Connect with us

تازه خبرونه

د حکومت د ثبات لپاره باید له صلاحیتونو څخه سالمه او شرعي استفاده وشي – سراج الدین حقاني

د کورنیو چارو وزارت د ویاند په خپره شوې خبرپاڼه کې راغلي: «د نظام استحکام او د ولس خدمت لوی امانت دی، چې باید په پوره اخلاص سره ادا شي.»

خپور شوی

د

د کورنیو چارو وزارت چارسمبالي سراج‌الدین حقاني کاپیسا ولایت ته د سفر پر مهال د دې ولایت په تالار کې د شهیدانو د ویاړ په مناسبت جوړې شوې غونډې ته ویلي؛ « مجاهدین دې د حکومت د ثبات، مؤثرو خدماتو او مسوولانه چلند لپاره هڅه وکړي او له صلاحیتونو څخه باید سالمه او شرعي استفاده وشي.

د کورنیو چارو وزارت د ویاند په خپره شوې خبرپاڼه کې راغلي: «د نظام استحکام او د ولس خدمت لوی امانت دی، چې باید په پوره اخلاص سره ادا شي.»

سراج الدین حقاني زیاته کړې:  د عفوې فرمان په تېرو  څلور کلونو کې ښه پلی شوی او په هېواد کې امنيت تامين، اسلامي او ملي ګټې خوندي دي او د څلوېښت کلنې دښمنۍ ځای دوستۍ او ورورګلوۍ نیولې دی.

د کورنيو چارو وزارت د چارسمبالي د څرګندونو له مخې:« اختلاف د نظر ممکن دی؛ خو ټول باید د هېواد جوړونې او شریعت حاکمیت ته کار وکړو. د ټولنې اصلاح او د حکومت په استحکام کې د هر چا ونډه ضروري ده. »

نوموړي د کاپیسا د خلکو د مبارزې او جهادي هڅو د ستایلو تر څنګ ویلي؛ «د دوست او دښمن دواړو اعتراف دا دی، چې کاپیسا د خپلواکۍ د مبارزې یو له مهمو میدانونو څخه وه او ناممکن عملیات دلته ممکن شول».

هغه په دې غونډه کې د مسوولیتونو، دندو او صلاحیتونو د کره والی لپاره د ظرفیت لوړونې پر اړتیا ټينګار وکړ او څرګندوي : چې تل باید د زده‌کړې په حال کې ووسو او د پوهې پر بنسټ په خپلو دندو کې پرمختګ وکړو.

 دغه راز په دې غونډه کې د کاپیسا والي قاري بریال دې ولايت ته د دې وزارت د چارسمبالي راتګ د ویاړ او عزت سبب وباله او د نوموړي د جهادي دورې د یووالي، ښې رهبرۍ او بریاوو یادونه یې وکړه.

نوموړي د اسلامي امارت حکومت بریالیتوب د اتفاق او اتحاد نتیجه وبلله او د کاپیسا د ولسونو او مجاهدينو په استازیتوب یې د حکومت ترڅنګ د کلک درېدلو ډاډ ورکړ.

تازه خبرونه

افغانستان د چاودېدونکو توکو له کبله د ډېرو تلفاتو لرونکو هېوادونو په نوملړ کې ونیول شو

د یوناما د راپور له مخې؛ ماشومان د دې ګواښونو تر ټولو ستر قربانیان دي او شاوخوا ۸۰ سلنه یې د ماینونو له کبله رامنځته شوي، چې ډېری وخت له نه‌چاودو مهماتو سره د لوبو پر مهال ټپیان کېږي او یا هم خپل ژوند له لاسه ورکوي.

Published

on

په افغانستان کې د ملګرو ملتونو د مرستندوی پلاوي دفتر (یوناما) خبرداری ورکړی؛ افغانستان د نړۍ له هغو درې هېوادونو څخه دی، چې د چاودېدونکو توکو له کبله تر ټولو ډېر تلفات لري او اوس هم د جګړې ماینونه او نور توکي په بېلابېلو سیمو کې ناچاودي پاتې دي.

د یوناما د راپور له مخې؛ ماشومان د دې ګواښونو تر ټولو ستر قربانیان دي او شاوخوا ۸۰ سلنه یې د ماینونو له کبله رامنځته شوي، چې ډېری وخت له نه‌چاودو مهماتو سره د لوبو پر مهال ټپیان کېږي او یا هم خپل ژوند له لاسه ورکوي.

دغه بنسټ همدارنګه د هغو نادولتي ادارو مالي ملاتړ کوي، چې د ماین‌پاکۍ او د سیمو د خلکو د پوهاوي په برخه کې فعالیت کوي.

یوناما ویلي، چې دغه ادارې هره ورځ د ماینونو او د جګړې د نورو وژونکو پاتې شونو د پاکولو لپاره هڅې کوي او د پوهاوي د پروګرامونو له لارې خلک د شته خطرونو په اړه روزي.

یوناما ټینګار کړی، چې پوهاوی او ګډ اقدام کولی شي د افغانستان د خلکو ژوند وژغوري او د ټولنې امنیت وغځوي.

Continue Reading

تازه خبرونه

مونږ له هند او افغانستان سره د پاکستان د اړیکو منځګړيتوب نلرو

د روسیې بهرنیو چارو وزارت له لوري په خپرو شوو څرګندونو کې راغلي؛ شخړې باید د دواړو لوریو ترمنځ؛ د ۱۹۷۲ ز.کال د سېملا تړون او د ۱۹۹۹ ز.کال د لاهور خبرپاڼې له مخې؛ دوه‌اړخیزې حل شي.

