تازه خبرونه
د اسلامي امارت چارواکو د بیا واکمنېدو په څلورمه کلیزه کې پر شویو پرمختګونو خبرې وکړې
په دې مراسمو کې، چې د کابل د لویې جرګې په تالار کې ترسره شول؛ د بهرنیو چارو وزیر امیرخان متقي ټینګار وکړ، چې اسلامي امارت متوازن سیاست په پام کې نیولی او له ټولو هېوادونو سره ښې اړیکې غواړي.
واک ته د اسلامي امارت د بیا راستنېدا د څلورمې کلیزې په مناسبت په جوړو شویو مراسمو کې لوړ پوړو دولتي چارواکو د هېواد د اقتصادي، تعلیمي، بېخبنایي او امنیتي لاسته راوړنو په اړه خبرې وکړې او د افغانستان په اړه یې نړیوالو اندېښنو ته ځواب ووایه.
په دې مراسمو کې، چې د کابل د لویې جرګې په تالار کې ترسره شول؛ د بهرنیو چارو وزیر امیرخان متقي ټینګار وکړ، چې اسلامي امارت متوازن سیاست په پام کې نیولی او له ټولو هېوادونو سره ښې اړیکې غواړي.
هغه زیاته کړه: “که څوک نه مخکښ کیږي؛ خپل کار یې دی؛ خو زمونږ ډیپلوماټان ان ځینو اروپایي هېوادونو ته هم تللي دي.”
هغه په بهر کې له میشتو افغانانو هم وغوښتل، چې له “اوهامو او خیالاتو” راووځي او هېواد ته راستانه شي؛ ځکه، چې “نن افغانستان په رښتیا د ټولو افغانانو ګډ کور دی.”
امیر خان متقي د اقتصادي خپلواکۍ په اړه هم خبرې وکړې او ټینګار یې وکړ، چې ټوله بودجه، که پرمختیایي او عادي ده؛ له کورنیو سرچینو څخه چمتو کیږي.
د بهرنیو چارو وزیر د ښوونې په اړه ویلي، چې په تېرو څلور کلونو کې سلګونه دیني مدرسې او ښوونخځي جوړ شوي او د زدهکوونکو شمېر اوس ۱۰ میلیون ته رسیدلی، چې ۲.۸ میلیون یې نجونې دي.
متقي د خپلې وینا په یوه بله برخه کې وویل؛ په هېواد کې د ملکیتونو بیې لوړې شوې دي، چې دا پر ثبات د خلکو باور نښه ده.
د نوموړي د څرګندونو له مخې؛ “تېر مهال نورو هېوادونو په افغانستان کې نیواکګرې هڅې کولې؛ خور په تېرو څلور کلونو کې حتا د افغانستان یو انچ ځمکه هم نیول شوې نده.”
د کورنیو چارو وزیر سراج الدین حقاني هم په دې مراسمو کې ویلي، چې “د جهاد هدف زمونږ د شخصي ګټو ترویج نه و، بلکې د اشغال پای ته رسول او د اسلامي نظام جوړول ول.”
هغه ویلي، چې پر نړیواله کچه د اسلامي امارت په اړه غلط فهمۍ شته ؛ خو که تفاهم وشي؛ هر څه به سم شي.
هغه زیاته کړې ډېری د خپلو ناسمو ګټو د پرمخ بېولو لپاره تورلګوي، چې افغانستان د نړیوالې ترهګرۍ مرکز دی او ترهګر اوس هم شتون لري او ګواښ رامنځته کوي. په داسې حال کې، چې مونږ د دوحې تړون ژمنو ته ژمن یوو.
د کورنیو چارو وزیر ټینګار کړی، چې که څوک له نظام سره ستونزه لري؛ نو د خبرو اترو دروازه خلاصه ده، خو “هیوادونه باید خپلې داخلي ستونزې پخپله حل کړي.”
د افغانستان د ریاست الوزراء ادارې مرستیال عبدالسلام حنفي هم په دې مراسمو کې پر عدالت ټینګار وکړ او څرګندوي؛ اسلامي امارت هیچا ته اجازه نه ورکوي، چې د سیاسي اختلافاتو یا پخوانیو مخالفتونو پر بنسټ پر چا ظلم وکړي.
هغه خبرداری ورکړی، چې که داسې قضیې رامنځته شي؛ نو دا به جرم وګڼل شي او عاملین به یې له اسلامي شریعت سره سم؛ په هر ځای کې، چې وي مجازات شي.
د یادونې ده، چې څلور کاله مخکې د ۱۴۰۰ لمریز لېږدیز کال د زمري پر څلیریشتمه د امریکا پر مشرۍ د ناټو د غړو هېوادونو ۲۰ کلنه جګړه د امریکایي ځواکونو له وتلو سره پای ته ورسېده او اسلامي امارت یو ځل بیا پر کابل واکمني ټینګه کړه.
