Connect with us

تازه خبرونه

د هرات سوداګرۍ او پانګونې خونې د ترکیې له زلزله ځپلیو سره مرسته وکړه

خپور شوی

د

(Last Updated On: سلواغه ۲۶, ۱۴۰۱)
په هرات ولایت کې د سوداګرۍ او پانګونې خونې د ترکیې له زلزله ځپلیو سره خپله څه د پاسه ۵۰ زره دالر مرسته د د دې ولایت قونسلګرۍ ته وسپارله.

د هرات سوداګرۍ او پانګونې خونې چارواکو ويلي؛ که څه هم د زلزلې له کبله د ترکیې خلکو ته د اوښتو زیانونو پر پرتله دا مرسته ډېره کمه ده، خو د ترکیې خلکو او حکومت ته د دوستۍ او همکارۍ پیغام رسولی شي.

د هرات د سوداګرۍ او پانګونې خونې رییس یونس قاضي زاده ویلي: نن د هرات ولایت د سوداګرۍ خونې لخوا د ترکیې هېواد ته د پیغام په توګه یوه اندازه پیسې ورکړ شوې. د هرات ولایت والي او د هرات سوداګرۍ خونې له لوري د ترکیې جلالتمآب قونسلګرۍ ته پېنځه شپیته زره او پېنځه سوه دالر نغدي ډالۍ ورکړ شوه.

په دې مراسمو کې د هرات سیمه ییزو چارواکو د ترکیې د بشردوستانه مرستو، چې تل یې د افغانستان خلکو ته رسولې دي؛ قدرداني وکړه.

د هرات والي نوراحمد اسلام جار ويلي، د دواړو هېوادونو ولسونه له یو بل سره نږدې اړیکې لري او تل يې په ځانګړیو حالاتو کې له يو بل سره همکاري، خواخوږي او همدردي کړې ده.

نوراحمد اسلام جار وایي: د افغانستان باعزته ملت او په ځانګړي توګه د هرات خلک په ترکيه کې د خپلو ترکي وروڼو خدمت ته هر وخت چمتو دي او که اسانتياوې ورته برابرې شي؛ هم چمتو دي، چې په سوریه کې هم د خپلو مظلومو وروڼو خدمت وکړي.

په هرات کې د ترکیې جنرال قونسل سینان ایلیخان وایي: زه د ترکيې د خلکو پر استازيتوب له دغو نغدي مرستو مننه کوم، چې د افغان او ترکي وروڼو ترمنځ په سختو حالاتو کې د پيوستون يوه بله بېلګه ده.

په ترکیه کې وروستۍ زلزلې د دغه هېواد شاوخوا لس ولایتونه سخت ځپلي او د دې هیواد پر زرګونه وکګړیو سربېره په دغو ولایتونو کې میشت لسګونه افغانانو ته هم تلفات اوښتي دي. په ترکیه کې د افغانستان سفارت ویلي، چې په دې زلزله کې ۱۱۶ افغانان هم مړه شوي دي.

د هرات د اطلاعاتو او فرهنګ رییس نعیم الحق حقاني څرګنده کړې: زمونږ د ترکي وروڼو ترڅنګ يو زيات شمېر افغانان هم د زلزلې تر خاورو او ویجاړیو لاندې شهيدان شول. په دغه ناورین کې، چې زمونږ ترک ورور او خور مړه شول؛ د دوی افغان ورور هم ورته درد احساسوي او ځانونه ورسره په دې غم کې شریک ګڼي.

د یادونې ده، چې له دې مخکې هم د افغاني سرې میاشتې ټولنې د ترکیې له زلزله ځپلیو سره څلور نیم میلیون او اسلامي امارت ۱۵ میلیون افغانۍ مرسته کړې ده.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!