېدلی دی.
انوارالحق احدي د ۲۰۲۶ز. کال د زمري پر څلورمه / د جولای پر شپږویشتمه د افغان پوهانو او څانګوالو(متخصصانو) ټولنې د اویایمې انلاین غونډې پر مهال ویلي، چې یاد صندوق شاوخوا ۷۰۰ میلیون ډالره عاید ترلاسه کړي او تر اوسه ترې هیڅ ډول ګټه اخیستل شوې نهده.
نوموړي زیاته کړې، دا شتمني به تر هغې خوندي وساتل شي، چې شرایط برابر او د افغانستان بانک ته ولېږدول شي.
دا غونډه د« د افغانستان اقتصادي او سیاسي وضعیت؛ واقعیتونه او راتلونکی لید» تر سرلیک لاندې جوړه شوې وه.
احدي ټینګار کړی، چې د صندوق له جوړېدا راپدېخوا له دغو شتمنیو څخه هیڅ لګښت نهدی شوی او دا پیسې د افغانانو د ګټې لپاره خوندي ساتل کېږي.
هغه په امریکا کې د کنګل شویو ۳.۵ میلیارډ ډالرو افغان شتمنیو په اړه ویلي، چې تر اوسه دوه امریکایي محکمو د افغانستان پر ګټه پرېکړې کړې دي.
د نوموړي د څرګندونو له مخې، تمه ده درېیمه او وروستۍ محکمه هم د دغو شتمنیو د آزادېدا حکم وکړي، چې د افغانانو ملي شتمنۍ خوندي پاتې شي.
په سویس کې جوړ دغه اماني صندوق د افغانستان د بهرنیو ملي شتمنیو د یوې برخې د ساتنې لپاره رامنځته شوی دی. په داسې حال کې، چې په امریکا کې د پاتې نیمو کنګل شویو زېرمو د حقوقي وضعیت د حل لپاره هم هڅې روانې دي.
تازه خبرونه
په کابل کې د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول
دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجهیوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګهوالو په ګډون جوړه شوه.
د کابل په افغان ـ ازبک سوداګریزه غونډه کې د دواړو هېوادونو د خصوصي سکټور د شرکتونو او پانګهوالو ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول.
دا غونډه د افغانستان د صنعت او سوداګرۍ وزیر نورالدین عزیزي، د ازبکستان د لومړي وزیر مرستیال جمشید خواجهیوف، د یو شمېر وزیرانو، د فرغانې او تاشکند والیانو، د سوداګرۍ خونو د مسوولانو او د دواړو هېوادونو د سلګونو سوداګرو او پانګهوالو په ګډون جوړه شوه.
نورالدین عزیزي کابل ته د ازبکستان د لوړپوړي پلاوي د سفر په اړه، چې د خصوصي سکټور شاوخوا ۳۰۰ استازي هم ورسره مل ول؛ ویلي، چې د دواړو هېوادونو اقتصادي اړیکې نوي پړاو ته داخلې شوې دي.
هغه هیله څرګنده کړه، چې په راتلونکې کې به د دواړو هېوادونو د سوداګرۍ کچه پېنځه میلیارډ ډالرو ته لوړه شي.
نوموړي په افغانستان کې د پانګونې پر فرصتونو د ټینګار ترڅنګ ویلي، د ډېرو کډوالو بېرته راستنېدا د کاري فرصتونو اړتیا زیاته کړې او له افغان او ازبک پانګهوالو یې وغوښتل، چې په افغانستان کې له شته فرصتونو ګټه واخلي.
د صنعت او سوداګرۍ وزیر همداراز څرګنده کړې، شاوخوا ۱۰ زره ټنه افغان پنبه پر ازمایښتي بڼه ازبکستان ته صادره شوې او دغه هېواد اوس ژمنه کړې، چې د افغانستان ۱۰۰ زره ټنه پنبه به وپېري.