تازه خبرونه
د قزاقستان ولسمشر د منځنۍ آسیا او افغانستان لپاره د ملګرو ملتونو د سیمهییز مرکز د جوړولو قانون توشیح کړ
دا قانون د چارشنبې پر ورځ لاسلیک شوی او د قزاقستان د حکومت او ملګرو ملتونو ترمنځ هغه هوکړهلیک تصویبوي، چې د ملګرو ملتونو د لومړي سیمهییز مرکز د فعالیت د پیل لپاره لار هواروي.
د قزاقستان ولسمشر قاسم جومارت توکایوف پر رسمي بڼه په الماتا کې د منځنۍ آسیا او افغانستان لپاره د ملګرو ملتونو د پرلهپسې پراختیایي اهدافو سیمهییز مرکز د جوړولو قانون تائید کړ.
دا قانون د چارشنبې پر ورځ لاسلیک شوی او د قزاقستان د حکومت او ملګرو ملتونو ترمنځ هغه هوکړهلیک تصویبوي، چې د ملګرو ملتونو د لومړي سیمهییز مرکز د فعالیت د پیل لپاره لار هواروي.
د قزاقستان د ولسمشرۍ دفتر ویلي، چې دا مرکز به د تلپاتې پراختیا د هڅولو، د سیمهییزو همکاریو د پیاوړتیا او د ملګرو ملتونو د پراختیايي پروګرامونو د پلي کولو لپاره په مرکزي آسیا او افغانستان کې کار کوي.
د جون پر یوولسمه د دې لایحې د معرفي کولو پر مهال د قزاقستان د سنا غړې بي بيګل ژیکسانبای دا مرکز د خپل هېواد لپاره سټراټیژیک اهمیت وباله او څرګندوي، چې په الماتا کې د هغې جوړول به د نړیوال ډیپلوماټیک او سوداګریز مرکز په توګه د ښار موقعیت نور هم پیاوړی کړي.
هغې زیاته کړې، چې دا اقدام به د ملګرو ملتونو په چوکاټ کې د قزاقستان د ملي لومړیتوبونو د وړاندې کولو فرصتونه زیات کړي، د قزاقستاني متخصصانو حضور به په نړیوالو بنسټونو کې لوړ کړي او د هغوی د مسلکي وړتیاوو د لوړولو لپاره به مرسته وکړي.
د دې هوکړهلیک له مخې، قزاقستان ژمنه کړې، چې له ۲۰۲۵ څخه تر ۲۰۲۹ کلونو پورې به هر کال درې میلیون ډالر داوطلبانه دې مرکز ته ځانګړي کړي. دا بودجه به د عصري تجهیزاتو، معلوماتي ټکنالوژۍ بېخبناوو، د اړیکو سیسټمونو او د مرکز د عملیاتي لګښتونو لپاره ولګول شي.
تازه خبرونه
افغانستان سولې ته رسېدلی، اوس اقتصادي پرمختګ ته اړتیا لري – ذبیحالله مجاهد
مجاهد ویلي: «په افغانستان کې سوله او ثبات ټینګ شوی او خلک له جګړې، بېوزلۍ، اختلافونو او نښتو ژغورل شوي دي. پیاوړي امنیتي ځواکونه لرو، چې د هېواد ثبات ساتلی شي. اوس اړتیا ده، چې د افغانستان اقتصاد پخپلو پښو ودرېږي او د پام وړ پرمختګ وکړي.»
د اسلامي امارت ویاند ذبیحالله مجاهد د افغانستان لپاره د ټولګډوږنه سیاسي بهیر د پیل په اړه د اروپايي ټولنې د ټینګار په غبرګون کې ویلي، چې په هېواد کې سوله او ثبات ټینګ شوی او اوس د افغانستان لومړیتوب اقتصادي هوساینه او پرمختګ دی.
مجاهد ویلي: «په افغانستان کې سوله او ثبات ټینګ شوی او خلک له جګړې، بېوزلۍ، اختلافونو او نښتو ژغورل شوي دي. پیاوړي امنیتي ځواکونه لرو، چې د هېواد ثبات ساتلی شي. اوس اړتیا ده، چې د افغانستان اقتصاد پخپلو پښو ودرېږي او د پام وړ پرمختګ وکړي.»
د اسلامي امارت ویاند له نړۍوالو هېوادونو هم غوښتي، چې د افغانستان په اړه د اندېښنو پر ځای له دغه هېواد سره خپلې اړیکې او تعاملات پراخ کړي.
هغه زیاته کړې:« مونږ هیله لرو، چې نور هېوادونه د افغانستان په اړه اندېښنه ونهلري او له افغانستان سره د خپلو اړیکو او تعاملاتو د پراخولو په اړه غور وکړي.»
