Connect with us

تازه خبرونه

د سلواغې شپږویشتمه له سرو لښکرو څخه د افغانانو د آزادۍ ورځ ده

خپور شوی

د

(Last Updated On: سلواغه ۲۶, ۱۴۰۱)

د اسلامي امارت چارواکو ویلي؛ ۳۴ کاله مخکې د سلواغې پر شپږویشتمه د افغانانو ملي جهاد بریالی شو او سرو لښکرو ماتې وخوړه.

د افغانستان اسلامي امارت د چارشنبې پر ورځ (د سلواغې ۲۶ ) له افغانستان څخه د شوروي اتحاد د سره پوځ د وتلو د څلوردېرشمې کلیزې په مناسبت په یوه اعلامیه کې له نړۍ سره د مثبت تعامل غوښتنه وکړه.

په هغه اعلاميه کې، چې په همدې مناسبت خپره شوې؛ ويل شوي: که هېوادونه له مونږ سره روښانه او ښه تعامل ولري؛ مونږ هم د خپلو ديني او ملي ګټو په پام کې نيولو سره مثبت تعامل ته چمتو يوو.

په اعلامیه کې دا هم راغلي، چې افغانان یرغلګر ندي؛ خو د نورو تېري زغملی نه‌شي.

اعلامیه زیاتوي: د شوروي له یرغل وروسته د امریکا په مشرۍ اشغال پیل شو او ناکامۍ یې بیا ثابته کړه، چې افغانان د بهرنیانو پر وړاندې ډېر حساس دي او د هېواد له ملي ارزښتونو، پت، آزادۍ او خپلواکۍ دفاع خپل دیني مکلفیت ګڼي.

په دې اعلامیه کې اسلامي امارت له ټولو خواوو غوښتي، چې د افغانانو د ځورولو هڅه ونه‌کړي، بلکې له اوسني نظامه ملاتړ څرګند کړي.

په اعلامیه کې راغلي: اوس، چې په افغانستان کې د اسلامي امارت پر مشرۍ  یو مشروع، متحد او خپلواک حکومت رامنځته شوی؛ د ټولو په ګټه ده، چې له دې شېبې ګټه پورته کړي، د همغږۍ لار خپله کړي او د مثبت پرمختګ لپاره ګډ کار ته ملا وتړي.

د افغانستان اسلامي امارت د سلواغې ۲۶ له افغانستان څخه د شوروي اتحاد د سره پوځ د وتلو د څلوردېرشمې کلیزې په مناسبت عمومي رخصتي اعلان کړې ده.

د دغو ځواکونو وتل د افغانستان، پاکستان، پخواني شوروي اتحاد او امریکا د حکومتونو د چارواکو تر منځ له ۴۱ پړاو خبرو وروسته ترسره شول.

دغه اسانتیا د ۱۹۸۸ ز. کال پر اپریل د ژنیو تړون رامنځته کړه او د ۹ میاشتو په بهیر کې پلې شوه.

دا تړون د امریکا او شوروي اتحاد پر ضمانت د افغانستان د هغه وخت د حکومت او پاکستان ترمنځ لاسلیک شوی دی.

تازه خبرونه

ایران او پاکستان د افغانستان په اړه ګډه اعلامیه خپره کړه

Published

on

(Last Updated On: غویی ۵, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

تازه خبرونه

له ۱۰۰۰ ډېر افغان مهاجرین له پاکستان څخه جبري وایستل شول

Published

on

(Last Updated On: غویی ۵, ۱۴۰۳)

د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.

د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.

د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.

دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.

ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.

Continue Reading

تازه خبرونه

د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ

Published

on

(Last Updated On: غویی ۵, ۱۴۰۳)

د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.

د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.

د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.

دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.

ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.

Continue Reading

Trending

Copyright © 2022 Ariana News. All rights reserved!