Published

on

د روسیې بهرنیو چارو وزیر ویلي، چې له هند او افغانستان سره د پاکستان په اړیکو کې د منځګړي رول نلري؛ خو که ترې وغوښتل شي، د مرستې لپاره چمتو دي.

د روسیې بهرنیو چارو وزارت له لوري په خپرو شوو څرګندونو کې راغلي؛ شخړې باید د دواړو لوریو ترمنځ؛ د ۱۹۷۲ ز.کال د سېملا تړون او د ۱۹۹۹ ز.کال د لاهور خبرپاڼې له مخې؛ دوه‌اړخیزې حل شي.

دغه څرګندونې د روسیې بهرنیو چارو وزیر سرګي لاوروف د کلنۍ خبري غونډې له ترسره کېدا مخکې د لیکل شوې بڼې پوښتنو په ځواب کې له هغې وروسته خپرې شوې، چې د وخت د کمښت له کبله ځینې پوښتنې ځواب شوې نه‌وې.

له پاکستان سره د اړیکو په اړه روسیې ویلي؛ په ۲۰۲۵ کال کې سیاسي اړیکې ورسره هغه مهال پیاوړې شوې، چې د چین پر کوربتوب د شانګهای همکاریو ټولنې د سرمشریزې پر مهال د روسیې ولسمشر ولادیمیر پوتین او د پاکستان لومړي وزیر شهباز شریف سره ولیدل.

مسکو همدارنګه د اقتصادي همکاریو د پراختیا یادونه کړې او څرګندوي، چې د کراچۍ د فولادو کارخونې بیا فعالول، د درمل جوړونې په برخه کې همکاري (په ځانګړي ډول د انسولین تولید) د نړیوال شمال–سویل ټرانسپورټي دهلېز تر چتر لاندې د ازمایښتي بار وړونکو لارو پیل او د پاکستان د تېل او ګاز په سکټور کې د روسیې احتمالي ګډون؛ د دواړو هېوادونو د همکاریو له مهمو بېلګو څخه دي. همدارنګه تمه ده، چې تر ۲۰۳۰ کال پورې د سوداګرۍ او اقتصادي همکاریو دوه‌اړخیز پروګرام هم تصویب شي.

Continue Reading

تازه خبرونه

د افغانستان ملي پراختیا سټراټیژي له خطر سره مخ ده – یو‌ان‌ډي‌پي

دا له ۲۰۲۱ کال راپدېخوا د اسلامي امارت له بیا واکمنېدا وروسته لومړنی ملي پراختیايي پروګرام دی، چې د نړیوالو مرستو د نشتون تر شرایطو لاندې؛ د محدودو کورنیو سرچینو د وېش لپاره چوکاټ وړاندې کوي.

Published

on

د ملګرو ملتونو پراختیايي پروګرام (UNDP) د راپور له مخې؛ د افغانستان نوې ملي پراختیایي سټراټیژي  (ANDS 2025–2030) به تر هغې خپلې موخې ته ونهرسېږي، چې اړینې جوړښتي ننګونې حل نشي.

دا له ۲۰۲۱ کال راپدېخوا د اسلامي امارت له بیا واکمنېدا وروسته لومړنی ملي پراختیايي پروګرام دی، چې د نړیوالو مرستو د نشتون تر شرایطو لاندې؛ د محدودو کورنیو سرچینو د وېش لپاره چوکاټ وړاندې کوي.

د دې سټراټیژۍ موخه دا ده، چې کلنۍ اقتصادي وده له ۳ څخه تر ۵ سلنې پورې ترلاسه کړي، صادرات ۱۰ سلنه زیات کړي، تر ۲۰۳۰ پورې ۵ میلیارډ ډالر بهرنۍ پانګونه راجلب کړي او پطخبنا(زیربنا) انرژي او استخراجي صنایعو ته پراختیا ورکړي.

د ملګرو ملتونو پراختیايي پروګرام خبرداری ورکړی، چې په یو مهال کې څو بحرانونه؛ لکه: نړیوال نه‌رسمیت پېژندنه، ژور بشري ناورین، د کډوالو پراخه بېرته ستنېدا او اقلیمي بدلونونه د دې پروګرام د عملي کېدا خطر نور هم زیاتوي.

دې بنسټ دوه اړین بحراني محدودیتونه پر ګوته کړي؛ پر ښځو لګېدلي بندیزونه او د انرژۍ کمښت.

د راپور له مخې؛ د نجونو پر زده‌کړو بندیز او د ښځو پر کار او ګرځېدا محدودیتونو د دوی اقتصادي ګډون راکم کم کړی، چې د ودې او ګډې سوکالۍ ترلاسه کول یې ستونزمن کړي دي. همدارنګه، د انرژۍ سخت کمښت – د برښنا اوسنی تولید یوازې ۰.۷ ګیګاواټه دی د ۵ ګیګاواټه اړتیا پر وړاندې؛ د صنعتي پرمختګ مخه نیسي.

د ملګرو ملتونو پراختیايي پروګرام دا پایله اخلي: تر هغې، چې پر ښځو محدودیتونه لرې او د انرژۍ تشه ډکه نشي؛ دا سټراټیژي به ښايي یوازې یوه هیله پاتې وي او عملي بدلون به رامنځته نکړي.

اسلامي امارت تر اوسه پدې اړه کوم غبرګون ندی ښودلی.

Continue Reading
Advertisement

Trending

Copyright © 2025 Ariana News. All rights reserved!