دا څرګندونې داسې مهال کېږي، چې اروپايي ټولنې په ژنیو کې د ملګرو ملتونو د بشري حقونو شورا غونډې ته یو ځل بیا په افغانستان کې د ټولګدونه سیاسي بهیر پر پیل ټینګار کړی او هغه یې د تلپاتې سولې او ثبات لپاره اړین بللی دی.
د اروپايي ټولنې استازولۍ همداراز د بشري مرستو د بېخنډه رسېدا او د دغو مرستو د وېش په بهیر کې د ښځو د ونډې د تضمین غوښتنه کړې ده.
اسلامي امارت تل د ټولګډونه سیاسي بهیر موضوع د افغانستان کورنۍ مسئله بللې او ټینګار یې کړی، چې نور هېوادونه باید په دې برخه کې لاسوهنه ونهکړي.
تازه خبرونه
متقي او ډیکارلو د بشري مرستو پر اغېزمنتیا خبرې وکړې
د بهرنیو چارو وزارت د خپرې شوېخبرپاڼې له مخې، په دې خبرو کې اړمنو افغانانو ته د بشري مرستو د رسولو او د مرستو د بهیر د اغېزمنتیا په اړه بحث او خبرې شوې دي.
د اسلامي امارت بهرنیو چارو وزیر امیرخان متقي په سیاسي او د سولې د ټینګښت په چارو کې د ملګرو ملتونو له مرستیالې روزمیري ډیکارلو سره ټیلیفوني خبرې کړې دي.
د بهرنیو چارو وزارت د خپرې شوېخبرپاڼې له مخې، په دې خبرو کې اړمنو افغانانو ته د بشري مرستو د رسولو او د مرستو د بهیر د اغېزمنتیا په اړه بحث او خبرې شوې دي.
روزمیري ډیکارلو د بشري فعالیتونو لپاره د اسلامي امارت د آسانتیاوو او همکاریو له آسانتیاوو ستاینه وکړه او څرګندوي، چې دغه آسانتیاوې د مرستو د اغېزمن او پر وخت رسېدو لپاره مهمې دي.
هغې همداراز د یوناما اړوند د وروستیو پرمختګونو په اړه معلومات شریک کړل او په افغانستان کې یې د ملګرو ملتونو د روانو فعالیتونو په اړه توضیحات وړاندې کړل.
ویل کیږي، چې دواړو لوریو د متقابل تفاهم، رغنده تعامل او همکاریو پر پیاوړتیا ټینګار کړی دی.
د قزاقستان ولسمشر د منځنۍ آسیا او افغانستان لپاره د ملګرو ملتونو د سیمهییز مرکز د جوړولو قانون توشیح کړ
د ایبک سمنټ پروژې تړون د ۶۷ میلیون ډالرو پر پانګونه لاسلیک شو
افغانستان سولې ته رسېدلی، اوس اقتصادي پرمختګ ته اړتیا لري – ذبیحالله مجاهد
اماراتو د ټولنیزو شبکو د کارولو عمر لږ تر لږه ۱۵ کاله وټاکه
متقي او ډیکارلو د بشري مرستو پر اغېزمنتیا خبرې وکړې
ایران د ۲۰۲۶ فیفا نړیوال جام روزنیز کمپ له امریکا څخه مکسیکو ته بدل کړ
په کویټه کې د زورورې چاودنې له کبله ۲۴ کسان وژل شوي
له ایران سره د هوکړې لپاره بېړه نه لرو؛ د هرمز تنګي محاصره به روانه وي – ټرمپ
چین او پاکستان د افغانستان په اړه د همکاریو پر پراخولو ټینګار وکړ
شپږ افغان کرکټلوبغاړي د ۲۰۲۶ سریلانکا غوره لیګ ته غوره شول
-
نړۍ4 days agoپه فرانسه کې د جي۷ سرمشریزه د امریکا او ایران د هوکړې له اعلان سره هممهاله ترسره شوه
-
سوداگري4 days agoد امریکا او ایران له هوکړې وروسته د سرو زرو بیه لوړه شوه
-
تازه خبرونه2 days agoافغانستان او پاکستان دې د کړکېچونو له زیاتېدا ډډه وکړي – بریټانیا
-
تازه خبرونه4 days agoد ملګرو ملتونو امنیت شورا د یوناما ماموریت یو کال وغځاوه
-
تازه خبرونه5 days agoد ډیورنډ فرضي کرښې په اوږدو کې د اغزنې کټارې لګول پر ځای کړنه وه – شهباز شریف
-
سوداگري5 days agoایراني پانګوال د افغانستان کانونو ته لېواله شول؛ کابل له بهرنیو پانګونو هرکلی وکړ
-
لوبی4 days agoد افغانستان اتلانو لیګ شپږم پړاو د اګست پر نولسمه په کابل کې پیلېږي
-
International Sports2 days agoفرانسې سنګال ته ۳–۱ ماتې ورکړه؛ امباپي د ګولوهنې ملي ریکارډ جوړ کړ