بل لور ته د ازبکستان د لومړي وزیر مرستیال جمشید خواجهیوف افغانستان یو مخ پر پرمختګ هېواد وباله او وایي، چې د بنسټیزو پروژو پلي کېدا د دواړو هېوادونو ترمنځ د اقتصادي همکاریو د پراختیا زمینه برابره کړې ده.
هغه زیاتوي، ازبکستان د سوداګرۍ د آسانتیا لپاره د نویو ټرانزیټي لارو پرانیستل، د ترجیحي تعرفو برابرول، د توکو د لېږد چټکتیا او د لوژستیکي مرکزونو جوړول په خپلو لومړیتوبونو کې شمېرلي دي.
خواجهیوف ټینګار کړی، چې افغانستان د پام وړ اقتصادي وړتیاوې لري او د دواړو هېوادونو د سوداګریزو اړیکو په پراختیا کې مهم رول لوبولی شي.
په دې غونډه کې د افغانستان د سوداګرۍ او پانګونې خونې اجرائیوي رییس سیدکریم هاشمي او د ازبکستان د فرغانې والي هم د اقتصادي همکاریو پر پراختیا او د ګډې پانګونې پر زیاتوالي ټینګار وکړ.
د غونډې په پای کې د افغانستان او ازبکستان د خصوصي سکټور د شرکتونو او هڅاندو(فعالانو) ترمنځ د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول، چې موخه یې د اقتصادي همکاریو پراختیا، د پانګونې زیاتوالی او د دواړو هېوادونو ترمنځ د سوداګرۍ وده بلل شوې ده.
تازه خبرونه
افغانستان او ازبکستان د ټرانزیټي همکاریو پر پراختیا او د اوسپنې پټلۍ پروژو پر پرمختګ ټینګار وکړ
د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمهییزې پروژې د پرمختګ د بهیر پر چټکتیا ټینګار وکړ.
د افغانستان ټولګټو چارو وزیر محمد عیسی ثاني او د ازبکستان د لومړي وزیر مرستیال جمشید خواجهیوف په کابل کې د دواړو هېوادونو ترمنځ د اقتصادي او ټرانزیټي همکاریو پر پراختیا او د ګډو بنسټیزو پروژو پر پلي کېدا ټینګار کړی دی.
د دې لیدنې په پیل کې د افغان ټرانس اوسپنې پټلۍ پروژې د مطالعاتو د پیل د وخت ټاکلو موضوع مطرح شوه او دواړو لوریو د دې سیمهییزې پروژې د پرمختګ د بهیر پر چټکتیا ټینګار وکړ.
همداراز د تورغونډۍ بندر پراختیا د دې ناستې له مهمو موضوعاتو څخه وه. د ازبکستان د لومړي وزیر مرستیال د دې بندر په پراختیا کې د پانګونې لپاره د خپل هېواد چمتووالی اعلان کړ او دا یې د دواړو هېوادونو ترمنځ د سوداګریزو او ټرانزیټي همکاریو د پیاوړتیا لپاره مهم ګام وباله.
دواړو لوریو د هرات ـ مزارشریف اوسپنې پټلۍ پروژې په اړه هم خبرې وکړې او ازبکستان په دې پروژه کې د پانګونې لېوالتیا څرګنده کړه.
د حیرتان بندر له لارې د سوداګریزو توکو د لېږد زیاتوالی او سوداګرو ته د ډېرو آسانتیاوو برابرول هم د دې لیدنې له نورو بحثونو څخه ول. د دواړو هېوادونو چارواکو د لېږد رالېږد د کچې پر لوړولو، د ټرانزیټي همکاریو پر پراختیا او د سوداګرۍ د بهیر پر چټکتیا ټینګار وکړ.
په دې ناسته کې د سالنګ لویې لارې له لارې د سوداګریزو توکو د لېږد بهیر هم وڅېړل شو.
د افغانستان د ټولګټو چارو وزیر ویلي، د سالنګ لویې لارې د بنسټیزې بیارغونې چارې چټکۍ روانې دي.
