تازه خبرونه
تول بیځایه شوی خلک او افغانانو به له ساړه ژمي وکړیږي – ملګري ملتونه
د ملګرو ملتونو د کډوالو عالي کمیشنرۍ په خپل نوي راپور کې ویلي، چې د افغانستان، اوکراین او ټول منځني ختیځ بې ځایه شوي خلک به له سخت او ساړه ژمي سره مخ شي.
د دې ادارې په راپور کې راغلي، چې ډېری کورنۍ باید د خواړو د پېرلو او د کورونو د تودولو له ستونزو سره مخ دي او اسلامي امارت هم په په دې اړه له نړیوالې ټولنې د همکارۍ غوښتنه کړې او ټینګار کوي، چې نړۍ باید له بشري مسایلو سره سیاسي چلند ونکړي.
د ژمي له نږدې کېدو سره په افغانستان کې د بشري ناورین په اړه اندېښنې زیاتې شوي او اړمنې کورنۍ د هغو زرګونه بېوزلو کورنیو په ګډون، چې له کاپیسا ولایت څخه کابل ته بې ځایه شوې دي.
لیلما نوې بې ځایه شوې کډواله وایي؛ کور او کوټه مو در او دروازه نلري او له خپلو کوچنیو ماشومانو سره په همدې خونه کې د ژوندانه اوږدې شپې سبا کوو.
کارګره ماشومه ناجیه هم وایي: د ورځې ډېرې لږې پیسې تر لاسه کوم ، چې ورور او خور مې وږي پاتې نشي. همدا علت دی، چې زدکړو ته مې زړه نکیږي.
اړمن خلک نه یوازې د ډوډۍ پیدا کولو اندېښنه لري، بلکې له بې کورۍ هم کړېږي.
اړمن پادشاه نومی وایي: د ژومي له نږدې کېدو سره وېرې اخیستي یوو او فکر کوو، چې دا ژمی به څرنګه تېروو.
د کډوالو په چارو کې د ملګرو ملتونو د عالي کمیشنرۍ په تازه راپور کې ویل شوي، چې د افغانستان بې ځایه شوي خلک به سخت ژمی ولري.
دغه راپور زیاتوي، چې دغه کورنۍ باید د خواړو او د خپلو کورونو د تودولو تر منځ یو وټاکي.
د ماشومانو د حقونو فعاله ترانه ادیب وایي: بنستونه او خیریه موسسې باید افغانان یوازې خوشې نکړي ادو هره مرسته، چې کیږي باید ترې پوره څارنه وشي.
سږ کال د پخوا په پرتله طبیعي پېښو لکه سېلابونو او زلزلو خلک له خپلو کورونو بې ځایه کړل. دوی غوښتنه کوي، چې نړیواله ټولنه دې له بې ځایه شویو سره د مرستې لپاره اقدام وکړي، څو افغانستان د بشري ناورین نوي پړاو ته داخل نشي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه21 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ19 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی20 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