سوداگري
د تورخم ګمرک له لارې به د ډبرو سکرو صادرات د تازه میوو لپاره ودرول شي
د افغانستان اسلامي امارت مالیې وزارت د دوشنبې پر ورځ د تورخم ګمرک له لارې د ډبرو سکرو د بار وړونکیو موټرو پر تګ راتګ بندیز ولګاوه، چې د تازه میوو بار وړونکیو لاریو ته د تګ راتګ آسانتیاوې برابره شي.
د مالیې وزارت د لارښوونې له مخې، د ډبرو سکرو بار وړونکو موټرو ته به نور د تورخم له ګمرک څخه د تېرېدو اجازه نه ورکول کېږي او له بدیلو لارو به کار واخلي.
د مالیې وزارت د لارښوونې له مخې، د ډبرو سکرو بار وړونکیو موټرو ته به نور د تورخم له ګمرک څخه د تېرېدو اجازه نه ورکول کېږي او له نورو بدیلو لارو به کار واخلي.
وزارت څرګندوي، دا اقدام د تازه میوو د خرابیدو او په لویو لارو کې د ترافیکي ګڼې ګوڼې د مخنیوي لپاره تر لاس لاندې نیول شوی دی.
ماليې وزارت څرګنده کړې؛ اوس په افغانستان کې د تازه میوو موسم دی او په زیاته اندازه تازه میوې د تورخم ګمرک له لارې صادریږي. د دغو فصلي میوو د خرابیدو او له ترافیکي تراکم څخه د مخنیوي په موخه د تورخم ګمرک به د ډبرو سکرو د صادراتو پر مخ بندوي.
د یاد وزارت د ټینګار له مخې؛ د ډبرو سکرو باروړونکي موټرچلوونکې دې د پکتیا، پکتیکا او خوست ګمرکونو له لارې خپل صادرات ترسره کوي.
د ماليې وزارت په داسې حال کې دغه پرېکړه د ټینګار وړ بولي، چې د تازه میوو د صادراتو لپاره نه یوازې آسانتیاوې رامنځته شي، بلکې د میوو د خرابېدو مخه هم ونیول شي.
افغانستان له ډېرې مودې راپدیخوا د میوو پراخ حاصلات لري او هر کال په زیاته اندازه پاکستان ته صادروي.
په افغانستان کې تر دې دمه لس ډوله مڼې، لس ډوله انار، ۲۴ ډوله زردالو، ۱۸ ډوله انګور، ۱۵ ډوله ګیلاس او ۱۹ ډوله شفتالو پېژندل شوي دي.
دا په داسې حال کې ده، چې اسلامي امارت ویلي؛ پاکستان ته یې د ډبرو سکرو صادرات زیات کړي دي.
دویچه ویله هم راپور ورکړی، چې که څه هم حکومت د نړیوالې ټولنې لخوا پر رسمیت پېژندل شوی ندی او نشي کولی بهرنی تمویل ترلاسه کړي، د ډبرو سکرو پر صادراتو یې مالیه هم لوړه کړې ده.
د اسلامي امارت د مالیې وزارت ویاند احمد ولي حقمل رویټرز ته ویل: د ډبرو سکرو صادرات زیات شوي؛ ځکه چې مونږ په دې اړه سوداګرو ته اړوند آسانتیاوې برابرې کړې دي.
هغه وایي؛ په تېرو شپږ مياشتو کې له افغانستان څخه د ١٦ ميليارد افغانيو پر ارزښت د ډبرو سکاره صادر شوي، چې درې ميليارد افغانۍ (شاوخوا ٣٣ ميليون ډالر) يې له ګمرکونو راغلي دي.
دويچه ويله څرګنده کړې؛ پاکستانيو چارواکو تر اوسه په دې اړه څه ندي ويلي؛ خو حکومتي سرچينې وايي، له افغانستان څخه د ډبرو سکرو صادرات ډېر شوي او ښايي په مياشت کې تر ٥٠٠ زره ټنو پورې سکاره ګاونډ هېوادونو ته صادر شي.
پاکستان دا مهال د خپلو ډبرو درې پر څلورمه برخه له جنوبي آفریقا واردوي.
تېره ورځ په افغانستان کې د پاکستان سفیر منصور احمد خان په یوه ټویټ کې ویلي وه، چې د افغانستان د ډبرو سکرو د اتحادیې له مشر حاجي محمد رسول توتاخېل سره یې وکتل، چې له افغانستان څخه پاکستان ته د ډبرو سکرو په لېږدولو کې د لوژستیکي ستونزو د حل په موخه خبرې وکړي.
منصور احمد خان ټویټ کړی، چې دا د سوداګرۍ او ارتباطاتو د ودې لپاره یو اړينه ګام دی.
سوداگري
په کابل کې د افغانستان او قزاقستان سوداګریز کنفرانس او نندارتون جوړ شو
نن پنجشنبه ( د غویی شپږمه ) د افغانستان او قزاقستان چارواکو سوداګریز کنفرانس جوړ او د سوداکریز نندارتون پرانسته وکړه، چې په کې د سوداګریزو اړیکو پر پراختیا ټینګار څرګند شو.