محمد عیسی ثاني دا ډاډ هم څرګند کړ، چې په افغانستان کې د پانګونې زمینه برابره شوې او ازبکستان کولی شي د افغانستان د قوانینو او معیارونو سره سم په بېلابېلو برخو کې پانګونه او فعالیت وکړي.
هغه د دواړو هېوادونو د ګډو پروژو لپاره د ټولګټو چارو وزارت پر ملاتړ ټینګار وکړ.
د دې لیدنې په پای کې دواړو لوریو د اقتصادي همکاریو پر پراختیا، د ټرانزیټي اړیکو پر پیاوړتیا او د افغانستان او ازبکستان ترمنځ د دوه اړخیزو اړیکو پر ټینګښت ټینګار وکړ او دا همکارۍ یې د دواړو هېوادونو د ګډو ګټو لپاره مهمې وبللې.
په سویس کې د افغانستان د اماني صندوق شتمني ۴.۲ میلیارډ ډالرو ته رسېدلې ــ انوارالحق احدي
په کابل کې د څه باندې ۲۰۰ میلیون ډالرو پر ارزښت ۲۲ سوداګریز هوکړهلیکونه لاسلیک شول
سوریه له اسرائیل سره د امنیتي هوکړې په لټه کې ده ــ احمد الشرع
افغانستان او ازبکستان د ټرانزیټي همکاریو پر پراختیا او د اوسپنې پټلۍ پروژو پر پرمختګ ټینګار وکړ
ایران له افغانستان او چین سره د ګډې آزادې سوداګریزې سیمې جوړول غواړي
هند افغان ځوانانو ته زر آنلاین تحصیلي بورسونه ځانګړي کړي
د ۱۴۰۵لمریز کال د کانکور پایلې اعلان شوې؛ راشد د پهلوان زوی، د ۳۶۰ نمرو په ترلاسه کولو لومړی مقام خپل کړ
افغانستان او ازبکستان په خوست کې دوستانه شلآوریزه لوبه کوي
په نړیوال جام کې د ټرمپ ناندریزه سلاسوهنه؛ فیفا بالوګون ته د بلجیم پر وړاندې د لوبې اجازه ورکړه
روسیې افغانانو ته په «شمال ـ سویل» نړیوال فورم کې د ګډون بلنه ورکړه
تحول: د ایران پر ضد د پوځي عملیاتو له پراخولو د ټرمپ تېرېدا
څار: د افغانستان او ازبکستان ترمنځ د اقتصادي اړیکو پراختیا
تحول: منځنی ختیځ د نویو بدلونونو په درشل کې
څار: د کابل او اسلامآباد کمرنګه اړيکې
تحول: په سیمه کې پر یو بل د امریکا او ایران روان بریدونه
-
لوبی5 days agoد افغانستان غېږنیونې غوره لیګ درېیمه ورځ؛ فتح او قوشتېپه بریالي شول
-
تازه خبرونه5 days agoټرمپ یو ځل بیا په افغانستان کې د پوځي تجهیزاتو پر پاتې کېدا نیوکه وکړه
-
تازه خبرونه5 days agoد افغانستان او بنګلهدېش استازو د دوه اړخیزو همکاریو پر پراختیا خبرې وکړې
-
تازه خبرونه5 days agoد شانګهای همکاریو ټولنې د سرحدي ځواکونو مسوولانو د امنیتي همکاریو پر پیاوړتیا ټینګار وکړ
-
نړۍ5 days agoکه ایران په هرمز تنګي کې بېړۍ پر نښه کړی، ودانیز جوړښتونه به یې وویشتل شي – ټرمپ
-
سوداگري5 days agoله ګاونډ هېوادونو سره د پاکستان سوداګریز کسر نږدې ۱۶ میلیارډ ډالرو ته رسېدلی
-
سیمه ییز خبرونه5 days agoد سعودي عربستان دوه نفتي بېړۍ مو پر نښه کړې – د حوثیانو ادعا
-
لوبی1 day agoد افغانستان کرکټ ملي لوبډله د ایرلینډ پر وړاندې سیالیو ته د چمتووالي لپاره انګلستان ته ورسېده