د ریاست الوزرا قتصادي مرستیال د دې نندارتون د پرانستې په غونډه کې د افغانستان د امنیتي ټيکاو او په هېواد کې د پانګونې د زمینې د برابرلو ترڅنګ د سوداګرۍ د ټرنزیټي کچې پر وده او پراختیا هم خبرې وکړې.
د ریاست الوزرا اقتصادي مرستیال ویلي، چې د اسلامي امارت د اقتصاد محوره بهرني سیاست پر بنسټ توانیدلي، چې د سیمې هېوادونو او په ځانګړي توګه له منځنۍ آسیا سره سوداګریزې پراخې اړیکې جوړې کړي.
د سوداګرۍ وزارت څرګنده کړې؛ په ١٤٠٢ لمریز لېږدیز کال کې د افغانستان او قزاقستان ترمنځ د سوداګرۍ کچه نږدې ٢٧٠ ميليون ډالره وه.
د صنعت او سوداګرۍ وزارت چارسمبالي نورالدین عزیزي ویلي: د افغانستان او قزاقستان ترمنځ په سوداګرۍ کې د پام وړ زیاتوالي راغلي او د دغو نندارتونونو له جړیدا سره به د دواړو هېوادونو ترمنځ اقتصادي اړیکې نورې هم پراخي شي.
نورالدین عزیزي څرګنده کړې: د اسلامي امارت بهرنی سیاست خپلواک، متوازن او اقتصاد محوره دی، چې کولی شي افغان- قزاق نړیوال نندارتون ته ورته نندارتونونه جوړ کړي.
هغه زیاته کړې، دغه نندارتون د افغانستان او قزاقستان ترمنځ د اقتصادي او سیاسي اړیکو په پیاوړتیا کې ارزښتناک رول لوبولی شي.
له دې سره د قزاقستان د لومړي وزیر مرستیال هم ویلي، چې د افغانستان او قزاقستان ترمنځ سوداګریزې اړیکې پراخه شوې دي او د افغانستان له لارې یې له منځنۍ آسیا سره پر نښلېدا ټینګار کړی دی.
د قزاقستان د لومړي وزیر مرستیال، چې د یو پلاوي پر مشرۍ کابل ته راغلی د افغانستان او قزاقستان د سوداګریزو اړیکو پر پراختیا یې ټينګار کړی او وایي؛ د دواړو هېوادونو ترمنځ د سوداګريزو، ټرانزيټي او اقتصادي اړيکو د پراختیا لپاره پر شته ظرفیتونو باید کار وشي، چې د افغانستان له لارې منځۍ آسیا له جنوبي آسیا سره ونښلول شي.
د قزاقستان د لومړي وزیر مرستیال سیریک ژومنګارین ویلي: پر بنسټيزې پروژو په ځانګړي توګه د افغانستان د اورګاډي پټلۍ د پراختیا او همداراز په اقتصادي ډګرونو کې پر شته ظرفیتونو باید کار وشي، چې د دواړو هېوادونو ترمنځ د اقتصادي او سوداګریزو اړیکو د پراختیا لپاره زمینه برابره شي.
ملګري ملتونه هم وايي، چې د منځنۍ آسیا هېوادونه د افغانستان په اقتصادي وده کې اساسي رول لوبولی شي.
په افغانستان کې د ملګرو ملتونو ځانکړې استازې روزا اوتونبایوا ویلي؛ د افغانستان په اقتصادي پراختیا کې خصوصي سکټور د باثباته اقتصاد په رامنځ ته کولو کې مهم رول لري، چې په وروستیو دوه کلونو کې دوی په ځانګړي ټوګه د ټرانزیټي، بانکي او نړیوال مارکیټ ته دلاس رسي په برخو کې ستونزې لرلې، چې په دې برخه کې ترې ملګرو ملتونو خپله همکارۍ نده سپمولې.
ویل کیږي، چې د افغانستان او قزاقستان ترمنځ د دې سوداګریز کنفرانس په دوه ورځني نندارتون کې د دواړو هېوادونو خصوصي سکټورنو له لوري په ۸۰ غرفو کې بېلابېل تولیدات نندارې ته وړاندې کړي دي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
سوداگري
ماليزيايي پانګوال دې په افغانستان کې پانګونه وکړي – عزيزي
د صنایعو او سوداګرۍ وزارت چارسمبالي نورالدین عزیزي د مالیزیا د بهرنیو چارو، دفاع، کورنیو چارو وزارتونو او د افغانستان لپاره د دې هېواد د لومړي وزیر د دفتر له استازې ډاکټرې شازلینا بنت زین العابدین سره وکتل.
د افغانستان د سوداګرۍ او صنایعو وزارت ويلي؛ په دې کتنه کې د دواړو هېوادونو ترمنځ د سوداګریزو اړیکو پر پیاوړتیا، د دواړو لوریو دوه اړخیزو سوداګریزو اړیکو کنفرانس، د افغانستان او مالیزیا تر منځ د سوداګرۍ توازن او د افغانستان د محصولاتو لکه غالۍ، پنبه او کاني ډبرو لپاره بازار موندلو خبرې شوې دي.
ویل کیږي، چې په دې لیدنه کې د صنعت او سوداګرۍ وزارت چارسمبالي په افغانستان کې د سیمې د هېوادونو د پانګونې پر زیاتوالي ټینګار کړی او د مالیزیا له پانګوالو غوښتل شوي، چې په افغانستان کې پانګونه وکړي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